Page Text
________________
३६६
जंबुद्दीवपण्णत्ती
रयणामया अच्छा सण्हा लण्हा घट्टा मट्टा णोरया णिम्मला निप्पंका निक्कंकडच्छाया सप्पहा सस्सिरीया समिरीया सउज्जोया पासादीया दरिसणिज्जा अभिरूवा पडिरूवा। तत्थ णं सक्कस्स देविंदस्स देवरण्णो सोम-जम-वरुण-वेसमणकाइया बहवे आभिओग्गा देवा महिड्डीया महज्जुईया' 'महाबला महायसा महासोक्खा महाणुभागा पलिओवमट्टिईया परिवति ॥
३२. तासि णं आभिओग्गसेढीणं बहुसमरमणिज्जाओ भूमिभागाओ वेयड्डस्स पव्वयस्स उभओ पासिं पंच-पंच जोयणाई उड्ढं उप्पइत्ता, एत्थ णं वेयड्डस्स पव्वयस्स सिहरतले पण्णत्ते-पाईणपडीणायए' उदीणदाहिणविच्छिण्णे दस जोयणाई विक्खंभेणं, पव्वयसमगे आयामेणं । से णं एक्काए पउमवरवेइयाए एक्केण य वणसंडेणं सव्वओ समंता संपरिक्खित्ते । पमाणं वण्णगो' दोण्हपि ॥
३३. वेयडस्स णं भंते ! पव्वयस्स सिहरतलस्स केरिसए आगारभावपडोयारे पण्णत्ते ? गोयमा ! बहुसमरमणिज्जे भूमिभागे पण्णत्ते, से जहाणामए-आलिंगपुक्ख रेइ वा जाव णाणाविहपंचवणे हि मणीहिं तणेहि य उवसोभिए जाव वावीओ पुक्खरिणीओ जाव' वाणमंतरा देवा य देवीओ य आसयंति' 'सयंति चिठंति णिसीयंति तुयद्वृति रमंति ललंति कीडंति मोहंति, पुरा पोराणाणं सुचिण्णाणं सुपरक्कंताणं सुभाणं कडाणं कम्माणं कल्लाणाणं कल्लाणं फलवित्तिविसेसं° भुंजमाणा विहरति ।।
३४. जंबुद्दीवे गं भंते ! दीवे भारहे वासे वेयड्पव्वए कइ कूडा पण्णत्ता ? गोयमा ! णव कूडा पण्णता, तं जहा-सिद्वायतणकूडे दाहिणड्डभरहकूडे खंडप्पवायगुहाकडे माणिभद्दकडे वेयडकूडे पुण्णभद्दकूडे तिमिसगुहाकडे उत्तरभरहकडे वेसमणकडे ॥
३५. कहि णं भंते ! जंबुद्दीवे दीवे भारहे वासे वेयड्डपव्वए सिद्धायतणकूडे णाम कुडे पण्णत्ते ? गोयमा ! पुरस्थिमलवणसमुदस्स पच्चत्थिमेणं दाहिणड्डभरहकडस्स पुरथिमेणं, एत्थ णं जंबुद्दीवे दीवे भारहे वासे वेयड्डपव्वए सिद्धायतणकूडे णामं कूडे पण्णत्ते, छ सक्कोसाइं जोयणाई उड्ढं उच्चत्तेणं, मूले छ सक्कोसाइं जोयणाई विक्खंभेणं, मज्झे देसूणाई पंच जोयणाई विक्खंभेणं, उवरि साइरेगाइं तिणि जोयणाइं विक्खंभेणं, मूले देसूणाई वीसं जोयणाइं परिक्खे वेणं, मज्झे देसूणाई पण्णरस जोयणाइं परिक्खेवेणं, उवरि साइरेगाइं णव जोयणाइं परिक्खेवेणं, मूले विच्छिण्णे मज्झं संखित्ते उप्पि तणुए गोपुच्छसंठाणसंठिए सव्वरयणामए अच्छे सण्हे जाव' पडिरूवे। से णं एगाए पउमवरवेइयाए एगेण य वणसंडेणं सव्वओ समंता संपरिखित्ते, पमाणं वणओ' दोण्हंपि॥
३६. सिद्धायतणकूडस्स णं उप्पि बहुसमरमणिज्जे भूमिभागे पण्णत्ते, से जहाणामए ---आलिंगपुक्खरेइ वा जाव वाणमंतरा देवा य' 'देवीओ य आसयंति सयंति चिट्ठति १. सं०पा०-~-महज्जुईया जाव महासोक्खा! ६. जं० १८ २. पाईणपडियायए (अ,त्रि,प)।
१७. जी. ३१२६३-२६५ । ३. जी० ३.२६३-२६५।
८. जी० ३।२७५-२६५ ॥ ४. जी० ३१२७५-२६५।
६. सं० पा०-देवा य जाव विहरति । ५. संपा०—आसयंति जाव भुजमाणा।
Jain Education International
For Private & Personal Use Only
www.jainelibrary.org
| SR No. | 003572 |
| Book Title | Agam 18 Upang 07 Jambudveep Pragnapti Sutra Jambuddivpannatti Terapanth |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 617 |
| Language | Prakrit |
| Classification | Book_Devnagari, Agam, Canon, & agam_jambudwipapragnapti |
| File Size | 12 MB |