Agam 18 Upang 07 Jambudveep Pragnapti Sutra Jambuddivpannatti Terapanth

SR No.: 003572
Original Sutra Author: N/A
Author: Tulsi Acharya, Mahapragna Acharya
Publisher: Jain Vishva Bharati
Publication Year: 1989
Total Pages: 617
Language: Prakrit
Classification: Book_Devnagari, Agam, Canon, & agam_jambudwipapragnapti
File Size: 12 MB

Page 224

५६०
जंबुद्दीपण्णत्ती
चत्तारि य सत्तभाए जोयणस्स अबाहाए सीयोयाए' महाणईए पुरत्थिम-पच्चत्थिमेणं उभओ कूले, एत्थ णं चित्त-विचित्तकूडा णामं दुवे पव्वया पण्णत्ता । एवं जच्चेव जभगपव्वयाणं सच्चेव' । एएस रायहाणीओ दक्खिणं ॥
२०७. कहि णं भंते! देवकुराए कुराए णिसहद्द हे णामं दहे पण्णत्ते ? गोयमा ! तेस चित्त-विचित्तक्डाणं पव्वयाणं उत्तरिल्लाओं चरिमंताओ अट्ठ चोत्तीसे जोयणसए चत्तारि य सत्तभाए जोगणस्स अबाहाए सीओयाए महानईए बहुमज्झदेसभाए, एत्थ णं freeहे णामं दहे पण्णत्ते । एवं जच्चेव नीलवंत - उत्तरकुरु चंदेरावण - मालवंताणं वत्तब्वया सच्चेव' णिसह देवकुरु-सूर - सुलस-विज्जुप्पभाणं णेयव्वा । रायहाणीओ दक्खिणं ॥
२०८. कहिणं भंते! देवकुराए कुराए कूडसामलिपेढे' णामं पेढे पण्णत्ते ? गोयमा ! मंदरस्स पव्वयस्स दाहिणपच्चत्थिमेणं, णिसहस्स वासहरपव्वयस्स उत्तरेणं, विज्जुप्पभस्स बक्खारपव्वयस्स पुरत्थिमेणं, सोमणसस्स वक्खारपव्वयस्स पच्चत्थिमेणं, सीयोयाए महाणईए पच्चत्थिमेणं, देवकुरुपच्चत्थिमद्धस्स बहुमज्झदेसभाए, एत्थ णं देवकुराए कुराए कूडसामलीए कूडसामलिपेढे णामं पेढे पण्णत्ते । एवं जच्चेव जंबूए सुदंसणा वत्तब्वया सच्चेव सामलीएवि भाणियव्त्रा णामविहूणा गरुलवेणुदेवे, रायहाणी दक्खिणं, अवसिद्धं तं चैव जाव देवकुरू य इत्थ देवे पलिओवमट्ठिए परिवसइ । से तेणट्ठेणं गोयमा ! एवं वच्चइ - देवकुरा - देवकुरा । अदुत्तरं च णं देवकुराए ||
२०६. कहि णं भंते! जंबुद्दीवे दीवे महाविदेहे वासे विज्जुप्पभे णामं वक्खारपव्वए पण्णत्ते ? गोयमा ! णिसहस्स वासहरपव्वयस्स उत्तरेणं, मंदरस्स पव्वयस्स दाहिणपच्चत्थिमेणं, देवकुराए पच्चत्थिमेणं, पम्हस्स विजयस्स पुरत्थिमेणं, एत्थ णं जंबुद्दी दीवे महाविदेहे वासे विज्जुप्पभे वक्खारपव्वए पण्णत्ते उत्तरदाहिणायए, एवं जहा " मालवंते, णवरि सव्वतवणिज्जमए अच्छे जाव देवा आसयति ॥
२१०. विज्जुप्प णं भंते ! वक्खारपब्वए कई कूडा पण्णत्ता ? गोयमा ! नव कूडा पण्णत्ता, तं जहा सिद्धाययणकूडे विज्जुप्पभकूडे देवकुरुकूडे पम्हकूडे कणगकूडे सोवत्थियकूडे सीतोदाकूडे सयज्जलकूडे " हरिकूडे ।
गाहा
सिद्धेय विज्जुणामे, देवकुरु पम्ह कणग सोवत्थी । सीतोदा य सयज्जल, हरिकूडे चेव बोद्धव्वे ॥ १ ॥
१. सीयाए ( अ, त्रिप, ब ) अशुद्ध प्रतिभाति । २. जं० ४।११०-१४० ।
३. चंदेराश्य (क), त्रि, पस. पुवृ, शाबू हीवृ); द्रष्टव्यं -- ४।१४२ सूत्रम् । जीवाजीवाभिगमे (२६६७) पि एरावणदहे' इति पाठो दृश्यते ।
४. जं० ४।१४१, १४२ ।.
५. वेढे (क ) ।
६. गरुलदेवे ( अ, ख, त्रि. प. व ही ); गरुडदेवोत्र, गरुडो गरुडजातीयो वेणुदेवनामा मतान्तरेण, गरुडवेनामा वा देवः ( शावृ ) |
७. जं० ४।१४३-१६१ ।
८. जं० ४। १६२ ॥
६. सीओओकूडे (खस) ।
१०. सयंजूल कूडे (त्रि); सूर्यजलकूटम् ( ही ) ।