Page Text
________________
तइओ बक्खारो
re एयणं देवाणु प्पियाणं पियं णिवेदेमो, पियं भे भवउ, सेसं तहेव जाव' भरहो उत्तरिल्लेणं दुवारेणं अईइ ससिव्व मेहंधकारनिवहं ।।।
१५८. "तए णं से भरहे राया छत्तलं दुवालसंसियं अट्ठकण्णियं अहिंगरणिसंठियं अट्ठसोवणियं कागणि रयणं परामुसइ ।।।
१५६. तए णं तं चउरंगुलप्पमाणमित्तं अट्ठसुवण्णं च विसहरणं अउलं चउरंससंठाणसंठियं समतलं, माणुम्माणजोगा जतो लोगे चरंति सव्वजणपण्णवगा, णवि चंदो णवि तत्थ सूरो णवि आगी णवि तत्थ मणिणो तिमिरं णासेंति अंधकारे, जत्थ तक दिव्बप्पभावजुत्तं दुवालसजोयणाइं तस्स लेसाओ विवड्ढेति तिमिरणिगरपडिसेहियाओ, रत्तिं च सव्वकालं खंधावारे करेइ आलोयं दिवसभूयं जस्स पभावेण चवकवट्टी, खंडप्पवाय गुहमतीति सेण्णसहिए रायपवरे कागणिं गहाय खंडप्पवाय गुहाए पच्चस्थिमिल्ल-पुरथिमिल्लेसु कडएसं जोयणंतरियाई पंचधणुसयायामविक्खंभाइं जोयणुज्जोयकराई चक्कणेमोसंठियाइं चंदमंडलपडिणिकासाई एगणपण्णं मंडलाइं आलिहमाणे-आलिहमाणे अणुप्पविसइ ।।
१६०. तए णं सा खंडप्पवायगृहा भरहेणं रण्णा तेहिं जोयणंतरिएहिं पंचधणुसयायामविक्खंभेहिं जोयणुज्जोयकरेहिं एगणपण्णाए मंडलेहिं आलिहिज्जमाणेहि-आलिहिज्जमाणेहि खिप्पामेव आलोगभूया उज्जोयभूया दिवसभूया जाया यावि होत्था ॥
१६१. तीसे णं खंडगप्पवायगुहाए' बहुमज्झदेसभाएं •एत्थ णं° उम्मुग्ग-णिमुग्गजलाओ णामं दवे महाणईओ .पण्णताओ. जाओ ण खंडप्पवायगहाएपच्च थिमिल्लाओ कडगाओ पवूढाओ समाणीओ पुरथिमेणं गंगं महाणई समप्येति, सेसं तहेव णवरिपच्चत्थिमिल्लेणं कूलेणं गंगाए संकमवत्तन्वया तहेव ॥
१६२. तए णं तीसे खंडगप्पवायगुहाए दाहिणिल्लस्स दुवारस्स कवाडा सयमेव महयामहया कोंचारवं करेमाणा-करेमाणा सरसरस्स सगाई-सगाई ठाणाई पच्चोसक्कित्था ।।
१६३. तए णं से भरहे राया चक्क रयणदेसियमन्गे" •अणेगरायवरसहस्साणुयायमग्गे महयाउक्किट्ठिसीहणायबोल कलकलरवेणं पक्खुभियमहासमुद्दरवभूयंपिव करेमाणे-करेमाणे खंडगप्पवायगुहाओ दक्खिणिल्लेणं दारेणं णीणे इ ससिव्व मेहंधकारनिवहाओ ।
१६४. तए णं से भरहे राया गंगाए महाणईए पच्चथिमिल्ले कूले दुवालसजोयणायाम णवजोयण विच्छिण्णं वरणगरसरिच्छं° विजयखंधावारणिवेसं करेइ', 'करेत्ता वड्डइरयणं, सद्दावेइ, सद्दावेत्ता एवं वयासी-खिप्पामेव भो देवाणुप्पिया! मम आवासं पोसहसालं च १. जं० ३१६१-६३ ।
६. जं० ३१६८-१०१। २. सं० पा...-तहेव पविसंतो मंडलाइं आलिहइ। ७. सं० पा०-चक्करयणदेसियमग्गे जाव खंड३. खंडप्पवाय" (क,ख)।
गणवायगुहाओ। ४. सं० पा०-बहुउज्झदेसभाए जाव उमुग्ग। ८.सं० पा०—णवजोयणविच्छिण्णं जाव विजययावत्करणात् एल्थ गं' इति पदमात्रमेव खधावारणिवेसं । (ही)।
६. सं० पा०—करेइ अवसिळं तं चेव जाव ५. सं. पा....महाणइओ तहेव णवरं पच्चत्थि- निहिरयणाणं। मिल्लामओ।
Jain Education International
For Private & Personal Use Only
www.jainelibrary.org
| SR No. | 003572 |
| Book Title | Agam 18 Upang 07 Jambudveep Pragnapti Sutra Jambuddivpannatti Terapanth |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 617 |
| Language | Prakrit |
| Classification | Book_Devnagari, Agam, Canon, & agam_jambudwipapragnapti |
| File Size | 12 MB |