Page Text
________________
४४८
जंबुद्दीवपण्णत्ती णिव्वत्ताए समाणीए सुसेणं सेणावई सद्दावेइ, सद्दावेत्ता एवं वयासी-गच्छाहि णं भो देवाणुप्पिया ! गंगाए महाणईए पुरस्थिमिल्लं णिक्खुडं सगंगासागरगिरिमे राग समविसमणिक्खुडाणि य ओयवेहि, ओयवेत्ता अग्गाई वराई रयणाई पडिच्छाहि, पडिच्छित्ता ममेयमाणत्तियं पच्चप्पिणाहि जाव सिंधुगमो णेयव्वो जाव' तओ महाणइमुत्तरित्तु गंगं अप्पडिहयसासणे य सेणावई गंगाए महाणईए पुरथिमिल्लं णिक्खुडं सगंगासागरगिरिमेरागं समविसमणिक्खुडाणि य ओयवेइ, ओयवेत्ता अगाणि वराणि रयणाणि पडिच्छइ, पडिच्छित्ता जेणेव गंगा महाणई तेणेव उवागच्छइ, उवागच्छित्ता दोच्चं पि सखंधावारबले गंगामहाणई विमलजलतुंगवीइं णावाभूएणं चम्मरयणेणं उत्तरइ, उत्तरित्ता जेणेव भरहस्स रण्णो विजयखंधावारणिवेसे जेणेव वाहिरिया उवट्ठाणसाला तेणेव उवागच्छइ, उवागच्छित्ता आभिसेक्काओ हत्थिरयणाओ पच्चोरुहइ, पच्चोरुहिता अग्गाई वराई रयणाई गहाय जेणेव भरहे राया तेणेव उवागच्छइ, उवागच्छित्ता करयलपरिग्गहियं सिरसावत्तं मस्थए अंजलि कटु भरहं रायं जएणं विजएणं वद्धावेइ, वद्धावेत्ता अग्गाई वराइं रयणाई उवणेइ ।।
१५२. तए णं से भरहे राया सुसेणस्स सेणावइस्स अम्गाइं वराइं रयणाइं पडिच्छइ, पडिच्छित्ता सुसेणं सेणावई सक्कारेइ सम्माणेइ, सक्कारेत्ता सम्माणेत्ता पडिविसज्जेइ॥
१५३. तए ण से सुसेणे सेणावई भरहस्स रण्णो 'अंतियाओ पडिणिक्खमति, पडिणिक्खमित्ता जेणेव सए आवासे तेणेव उवागच्छइ, उवागच्छिता मज्जणघरमणुपविसति अणुपवसित्ता हाए', सेसंपि तहेव जाव विहरइ ।।
१५४. तए णं से भरहे राया अण्णया कयाइ सुसेणं सेणावइरयणं सद्दावेइ, सद्दावेत्ता एवं वयासी- गच्छण्णं भो देवाणुप्पिया! खंडगप्पवायगुहाए उत्तरिल्लस्स दुवारस्स कवाडे विहाडेहि, विहाडेत्ता मम एयमाणत्तियं पच्चप्पिणाहि ।।
१५५. तए णं से सुसेणे सेणावई जहा तिमिसगुहाए तहा भाणियव्वं जाव' दंडरयणं गहाय सत्तट्ठपयाई पच्चोसक्काइ, पच्चोसक्कित्ता खंडप्पवायगुहाए उत्तरिल्लस्स दुवारस्स कवाडे दंडरयणेणं महया-महया सद्देणं तिखुत्तो आउडेइ ॥
१५६. तए णं खंडप्पवायगुहाए उत्तरिल्लस्स दुवारस्स कवाडा सुसेणसेणावइणा दंडरयणेणं महया-महया सद्देणं तिक्खुत्तो आउडिया समाणा महया-महया सद्देणं कोंचारवं करेमाणा सरसरस्स सगाई-सगाई ठाणाई पच्चीसक्कित्था ।
१५७. तए ण से सुसेणे सेणावई खंडप्पवाहगुहाए उत्तरिल्लस्स द्वारस्स कवाडे विहाडेइ, विहाडेत्ता जेणेव भरहे राया तेणेव उवागच्छइ, उवागच्छित्ता भरहं रायं करयलपरिग्गहियं सिरसावत्तं मत्थए अंजलि कटु जएणं विजएणं वद्धावेइ, बद्धावेत्ता एवं बयासी-विहाडिया णं देवाणुप्पिया ! खंडप्पवायगुहाए उत्तरिल्लस्स दुवारस्स कवाडा,
१.जं० ३१७७-८१।
तोस्ति । २. सं. पा.-करयलपरिग्गहियं जाव अंजलि। ४. जं० ३८२, ही पत्र २७२ । ३. चिन्हाङ्कितः पाठो हीरविजयवृत्तिमनुसृत्यादृ- ५. ज० ३।८४-८८ ।
Jain Education International
For Private & Personal Use Only
www.jainelibrary.org
| SR No. | 003572 |
| Book Title | Agam 18 Upang 07 Jambudveep Pragnapti Sutra Jambuddivpannatti Terapanth |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 617 |
| Language | Prakrit |
| Classification | Book_Devnagari, Agam, Canon, & agam_jambudwipapragnapti |
| File Size | 12 MB |