________________
पढम पण्णवणापयं
सिंघाडगस्स गुच्छो, अणेगजीवो उ होति नायव्वो।
पत्ता पत्तेयजिया, दोण्णि य जीवा फले भणिता ॥६॥ अणंतजीवलक्षणं
जस्स मूलस्स भग्गस्स, समो भंगो पदीसए। अणंतजीवे उ से मूले, जे यावण्णे तहाविहा ॥१०॥ जस्स कंदस्स भग्गस्स, समो भंगो पदीसए। अणंतजीवे उ से कंदे, जे यावण्णे तहाविहा ।।११।। जस्स खंधस्स भग्गस्स, समो भंगो पदीसए । अणंतजीवे उ से खंधे, जे यावण्णे तहाविहा ॥१२।। जीसे तयाए भग्गाए, समो भंगो पदीसए । अणंतजीवा तया सा उ, जा यावण्णा तहाविहा ।।१३।। जस्स सालस्स भग्गस्स, समो भंगो पदीसई । अणंतजीवे उ से साले, जे यावण्णे तहाविहा ।।१४।। जस्स पवालस्स भग्गस्स, समो भंगो पदीसई । अणंतजीवे पवाले से, जे यावण्णे तहाविहा ॥१५॥ जस्स पत्तस्स' भग्गस्स, समो भंगो पदीसई। अणंतजीवे उ से पत्ते, जे यावण्णे तहाविहा ॥१६॥ जस्स पुप्फस्स भग्गस्स, समो भंगो पदीसई। अणंतजीवे उ से पुप्फे, जे यावण्णे तहाविहा ।।१७।। जस्स फलस्स भग्गस्स, समो भंगो पदीसती। अणंतजीवे फले से उ, जे यावण्णे तहाविहा ॥१८॥ जस्स बीयस्स भग्गस्स, समो भंगो पदीसई ।
अणंतजीवे उ से बीए, जे यावण्णे तहा विहा ।।१६।। पत्तेयसरीरजीवलक्षणं
जस्स मूलस्स भग्गस्स, हीरो भंगे पदीसई । परित्तजीवे उ से मूले, जे यावण्णे तहाविहा ॥२०॥ जस्स कंदस्स भग्गस्स, हीरो भंगे पदीसई । परित्तजीवे उ से कंदे, जे यावण्णे तहाविहा ॥२१॥ जस्स खंधस्स भग्गस्स, हीरो भंगे पदीसई । परित्तजीवे उ से खंधे, जे यावण्णे तहाविहा ॥२२॥ जीसे तयाए भग्गाए, हीरो भंगे पदीसई । परित्तजीवा तया सा उ, जा यावण्णा तहाविहा ॥२३॥ जस्स सालस्स भग्गस्स, हीरो भंगे पदीसती।
परित्तजीवे उ से साले, जे यावणे तहाविहा ॥२४॥ १. य दीसए (ख,ग,घ) सर्वत्र ।
३. पण्णस्स (घ)। २. य दीसई (घ)।
४. भंगो (क) सर्वत्र ।
Jain Education International
For Private & Personal Use Only
www.jainelibrary.org
