Page Text
________________
पण्णवणासुत्तं
जे संठाणतो आयतसंठाणपरिणता ते वण्णतो कालवण्णपरिणता वि नीलवण्णपरिणता वि लोहियवण्णपरिणता वि हालिद्दवण्णपरिणता वि सुक्किलवण्णपरिणता वि, गंधतो सुभिगंधपरिणता वि दुब्भिगंधपरिणता वि. रसतो तित्तरसपरिणता वि कडुयरसपरिणता वि कसायरसपरिणता वि अंविल रसपरिणता वि महुर रसपरिणता वि, फासतो कक्खडफासपरिणता वि मउयफासपरिणता वि गरुयफासपरिणता वि लहुयफासपरिणता वि सीतफासपरिणता वि उसिणफासपरिणता वि निद्धफासपरिणता वि लक्खफासपरिणता वि २०११०० 1 से तं रूविअजीवपण्णवणा 1 से त्तं अजीवपण्णवण्णा ।। जीवपण्णवणा-पदं
१०. से किं तं जीवपण्णवणा? जीवपण्णवणा विहा पण्णत्ता, तं जहा-संसारसमावण्णजीवपण्णवणा य असंसारसमावण्णजीवपण्णवणा य ।।
११.से कि तं असंसारसमावण्णजीवषण्णवणा? असंसारसमावण्णजीवपण्णवणा दुविहा पण्णत्ता, तं जहा–अणतरसिद्ध-असंसारसमावण्णजीवपण्णवणा य परंपरसिद्धअसंसारसमावण्णजीवपण्णवणा य ।।
१२. से किं तं अणंतरसिद्ध-असंसारसमावण्णजीवपण्णवणा? अणंतरसिद्ध-असंसारसमावण्णजीवपण्णवणा पन्नरस विहा पण्णत्ता, तं जहा-तित्थ सिद्धा अतित्थसिद्धा तित्थगरसिद्धा अतित्थगरसिद्धा सयंबुद्धसिद्धा पत्तेयबुद्धसिद्धा बुद्धवो हियसिद्धा इत्थीलिंगसिद्धा पुरिसलिंगसिद्धा नपुंसकलिंगसिद्धा सलिंगसिद्धा अण्णलिंगसिद्धा गिहिलिंगसिद्धा एगसिद्धा अणेगसिद्धा ! से तं अणंतरसिद्ध-असंसारसमावण्णजीवपण्णवणा ॥
१३. से किं तं परंपरसिद्ध-असंसारसमावण्णजीवपण्णवणा? परंपरसिद्ध-असंसारसमा. वण्णजीवपण्णवणा अणेगविहा पण्णत्ता, तं जहा-अपढमसमयसिद्धा दुसमयसिद्धा तिसमयसिद्धा चउसमयसिद्धा जाव संखेज्जसमयसिद्धा असंखेज्जसमयसिद्धा अणंतसमयसिद्धा। से त्तं परंपरसिद्ध-असंसारसमावण्णजीवपण्णवणा। से तं असंसारसमावण्णजीवपण्णवणा।।
१४.से किं तं संसारसमावण्णजीवपण्णवणा? संसारसमावण्णजीवपण्णवणा पंचविहा पण्णत्ता, तं जहा---एगिदियसंसारसमावग्णजीवपण्णवणा बंदियसंसारसमावग्णजीवपण्णवणा' तेंदियसंसारसमावण्णजीवपण्णवणा'चरिदियसंसारसमावण्णजीवपण्णवणा पंचेंदियसंसारसमावण्णजीवपण्णवणा ।।
१५. से किं तं एगें दियसंसारसमावण्णजीवपण्णवणा? एगेंदियसंसारसमावण्णजीवपण्णवणा पंचविहा पण्णत्ता, तं जहा--पुढविकाइया आउकाइया तेउकाइया वाउकाइया वणस्सइकाइया ।। पुढवीकाय-पदं
१६. से किं तं पुढविकाइया? पुढविकाइया दुविहा पण्णता, तं जहा --सुहुमपुढविकाइया य वादरपुढविकाइया य ।।
१७. से किं तं सुहुमपुढविकाइया ? सुहुमपुढविकाइया दुविहा पण्णत्ता, तं जहा-- १. बेइन्दिय” (क,ख)।
२. तेइन्दिय (ख)।
Jain Education International
For Private & Personal Use Only
www.jainelibrary.org
| SR No. | 003571 |
| Book Title | Agam 15 Upang 04 Pragnapana Sutra Pannavanna Terapanth |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 745 |
| Language | Prakrit |
| Classification | Book_Devnagari, Agam, Canon, & agam_pragyapana |
| File Size | 14 MB |