Page Text
________________
३५२
पण्णवणासु
६०. से णं भंते ! खेत्ते केवइकालस्स अफुण्णे ? केवइकालस्स फुडे ? गोयमा ! एगसमइएण वा दुसमइएण वा तिसमइएण वा विग्गहेण वा एवइकालस्स अफुण्णे एवइकालस्स फुडे ॥
६१. . ते णं भंते ! पोग्गला केवइकालस्स णिच्छुभति ? गोयमा ! जहण्णेणं अंतोमुहुतरस, उक्कोसेण वि अंतोमुहुत्तस्स ||
६२. ते णं भंते ! पोग्गला णिच्छूढा समाणा जाई तत्थ पाणाई भूयाणं जीवाई सत्ताई अभिहणंति वत्तेंति लेसेंति संघाएंति संघट्टेति परियावैति किलावेंति उद्दवेंति तेहितो गं भंते! से जीवे कति किरिए ? गोयमा ! सिय तिकिरिए सिय चउकिरिए सिय पंचकिरिए || ६३. ते णं भंते ! 'जीवा ताओ" जीवाओ कतिकिरिया ? गोयमा ! सिय तिकिरिया सिय चउकिरिया सिय पंच किरिया ||
६४. से णं भंते ! जीवे ते य जीवा अण्णेसि जीवाणं परंपराघाएणं कतिकिरिया ? गोयमा ! तिकिरिया वि चउकिरिया वि पंचकिरिया वि ॥
६५. रइए णं भंते ! वेदणासमुग्धाएणं समोहए, एवं जहेव' जीवे, णवरंणेरइयाभिलावो । एवं णिरवसेसं जाव वैमाणिए । एवं कसायसमुग्धातो वि भाणियव्वो ।
६६. जीवे णं भंते ! मारणंतियस मुग्धाएणं समोहए समोहणित्ता जे पोग्गले णिच्छुभति तेहिणं भंते ! पोग्गलेहि केवलिए खेत्ते अफुष्णे ? केवतिए खेत्ते फुडे ? गोयमा ! सरीरपमाणमेत्ते विवखंभ बाहल्लेणं आयामेणं जहणेणं अंगुलस्स असंखेज्जतिभागं उक्कोसेणं असंखेज्जाई जोयणाई एगदिसि एवइए खेत्ते अफुण्णे एवतिए खेत्ते फुडे |
६७. से णं भंते ! खेत्ते केवतिकालस्स अफुण्णे ? केवतिकालस्स फुडे ? गोयमा ! एगसमइएण वा दुसमइएण वा तिसमइएण वा चउसमइएण वा विग्गणं एवतिकालस्स अणे एवतिकालस्स फुडे । सेसं तं चैव जाव' पंचकिरिया ||
६८. एवं रइए वि, वरं- आयामेणं जहणणेणं सातिरेगं जोयणसहस्सं, उनको सेणं असंखेज्जाई जोयणाई एगदिसि एवतिए खेत्ते अफुष्णे एवतिए खेत्ते फुडे; विग्गहेणं एगसमइएण वा दुसमइएण वा तिसमइएण वा, नवरं - चउसमइएण ण भण्णति । सेसं तं चैव जाव* पंचकिरिया वि ॥
६६. असुरकुमारस्स जहा जीवपए, णवरं विग्गहो तिसमइओ जहा णेरइयस्स सेसं तं चैव । जहा असुरकुमारे एवं जाव वेमाणिए, णवरं एगिदिए जहा जीवे णिरवसेसं ॥ ७०. जीवे णं भंते ! वेउव्वियसमुग्धाएणं समोहए समोहणित्ता जे पोग्गले पिच्छुभति तेहि णं भंते! पोगलेहिं केवतिए खेत्ते अफुण्णे ? केवतिए खेत्ते फुडे ? गोयमा ! सरीरमाणमेते विक्खंभ बाहल्लेणं, आयामेणं जहण्णेणं अंगुलस्स असंखेज्जतिभागं, उक्कोसेण संखेज्जाई जोयणाई एगदिसि विदिसि वा एवतिए खेत्ते अफुण्णे एवतिए खेत्ते फुडे ॥
७१. से णं भंते ! खेत्ते केवतिकालस्स अफुण्णे ? केवतिकालस्स फुडे ? गोयमा !
१. x (क, ख, ग, घ )
२. ५० ३६।५९-६४ ।
Jain Education International
-
३. प० ३६६१-६४ ।
४. प० ३६/६६,६७ ।
For Private & Personal Use Only
www.jainelibrary.org
| SR No. | 003571 |
| Book Title | Agam 15 Upang 04 Pragnapana Sutra Pannavanna Terapanth |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 745 |
| Language | Prakrit |
| Classification | Book_Devnagari, Agam, Canon, & agam_pragyapana |
| File Size | 14 MB |