Page Text
________________
छत्तीसइमं समुग्धायपयं
संखेज्जगुणा, असमोहया संखेज्जगुणा ॥
५०.
असुरकुमाराणं पुच्छा । गोयमा ! सव्वत्थोवा असुरकुमारा कोहसमुग्धाएणं समोहया, माणसमुग्धाएणं समोहया संखेज्जगुणा, मायासमुग्धाएणं समोहया संखेज्जगुणा, लोभस मुग्धाएणं समोहया संखेज्जगुणा, असमोहया संखेज्जगुणा । एवं सव्वदेवा जाव वेमाणिया ||
५१. पुढविक्काइयाणं पुच्छा । गोयमा ! सव्वत्योवा पुढविक्काइया माणसमुग्धाएणं समोहया, कोहसमुग्धाएणं समोहया विसेसाहिया, मायासमुग्धाएणं समोहया विसेसाहिया, लोभस मुग्धाएणं समोहया विसेसाहिया, असमोहया संखेज्जगुणा । एवं जाव पंचेंदिय तिरिक्खजोणिया ||
५२. मणुस्सा जहा जीवा, नवरं - माणसमुग्धा एवं समोहया असंखेज्जगुणा ॥ छाउमत्थियस मुग्धाय-पदं
३५१
५३. कति णं भंते! छाउमत्थिया समुग्धाया पण्णत्ता ? गोयमा ! छ छाउमत्थिया समुग्धाया पण्णत्ता, तं जहा - वेदणासमुग्धाए कसायसमुग्धाए मारणंतियसमुग्धाए वे उब्वियसमुग्धाए तेयमसमुग्धाए आहारगसमुग्धाए ॥
५४. रइयाणं भंते ! कति छाउमत्थिया समुग्धाया पण्णत्ता ? गोयमा ! चत्तारि छाउमत्थिया समुग्धाया पण्णत्ता, तं जहा -- वेदणासमुग्धाए कसायसमुग्धाए मारणंतियसमुग्धाए वे उव्वियसमुग्धा |
५५. असुरकुमाराणं पुच्छा । गोयमा ! पंच छाउमत्थिया समुग्धाया पण्णत्ता, तं जहा - वेदणासमुग्धाए कसायसमुग्धाए, मारणंतिय समुग्धाए वेउव्वियसमुग्धाए तेयगसमुग्धाए ॥
५६. एगिदिय - विगल दियाणं पुच्छा । गोयमा ! तिरिण छाउमत्थिया समुग्धाया पण्णत्ता, तं जहा - वेदणास मुग्धाए कसायसमुग्धाए मारणंतियसमुग्धाए, णवरं - - वाउक्काइयाणं चारि समुग्धाया पण्णत्ता, तं जहा - वेदणासमुग्धाए कसायसमुग्धाए मारणंतियसमुग्धाए वे उव्वियसमुग्धाए ॥
५७. पंचेंदियतिरिक्खजोणियाणं पुच्छा । गोयमा ! पंच समुग्धाया पण्णत्ता, तं जहा - वेदणासमुग्धाए कसायसमुग्धाए मारणंतियसमुग्धाए वेउव्वियसमुग्धाए तेयगसमुग्धाए ॥
५८. मणूसाणं भंते ! कति छाउमत्थिया समुग्धाया पण्णत्ता ? गोयमा ! छ छाउमत्थिया समुग्धाया पण्णत्ता, तं जहा -- वेदणासमुग्धाए कसायसमुग्धाए मारणंतियसमुग्धाए वेविय समुग्धाए तेयगसमुग्धाए आहारगसमुग्धाए ॥
ओगाहफासाइ पर्द
५६. जीवे णं भंते ! वेदणासमुग्धाए समोहए समोहणित्ता जे पोग्गले णिच्छुभति तेहि' णं भंते! पोग्गलेहिं केवतिए खेत्ते अफुष्णे ? कंवतिए खेत्ते फुडे ? गोयमा ! सरीरपमाणमेत्ते विक्खंभ - बाहल्लेणं णियमा छद्दिसि एवइए खेत्ते अफुण्णे एवइए खेत्ते फुडे ॥
१. ते (क,ग,घ) ।
Jain Education International
For Private & Personal Use Only
www.jainelibrary.org
| SR No. | 003571 |
| Book Title | Agam 15 Upang 04 Pragnapana Sutra Pannavanna Terapanth |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 745 |
| Language | Prakrit |
| Classification | Book_Devnagari, Agam, Canon, & agam_pragyapana |
| File Size | 14 MB |