________________
चउतीसइमं पवियारणापर्यं
१ अनंतरागयाहारे, २ आहाराभोयणाइ य ।
३ पोग्गला नेब' जाणंति, ४ अज्झवसाणा य आहिया ॥१॥
५ सम्मत्तस्स अभिगमे, ६ तत्तो परियारणा य बोद्धव्वा । फासे रूवे, सद्दे य मणे य अप्पबहुं ||२||
अनंतराहार-पदं
१. णेरइया णं भंते ! अनंतराहारा तओ णिव्वत्तणया ततो परियाइयणया ततो परिणामणया ततो परियारणया ततो पच्छा विउव्वणया ? हंता गोयमा ! णेरइया णं अतराहारा तओ निव्वत्तणया ततो परियाइयणया तओ परिणामणया तओ परियारणया तओ पच्छा विउव्वणया ||
२. असुरकुमारा णं भंते ! अनंतराहारा तओ णिव्वत्तणया तओ परियाइयणया तओ परिणामणया तओ विउव्वणया तओ पच्छा परियारणया ? हंता गोयमा ! असुरकुमारा अतराहारा तओ णिव्वत्तणया जाव तओ पच्छा परियारणया । एवं जाव थणियकुमारा ॥
३. पुढविक्काइया णं भंते ! अनंतराहारा तओ णिव्वत्तणया तओ परियाइयणया तओ परिणामणया तओ परियारणया ततो विउव्वणया ? हंता गोयमा ! तं चैव जाव परियारणया, णो चेव णं विउव्वणया । एवं जाव चउरिदिया, णवरं - वाउक्काइया पंचेंदियतिरिक्खजोणिया मणुस्सा' य जहा णेरइया ||
४. वाणमंतर - जोतिसिय-वेमाणिया जहा असुरकुमारा ॥ आहाराभोगणा-पदं
५. रइयाणं भंते ! आहारे कि आभोगणिव्वत्तिए ? अणाभोगणिव्वत्तिए ?
१. अणतरगयाहारे ( ख ) ; अनंतराय आहरे (पु) 1 २. मेव (क,ख,घ) ।
३. परियायणया ( क ) 1
Jain Education International
४. परियादिणया ( ख ) ; परियायणया ( ग ) । ५. मनुष्यालापकस्य पूर्ण सूत्रमेवं स्यात् — मणुस्सा णं भंते! अनंतराहारा तओ निव्वत्तणया ततो
परियाइयणया ततो परिणामणया ततो परियारणया ततो पच्छा विउव्वणया ? हंता गोयमा ! मणुस्सा गं अगंतराहारा तओ निव्वत्तणया ततो परियाइयणया तो परिणामणया तओ परियारणया तओ पच्छा विउव्वगया ।
For Private & Personal Use Only
३३५
www.jainelibrary.org
