________________
पण्णवणासुत
मणूसाण वि ॥
२२. वाणमंतराणं पुच्छा । गोयमा! पडहसंठाणसंठिए पण्णत्ते ।। २३. जोतिसियाणं पुच्छा । गोयमा ! झल्लरिसंठाणसंठिए पण्णत्ते ।।
२४. सोहम्मगदेवाणं पुच्छा। गोयमा ! उद्धमुइंगागारसंठिए' पण्णत्ते । एवं जाव अच्चुयदेवाणं पुच्छा ॥
२५. गेवेज्जगदेवाणं पुच्छा । गोयमा ! पुप्फचंगेरिसंठिए पण्णत्ते ॥
२६. अणुत्तरोववाइयाणं पुच्छा। गोयमा ! जवणालियासंठिए ओही पण्णत्ते ।। ओहिन्भितर-बाहिर-पदं
२७. णेरइया णं भंते ! ओहिस्स किं अंतो? बाहिं ? गोयमा! अंतो, नो बाहिं । एवं जाव थणियकुमारा।।
२८. पंचेंदियतिरिक्खजोणियाणं पुच्छा । गोयमा ! णो अंतो, बाहिं ।। २६. मणूसाणं पुच्छा । गोयमा ! अंतो वि बाहिं पि ॥
३०. वाणमंतर-जोइसिय-वेमाणियाणं जहा जेरइयाणं ।। देस-सब्बोहि-पदं
३१. णेरइया णं भंते ! किं देसोही ? सव्वोही? गोयमा ! देसोही, णो सव्वोही। एवं जाव थणियकुमाराणं ॥
३२. पंचेंदियतिरिक्खजोणियाणं पुच्छा । गोयमा ! देसोही, णो सव्वोही। ३३. मणूसाणं पुच्छा । गोयमा ! देसोही वि सव्वोही वि ॥
३४. वाणमंतर-जोतिसिय-वेमाणियाणं जहा गैरइयाणं ॥ ओहिस्स खयवुड्ढिआदि-पदं
३५. णेरइयाणं भंते ! ओही कि आणुगामिए अणाणुगामिए ? वड्ढमाणए हायमाणए ? पडिवाई अपडिवाई ? अवट्ठिए अणवट्ठिए ? गोयमा ! आणुगामिए, नो अणाणुगामिए नो वड्ढमाणए णो हायमाणए णो पडिवाई, अपडिवाई अवट्ठिए, णो अणवदिए । एवं जाव थणियकुमाराणं ॥
३६. पंचेंदियतिरिक्खजोणियाणं पुच्छा । गोयमा ! आणुगामिए वि जाव अणवट्ठिए वि । एवं मणूसाण वि ॥
३७. वाणमंतर-जोतिसिय-वेमाणियाणं जहा णेरइयाणं ॥
१. उड्ढ (पु)।
Jain Education International
For Private & Personal Use Only
www.jainelibrary.org
