________________
छव्वीसइमं कम्मवेयबंधपयं
१. कति णं भंते ! कम्मपगडीओ पण्णत्ताओ? गोयमा! अट्ट कम्मपगडीओ पण्णत्ताओ, तं जहाणाणावरणिज्जं जाव अंतराइयं । एवं रइयाणं जाव वेमाणियाणं ।।
२. जीवे णं भंते ! णाणावरणिज्ज कम्मं वेदेमाणे कति कम्मपगडीओ बंधति ? गोयमा ! सत्तविहबंधए वा अट्ठविहबंधए वा छव्विहबंधए वा एगविहबंधए वा ॥
३. णेरइए णं भंते ! णाणावरणिज्जं कम्मं वेदेमाणे कति कम्मपगडीओ बंधति ? गोयमा ! सत्तविहबंधए वा अट्ठविहबंधए वा । एवं जाव वेमाणिए । मणूसे जहा जीवे ।।
४. जीवा णं भंते ! णाणावरणिज्जं कम्मं वेदेमाणा कति कम्म पगडीओ बंधति ? गोयमा ! सव्वे वि ताव होज्जा सत्तविहबंधगा य अविहबंधगा य १ अहवा सत्तविहबंधगा य अट्ठविहबंधगा य छव्विहबंधए य २ अहवा सत्तविहबंधगा य अट्टविहबंधगा य छविहबंधगा य ३ अहवा सत्तविहबंधगा य अट्ठविहबंधगा य एगविहबंधगे य ४ अहवा सत्तविहबंधगा य अट्टविहबंधगा य एगविहबंधगा य ५ अहवा सत्तविहबंधगा य अट्टविहबंधगा य छव्विहबंधए य एगविहबंधए य ६ अहवा सत्तविहबंधगा य अट्ठविहबंधगा य छव्विहबंधए य एगविहबंधगा य ७ अह्वा सत्तविहबंधगा य अट्टविहबंधगा य छव्विहबंधगा य एगविहबंधए य ८ अहवा सत्तविहबंधगा य अट्ठविहबंधगा य छव्विहबंधगा य एगविहबंधगा य ६, एवं एते नव भंगा। अवसेसाणं एगिदिय-मणूसवज्जाणं तियभंगो' जाव वेमाणियाणं ॥
५. एगिदिया णं सत्तविहबंधगा य अट्ठविहबंधगा य ॥
६. मणूसाणं पुच्छा। गोयमा ! सव्वे वि ताव होज्जा सत्तविहबंधगा १ अहवा सत्तविहबंधगा य अट्ठविहबंधगे य २ अहवा सत्तविहबंधगा य अट्ठविहबंधगा य ३ अहवा सत्तविहबंधगा य छविहबंधए य, एवं छव्विहबंधएण वि समं दो भंगा ५ एगविहबंधएण वि समं दो भंगा ७ अहवा सत्तविहबंधगा य अट्ठविहबंधए य छविहबंधए य चउभंगो ११ अहवा सत्तविहबंधगा य अट्ठविहबंधए य चउभंगो १५ अहवा सत्तविहबंधगा य छव्विहबंधगे य एगविहबंधए य चउभंगो १६ अहवा सत्तविहबंधगा य अट्ठविहबंधए य छब्बिहबंधए य एगविहबंधए य भंगा अद्र २७, एवं एते सत्तावीसं भंगा॥
७. एवं जहा णाणावरणिज्ज तहा दरिसणावरणिज्ज पि अंतराइयं पि ।। १.तियभंगा (ग)।
Jain Education International
For Private & Personal Use Only
www.jainelibrary.org
