Page Text
________________
२६०
पण्णवणासुतं
जहा-सातावेदणिज्जे य असातावेयणिज्जे य ।।
३०. सातावेयणिज्जे णं भंते ! कम्मे “कतिविहे पण्णत्ते ?° गोयमा! अट्टविहे पण्णत्ते, तं जहा... मणुण्णा सद्दा जाव' कायसुया ।।
___ ३१. अस्सायावेदणिज्जे णं भंते ! कम्मे कतिविहे पण्णत्ते ? गोयमा ! अट्ठविहे पण्णत्ते, तं जहा .. अमणुण्णा सहा जाव' कायदुहया ॥
३२. मोहणिज्जे णं भंते ! कम्मे कतिविहे पण्णत्ते ? गोयमा दुविहे पण्णत्ते, तं जहादसणमोहणिज्जे य चरित्तमोहणिज्जे य॥
३३. दंसणमोहणिज्जे णं भंते ! कम्मे कतिविहे पण्णत्ते ? गोयमा ! तिविहे पण्णत्ते, तं जहा-सम्मतवेयणिज्जे मिच्छत्तवेयणिज्जे सम्मामिच्छत्तवेयणिज्जे ॥
३४. चरित्तमोहणिज्जे णं भंते ! कम्मे कतिविहे पण्णते ? गोयमा ! दुविहे पण्णत्ते, तं जहा-कसायवेयणिज्जे य णोकसायवेयणिज्जे य ।।
३५. कसायवेयणिज्जे णं भंते! कम्मे कतिविहे पण्णत्ते ? गोयमा ! सोलसविहे पण्णत्ते, तं जहा- अणंताणुबंधी कोहे अगताणुबंधी माणे अणंतागुबंधी माया अणंताणुबंधी लोभे, अपच्चक्खाणे कोहे एवं माणे माया लोभे, पच्चक्खाणावरणे कोहे एवं माणे माया लोभे, संजलणे कोहे एवं माणे माया लोभे ॥
३६. णोकसायवेयणिज्जे णं भंते ! कम्मे कतिविहे पण्णत्ते? गोयमा ! णवविहे पण्णत्ते, तं जहा- इथिवेए पुरिसवेए पसगवेदे हासे रती अरती भए' सोगे दुगुंछा ।।
३७. आउए णं भंते ! कम्मे कतिविहे पण्णत्ते ? गोयमा ! चउविहे पण्णत्ते, तं जहा--रइयाउए जाव' देवाउए ।।
३८. णामे णं भंते ! कम्मे कतिविहे पण्णत्ते ? गोयमा ! बायालीसविहे पण्णत्ते, तं जहा-गतिगामे जाणामे सरीरणामे सरीरंगोवंगणामे सरीरबंधणणामे सरीरसंघायणाम संघयणणामे संठाणणामे वणणामे गंधणामे रसणामे फासणामे अगुरुलहुणामे उवघायणामे पराघायणामे आणपवीणामे उस्सासणामे आयवणामे उज्जोयणामे विहायगतिणामे तसणामे थावरणामे सुहुमणामे वादरणामे पज्जत्तगणामे" अपज्जत्तगणामे" साहारणसरीरणामे पत्तेयसरीरणामे थिरणामे अथिरणामे सुभणामे असुभणामे सुभगणामे दूभगणामे सूसरणामे दूसरणामे आदेज्जणामे अणादेज्जणामे जसोकित्तिणामे अजसोकित्तिणामे णिम्माणणामे तित्यगरणामे ॥
३६. गतिणामे णं भंते ! कम्मे कतिविहे पण्णत्ते ? गोयमा ! चउविहे पण्णत्ते, तं जहा--णिरयगतिणामे तिरियगतिणामे मणुयगतिणामे देवगतिणामे ॥
१. सं० पा०--पुच्छा। २.५० २३॥१५॥ ३. प० २३११६॥ ४. वेयणिज्जे य (क, ख, घ)! ५. भये (क, ख, घ)। ६.५० २३।१८।
७. बातालीसतिविहे (क. ख, घ)। ८. संघायणणामे (ग)। ६. विहायो (ग)। १०. पज्जत्तणामे (ख,ग)। ११. अपज्जत्तणामे (ख, ग)। १२. सुसरणाने (ख)।
Jain Education International
For Private & Personal Use Only
www.jainelibrary.org
| SR No. | 003571 |
| Book Title | Agam 15 Upang 04 Pragnapana Sutra Pannavanna Terapanth |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 745 |
| Language | Prakrit |
| Classification | Book_Devnagari, Agam, Canon, & agam_pragyapana |
| File Size | 14 MB |