Page Text
________________
तेवीस इमं कम्मपगडिपयं
२८६
परिणामं पप्प कतिविहे अणुभावे पण्णत्ते ? गोयमा ! णीयागोयस्स णं कम्मस्स जीवेणं बद्धस्स जाव पोग्गलपरिणामं पप्प अट्ठविहे अणुभावे पण्णत्ते, तं जहा - जातिविहीणया कुलविणया वलविहीणया रूवविहीणया तवविहीणया सुर्याविहीणया लाभविहीणया इस्सरियविहीणया ।
जं वेदेति पोग्गलं वा पोग्गले वा पोग्गलपरिणामं वा वीससा वा पोग्गलाणं परिणाम तेसि वा उदएणं णीयागोयं कम्मं वेदेति । एस णं गोयमा ! णीयागोए कम्मे । एस जं गोमा ! णीयागोयस्स कम्मस्स जीवेणं बद्धस्स जाव पोग्गलपरिणामं पप्प° अट्ठविहे अणुभावे पण्णत्ते ||
२३. अंतराइस्स णं भंते ! कम्मस्स जीवेणं बद्धस्स पुटुस्स बद्ध- फास-पुटुस्स संचियस्स चियस्स उवचियस्स आवागपत्तस्स विवागपत्तस्स फलपत्तस्स उदयपत्तस्स जीवेणं कस्स जीवेणं णिव्वत्तियस्स जीवेणं परिणामियस्स सयं वा उदिष्णस्स परेण वा उदीरियस्स तदुभएण वा उदीरिज्जमाणस्स गति पप्प ठिति पप्प भवं पप्प पोग्गलं पप्प पोग्गल परिणामं पप कतिविहे अणुभावे पण्णत्ते ? गोयमा ! अंतराइयस्स णं कम्मस्स जीवेणं बद्धस्स जाव पोग्गल परिणामं पप्प पंचविहे अणुभावे पण्णत्ते, तं जहा - दाणंतराए लाभंतराए भोगंतराए उवभोगंतराए वीरियंतराए ।
जं वेदेति पोग्गलं वा पोग्गले वा पोग्गलपरिणामं वा वीससा वा पोग्गलाणं परिणामं, तेसि वा उदएणं अंतराइयं कम्मं वेदेति । एस णं गोयमा ! अंतराइए कम्मे । एस णं गोयमा ! अंतराइयस्स कम्मस्स जीवेणं वद्धस्स जाव पोग्गलपरिणामं पप्प पंचविहे अणुभावे पण्णत्ते ॥ बीओ उद्देस
मूलोत्तरपयडिभेद-पदं
२४. कति णं भंते! कम्मपगडीओ पण्णत्ताओ ? गोयमा ! अट्ठ कम्मपगडीओ पण्णत्ताओ, तं जहा -- णाणावर णिज्जं जाव अंतराइयं ॥
२५. णाणावरणिज्जे गं भंते पण्णत्ते ! कम्मे कतिविहे पण्णत्ते ? गोयमा ! पंचविहे पण्णत्ते, तं जहा - आभिणिवोहियणाणावर णिज्जे सुयणाणावर णिज्जे ओहिणाणावरणिज्जे मणपज्जवणाणावर णिज्जे केवलणाणावर णिज्जे ||
२६. दरिसणावरणिज्जे णं भंते ! कम्मे कतिविहे पण्णत्ते ? गोयमा ! दुविहे पण्णत्ते, तं जहा -- णिद्दापंचए य दंसणचउक्कए य ॥
२७. णिद्दापंचए णं भंते ! कतिविहे पण्णत्ते ? गोयमा ! पंचविहे पण्णत्ते, तं जहागिद्दा जाव' थीणद्धी' ॥
२८. दंसणचउक्कए णं भंते ! " कतिविहे पण्णत्ते ? गोयमा ! चउव्विहे पण्णत्ते, तं जहा - चक्खुदंसणावर णिज्जे जाव' केवल दंसणावर णिज्जे ॥
२६. वेयणिज्जे णं भंते ! कम्मे कतिविहे पण्णत्ते ? गोयमा ! दुविहे पण्णत्ते, तं
१. सं० पा०-- उदएणं जाव अट्ठविहे ।
२ सं० पा० – पुच्छा
६. १० २३/१४ ।
Jain Education International
४. थी गिद्धे ( क ), श्रीणगिद्धी (घ ) ।
५. सं० पा०-- पुच्छा
६. ५० २३।१४ ।
For Private & Personal Use Only
www.jainelibrary.org
| SR No. | 003571 |
| Book Title | Agam 15 Upang 04 Pragnapana Sutra Pannavanna Terapanth |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 745 |
| Language | Prakrit |
| Classification | Book_Devnagari, Agam, Canon, & agam_pragyapana |
| File Size | 14 MB |