Agam 15 Upang 04 Pragnapana Sutra Pannavanna Terapanth

SR No.: 003571
Original Sutra Author: N/A
Author: Tulsi Acharya, Mahapragna Acharya
Publisher: Jain Vishva Bharati
Publication Year: 1989
Total Pages: 745
Language: Prakrit
Classification: Book_Devnagari, Agam, Canon, & agam_pragyapana
File Size: 14 MB

Page 342

२६८
पण्णवणासुस्त ६८. तिरिक्खजोणियपंचेंदियवेउव्वियसरीरस्स णं भंते ! केमहालिया सरीरोगाहणा पण्णत्ता ? गोयमा ! जहष्णेणं अंगुलस्स संखेज्जइभाग, उक्कोसेणं जोयणसतपुहत्तं ।।
६६. मणूसपंचेंदियवेउम्बियसरीररस्स णं भंते! केमहालिया सरीरोगाहणा पण्णत्ता? गोयमा ! जहण्णेणं अंगुलस्स संखेज्जइभाग, उक्कोसेणं सातिरेगं जोयणसतसहस्सं ॥
७०. असुरकुमारभवणवासिदेवपंचिदियवे उब्वियसरीरस्स णं भंते ! केमहालिया सरीरोगाहणा पण्णत्ता ? गोयमा ! असुरकुमाराणं देवाणं दुविहा सरीरोगाहणा पण्णता, तं जहा-भवधारणिज्जा य उत्तरवेउव्विया य। तत्थ णं जासा भवधारणिज्जा सा जहण्णणं अंगुलस्स असंखेज्जइभागं, उक्कोसेणं सत्त रयणीओ। तत्थ णं जासा उत्तरवेउब्विया सा जहण्णेणं अंगुलस्स संखेज्जइभाग, उक्कोसेणं जोयणसतसहस्सं । एवं जाव थणियकुमाराणं । एवं ओहियाणं वाणमंतराणं । एवं जोइसियाण वि। सोहम्मीसाणगदेवाणं एवं चेव उत्तरवे उब्विया जाव अच्चुओ कप्पो, वरं--सणकुमारे भवधारणिज्जा जहण्णेणं अंगुलस्स असंखेज्जइभाग, उक्कोसेणं छ रयणीओ। एवं माहिंदे वि। बंभलोय-लंतगेसु पंच रयणीओ। महासुक्क-सहस्सारेसु चत्तारि रयणीओ । आणय-पाणय-आरण-अच्चुएसु तिण्णि रयणीओ।।
७१. गेवेज्जगकप्पातीतवेमाणियदेवपंचेंदियवेउव्वियसरीरस्स णं भंते ! केमहालिया सरीरोगाहणा पण्णत्ता ? मोयमा ! गेवेज्जगदेवाणं एगा भवधारणिज्जा सरीरोगाहणा पण्णत्ता । सा जहण्णेणं अंगुलस्स असंखेज्जइभागं, उक्कोसेणं दो रयणीओ । एवं अणुत्तरोववाइयदेवाण वि, णवरं-एक्का रयणी ।। आहारगसरोरे विहि-पदं
७२. आहारगसरीरे णं भंते ! कतिविहे पण्णत्ते? गोयमा! एगागारे पण्णत्ते। जदि एगागारे पण्णत्ते कि मणूस आहारगसरीरे? अमणूसआहारगसरीरे ? गोयमा! मणूसआहारगसरीरे, णो अमणूसआहारगसरीरे। जदि मणूसआहारगसरीरे किं सम्मुच्छिममणूसआहारगसरोरे ? गब्भवक्कंतियमणूसआहारग सरीरे ? गोयमा! णो सम्मुच्छिममणूसआहारगसरीरे, गब्भववतियमणूसआहारगसगरे। जदि गब्भवक्कंतियमणूस आहारगसरीरे कि कम्मभूमगगभवतियमणूसआहारगसरीरे ? अकम्मभूमगगब्भवक्कंतियमणूसआहारगसरीरे ? अंतरदीवगगभववतियमणूसआहारगसरीरे? गोयमा! कम्मभमगगब्भवक्कंतियमणसआहारगसरीरे, णो अकम्मभूमगगब्भवतियमणूसआहारगसरीरे, णो अंतरदोवगगब्भवतियमणूसआहारगसरीरे। जदि कम्मभूमगगब्भवतियमणूसआहारगसरीरे किं संखेज्जवासाउयकम्मभूमगगब्भवक्कंतियमणूसआहारगसरीरे? असंखेज्जवासा उयकम्मभूमगगब्भवक्कतियमणूसआहारगसरीरे ? गोयमा ! संखेज्जवासाउयकम्मभूमगगभवतियमणूसआहारगसरीरे, णो असंखेज्जवासाउयकम्मभूमगगब्भवक्कंतियमणूसआहारगसरीरे । जदि संखेज्जवासाउयकम्मभूमगगब्भवक्कंतियमणूसआहारगसरीरे किं पज्जत्तगसंखेज्जवासाउयकम्मभूमगगब्भवक्कंतियमणूसआहारगसरीरे ? अपज्जत्त गसंखेज्जवासाउयकम्मभूमगगन्भवतियमणूस आहारगसरोरे ? गोयमा ! पज्जत्तगसंखेज्जवासाउयकम्मभूमगगब्भ