Page Text
________________
२६६
पण्णवणासुतं
जदि संखेज्जवासाउयकम्मभूमगगब्भवतियमणसपंचेंदियवेउब्वियसरीरे किं पज्जत्तगसंखेज्जवासाउयकम्मभूमगगम्भवक्कतियमणूसपंचेंदियवेउब्वियसरीरे ? अपज्जत्तगसंखेज्जवासाउयकम्मभूमग गब्भवक्कंतियमणूसपंचेंदियवेउब्वियसरीरे ? गोयमा ! पज्जत्तगसंखेज्जवासाउयकम्मभूमगगब्भवतियमणूसपंचेंदियवेउब्वियसरीरे, णो अपज्जत्तगसंखेज्जवासाउयकम्मभूमगगब्भवक्कंतियमणूसपंचें दियवे उव्वियसरीरे।।।
५५. जदि देवयंचदियवे उब्वियसरीरे किं भवणवासिदेवपंचे दियवेउब्वियसरीरे जाव वेमाणियदेवपंचेंदियवेउब्वियसरीरे ? गोयमा ! भवणवासिदेवपंच दियवे उव्वियसरीरे वि जाव वेमाणियदेवपंच दियवेउब्वियसरीरे वि। जदि भवणवासिदेवपंचेंदियवेउव्वियसरीरे कि असूरकूमारभवणवासिदेवपंचे दियवेउब्वियसरीरे जाव थणियकुमारभवणवासिदेवपंचेंदियवेउव्वियसरीरे ? गोयमा ! असुरकुमार जाव थणियकूमारभवणवासिदेवपंचेंदियवेउब्वियसरीरे वि। जदि असुरकुमारभवणवासिदेवपंचेंदियवेउब्वियसरीरे किं पज्जत्तगअसुरकुमारभवणवासिदेवपंचदियवेउब्वियसरीरे ? अपज्जत्तगअसुरकुमारभवणवासिदेवपंचेंदियवेउब्वियसरीरे ? गोयमा ! पज्जत्तगअसुरकुमारभवणवासिदेवपंचेंदियवेउव्वियसरीरे वि अपज्जत्तगअसुरकुमारभवणवासिदेवपंचेंदियवेउब्वियसरीरे वि। एवं जाव थणियकुमाराणं दुगओ भेदो। एवं वाणमंतराणं अट्ठविहाणं, जोइसियाणं पंचविहाणं । वेमाणिया दुविहाकापोवगा कप्पातीताय। कप्पोवगा वारसविहा। तेसि पि एवं चेव दगतो भेदो। कप्पातीता दुविहा-गेवेज्जगा य अणुत्तरा य । गेवेज्जगा णवविहा । अणुत्तरोववाइया पंचविहा । एतेसि पज्जत्तापज्जत्ताभिलावेणं दुगतो भेदो॥ वेउब्वियसरीरे संठाण-पदं
५६. वेउव्वियसरीरे णं भंते ! किसंठिए पण्णत्ते ? गोयमा! णाणासंठाणसंठिए पण्णत्ते ।।
५७. बाउक्काइयएगिदियवे उब्बियसरीरे णं भंते ! किसंठिए पण्णत्ते ? गोयमा ! पडागासंठाणसं ठिाए पण्णत्ते ।।
५८. णेरइयपंचेंदियवे उब्बियसरीरे णं भंते ! किंसंठाणसंठिए पण्णत्ते ? गोयमा ! मेरइयपंचेंदियवे उब्वियसरीरे दुविहे पण्णत्ते, तं जहा–भवधार णिज्जे य उत्तरवेउब्विए य ! तत्थ णं जेसे भवधारणिज्जे से हंडसंठाणसंठिए पण्णत्ते । तत्थ णं जेसे उत्तरवेउन्विए से वि हुंडसंठाणसंठिए पण्णत्ते ।।
५६. रयणप्पभापुढविणे रइयपंचेंदियवेउब्वियसरीरे णं भंते! किसठाणसंठिए पण्णते? गोयमा ! रयणप्पभापुढविणेरइयाणं दुविहे सरोरे पण्णत्ते, तं जहा ---भवधारणिज्जे य उत्तरवे उव्विए य । तत्थ णं जेसे भवधारणिज्जे से वि हुंडे, जे वि उत्तरवेउव्विए से वि हुंडे । एवं जाव अहेसत्तमापुढविणेरइयवेउब्वियसरीरे ॥
६०.तिरिक्खु जोणियपंचेंदियवेउबियसरीरे ण भंते ! किंसंठाणसंठिए पण्णत्ते ? गोयमा! जाणासंठाणसंठिा पण्णते। एवं जलयर-थलयर-खहयराण वि। थलयराण च उप्पय-परिसप्पाण वि । परिसप्पाण उरपरिसप्प-भुयपरिसप्पाण वि। एवं मणूसपंचेंदियवेउब्वियसरीरे वि ॥
Jain Education International
For Private & Personal Use Only
www.jainelibrary.org
| SR No. | 003571 |
| Book Title | Agam 15 Upang 04 Pragnapana Sutra Pannavanna Terapanth |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 745 |
| Language | Prakrit |
| Classification | Book_Devnagari, Agam, Canon, & agam_pragyapana |
| File Size | 14 MB |