Page Text
________________
२६४
पण्णवणासुत असंखेज्जइभागं । गब्भवक्कंतियाणं पज्जत्तयाण य जहण्णेणं अंगुलस्स असंखेज्जइभागं, उक्कोसेणं तिष्णि गाउयाई ।। वेउब्वियसरीरे विहि-पदं
४६. वे उब्वियसरीरे णं भंते ! कतिविहे पण्णत्ते ? गोयमा! दुविहे पण्णत्ते, तं जहा - एगिदियवेउब्वियसरीरे य पंचेंदियवे उव्वियसरीरे य ।।
५०. जदि एगिदियवेउब्वियसरीरे किं वाउक्काइयएगिदियवेउब्वियसरीरे अवाउक्काइयएगिदियवेउन्वियसरीरे ? गोयमा! वाउक्काइयएगिदियवेउव्यियसरीरे, णो अवाउक्काइयएगिदियवेउब्वियसरीरे। जदि वाउक्काइयए गिदियवे उब्वियसरीरे कि सुहमवाउक्काइयएगिदियवेउव्वियसरीरे ? बादरवाउक्काइयएगिदियवेउव्वियसरीरे ? गोयमा ! णो सुहुमवाउक्का इयरगिदियवेउवियसरीरे, बादरवाउक्काइयएगिदियवे उव्वियसरीरे। जदि वादरवाउक्काइयएगिदियवेउव्वियसरीरे कि पज्जत्तबादरवाउक्काइयएगिदियवेउव्वियसरीरे? अपज्जत्तवादरवाउक्काइयएगिदियवेउब्वियसरीरे? गोयमा ! पज्जत्तबादरवाउक्काइयएगिदियवेउव्वियसरीरे, णो अपज्जत्तबादरवाउक्काइयएगिदियवेउव्वियसरीरे ।।
५१. जदि पंचेंदियवेउब्वियसरीरे किं रइयपंचेंदियवेउब्वियसरीरे जाव किं देवपंचेंदियवेउब्वियसरीरे ? गोयमा ! णेरइयपंचेंदियवेउव्वियसरोरे वि जाव देवपंचेंदियवेउब्वियसरीरे वि॥
५२. जदि णेरइयपंचेंदियवेउब्वियसरीरे किं रयणप्पभापुढविणेरइयपंचेंदियवेउब्वियसरीरे जाव कि अहेसत्तमापुढविणेरइयपंचेंदियवेउव्वियसरीरे ? गोयमा ! रयणप्पभापुढविणेरइयपंचेंदियवेउव्वियसरीरे वि जाव अहेसत्तमापुढविणेरइयपंचेंदियवेउव्वियसरीरे वि। जदि रयणप्पभापुढविणेरइयपंचेंदियवेउव्वियसरीरे किं पज्जत्तगरयणप्पभापुढविणेरइयपंचेंदियवे उब्वियसरीरे ? अपज्जत्तगरयणप्पभापुढविणेरइयपचे दियवेउव्वियसरीरे ? गोयमा ! पज्जत्तगरयणप्पभापुढविणेरइयपंचेंदियवेउब्वियसरीरे वि अपज्जत्तगरयणप्पभापुढविणेरइयपंचेंदियवेउव्वियसरीरे वि । एवं जाव अहेसत्तमाए दुगतो भेदो णेयव्वो' ।
५३. जदि तिरिक्खजोणियपंचेंदियवेउब्वियसरीरे कि सम्मुच्छिमतिरिक्खजोणियपंचेंदियवेउव्वियसरीरे ? गम्भवक्कंतियतिरिक्खजोणियपंचेंदियवेउव्वियसरीरे? गोयमा ! णो सम्मच्छिमतिरिक्खजोणियपंचेंदियवेउब्वियसरीरे, गभवक्कंतियतिरिक्खजोणियपंचेंदियवेउ व्वियसरीरे। जदि गब्भवक्कंतियतिरिक्खजोणियपंचेंदियवेउन्वियसरीरे किं संखेज्जवासाउयगम्भवक्कंतियतिरिक्खजोणियपंचेंदियवेउब्वियसरीरे ? असंखेज्जवासाउयगभवतियतिरिक्ख जोणियपंचेंदियवेउव्वियसरीरे ? गोयमा ! संखेज्जवासाउयगब्भवक्कंतियतिरिक्खजोणियपंचेंदियवेउब्वियसरीरे,णो असंखेज्जवासाउयगब्भवक्कंतियतिरिक्खजोणियपंचेंदियवेउब्वियसरीरे। १. भाणियव्वो (ख,ग,घ)। २. पंचेंदियतिरिक्खजोणिय (क,ख,ग) प्रायः सर्वत्र ।
www.jainelibrary.org
For Private & Personal Use Only
Jain Education International
| SR No. | 003571 |
| Book Title | Agam 15 Upang 04 Pragnapana Sutra Pannavanna Terapanth |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 745 |
| Language | Prakrit |
| Classification | Book_Devnagari, Agam, Canon, & agam_pragyapana |
| File Size | 14 MB |