________________
एगवीसइमं ओगाहणसंठाणपयं
२६१
ओरालियसरीरे य ।।
२०. गब्भवक्कंतियमणूसपंचेंदियओरालियसरीरे णं भंते ! कतिविहे पण्णत्ते ? गोयमा ! दुविहे पण्णत्ते, तं जहा -पज्जत्तगगब्भवतियमणूसपंचेंदियओरालियसरीरे य अपज्जत्तगगब्भवक्कंतियमणूसपंचेंदियओरालियसरीरे य॥ ओरालियसरीरे संठाण-पदं
२१. ओरालियसरीरे णं भंते ! किंसंठिए पण्णत्ते ? गोयमा ! गाणासंठाणसंठिए पण्णत्ते ॥
२२. एगिदियओरालियसरीरे णं भंते ! किंसंठिए पण्णत्ते ? गोयमा ! णाणासंठाणसंठिए पण्णत्ते ।
२३. पुढविक्काइयएगिदियओरालि यसरीरे णं भंते ! किसंठाणसंठिए पण्णत्ते ? गोयमा ! मसूरचंदसंठाणसंठिए' पण्णत्ते । एवं सुहमपुढविक्काइयाण वि । बायराण वि एवं चेव । पज्जत्तापज्जत्ताण वि एवं चेव ।।
२४. आउक्काइयएगिदियओरालियसरीरे णं भंते ! किंसंठाणसंठिए पण्णत्ते ? गोयमा! थिबुगविंदुसंठाणसंठिए पणत्ते । एवं सुहम-बायर-पज्जत्तापज्जत्ताण वि ॥
२५. ते उक्काइयएगिदियओगलियसरीरे णं भंते ! किंसंठाणसंठिए पण्णत्ते ? गोयमा ! सूईकलावसंठाणसंठिए' पण्णत्ते । एवं सुहुम-वादर-पज्जत्तापज्जत्ताण वि ॥
२६. वाउक्काइयाणं पडागासंठाणसंठिए' पण्णत्ते । एवं सुहुम-बायर-पज्जत्तापज्जत्ताण वि।
२७. वणप्फइकाइयाणं णाणासंठाणसंठिए पण्णत्ते । एवं सुहुम-बायर-पज्जत्तापज्जत्ताण वि।।
२८. बेइंदियओरालियसरीरे णं भंते ! किंसंठाणसंठिए पण्णत्ते ? गोयमा ! हंडसंठाणसंठिए पण्णत्ते । एवं पज्जत्तापज्जत्ताण वि। एवं तेइंदिय-चरिदियाण वि॥
२६. तिरिक्खजोणियपंचेंदियओरालियसरीरे णं भंते ! किसंठाणसंठिए पण्णते ? गोयमा ! छव्विहसं ठाणसंठिए पण्णत्ते, तं जहा-समच उरंससंठाणसंठिए जाव हुंडसंठाणसंठिए'। एवं पज्जत्तापज्जत्ताण वि ।।
३०. सम्मुच्छिमतिरिक्खजोणियपंचेंदियओरालियसरीरे णं भंते ! किसंठाणसंठिए पण्णत्ते ? गोयमा ! हुंडसंठाणसंठिए पण्णत्ते । एवं पज्जत्तापज्जत्ताण वि॥
३१. गब्भवक्कंतियतिरिक्खजोणियपंचेंदियओरालियसरीरे णं भंते ! किसंठाणसंठिए पण्णत्ते ? गोयमा ! छविहसंठाणसंठिए पण्णत्ते, तं जहा समचउरंसे जाव हुंडसंठाणसंठिए। एवं पज्जत्तापज्जत्ताण वि । एवमेते तिरिक्ख जोणियाणं ओहियाणं णव आलावगा।।
३२. जलयरतिरिक्खजोणियपंचेंदियओरालियसरीरे णं भंते ! किंसंठाणसंठिए पण्णते?
१. मसूराचंद (घ)। २. सूयी° (क,घ)। ३. °याण वि (ख,ग,घ)।
४. पडाग (ख)। ५. प०१५॥३५॥ ६. संठिए वि (ग)।
Jain Education International
For Private & Personal Use Only
www.jainelibrary.org
