Page Text
________________
२६०
पण्णवणासुत्तं तिविहे पण्णत्ते, तं जहा--जलयरतिरिक्खजोणियपंचेदियओरालियसरीरे य थलयरतिरिक्खजोणियपंचेंदियओरालियसरीरे य खयरतिरिक्खजोणियपंचेदियओरालियसरीरे य ।
१. जलयरतिरिक्खजोणियपंचेंदियओरालियसरीरे णं भंते ! कतिविहे पण्णत्ते ? गोयमा! दुविहे पण्णत्ते, तं जहा-सम्मुच्छिमजलयरतिरिक्खजोणियपंचेंदियओरालियसरीरे य गब्भवक्कंतियजलयरतिरिक्खजोणियपंचेंदियओरालियसरीरे य ।।
१०. सम्मुच्छिमजलयरतिरिक्खजोणियपंचेंदियओरालियसरीरे णं भंते ! कतिविहे पण्णत्ते ? गोयमा ! दुविहे पण्णत्ते, तं जहा-पज्जत्तगसम्मुच्छिमतिरिक्खजोणियपंचेंदियओरालियसरीरे य अपज्जत्तगसम्मुच्छिमतिरिक्खजोणियपंचेंदियओरालियसरीरे य । एवं गब्भवतिए वि॥
११. थलयरतिरिक्खजोणियपंचेंदियओरालियसरीरे णं भंते ! कतिविहे पण्णत्ते ? गोयमा ! दुविहे पण्णत्ते, तं जहा-चउप्पयथलयरतिरिक्खजोणियपंचें दियओरालियसरीरे य परिसप्पथलयरतिरिक्खजोणियपंचेंदियओरालि यसरीरे य ।।
१२. चउप्पयथलयरतिरिक्खजोणियपंचेंदियओरालियसरीरे णं भंते ! कतिविहे पण्णत्ते ? गोयमा ! दुविहे पण्णत्ते, तं जहा-सम्मुच्छिमचउप्पयथलयरतिरिक्खजोणियपंचेंदियओरालियसरीरे य गब्भवक्कंतियचउप्पयथलयरतिरिक्खजोणियपंचेंदियओरालियसरीरे य॥
१३. सम्मुच्छिमचउप्पयथलयरतिरिक्खजोणियपंचेंदियओरालियसरीरे णं भंते ! कइविहे पण्णत्ते ? गोयमा! दुविहे पण्णत्ते, तं जहा -पज्जत्तगसम्मुच्छिमचउप्पयथलयरतिरिक्खजोणियपंचेंदियओरालियसरीरे य अपज्जतगसम्मुच्छिमचउप्पयथलयरतिरिक्खजोणियपंचेंदियओरालियसरीरे य । एवं गब्भवक्कतिए वि ।।
१४. परिसप्पथलयरतिरिक्खजोणियपंचेंदियओरालियसरीरे णं भंते ! कतिविहे पण्णत्ते ? गोयमा ! दुविहे पण्णत्ते, तं जहा-उरपरिसप्पथलयरतिरिक्खजोणियपंचेंदियओरालियसरीरे य भुयपरिसप्पथलयरतिरिक्खजोणियपंचेदियओरालियसरीरे य ।
१५. उरपरिसप्पथलयरतिरिक्खजोणियपंचेंदियओरालियसरीरे णं भंते ! कतिविहे पण्णत्ते ? गोयमा ! दुविहे पण्णत्ते, तं जहा-सम्मुच्छिमउरपरिसप्पथलयरतिरिक्खजोणियपंचेंदियओरालियसरीरे य गब्भवक्कंतियउरपरिसप्पथलयरतिरिक्खजोणियपंचेंदियओरालियसरीरे य ।।
१६. सम्मुच्छिमे दुविहे पण्णत्ते, तं जहा-अपज्जत्तसम्मुच्छिमउरपरिसप्पथलयरतिरिक्खजोणियपंचेंदियओरालियसरीरे य पज्जत्तसम्मुच्छिमउरपरिसप्पथलयरतिरिक्खजोणियपंचेंदियओरालियसरीरे य। एवं गब्भवक्कंतिय उरपरिसप्पच उक्कओ भेदो। एवं भुयपरिसप्पा वि सम्मुच्छिम-गब्भवतिय-पज्जत्त-अपज्जत्ता ।।
१७. खहयरा दुविहा पण्णत्ता, तं जहा-सम्मुच्छिमा य मब्भवक्कंतिया य ।।
१८. सम्मूच्छिमा दुविहा पण्णत्ता, तं जहा-पज्जत्ता य अपज्जत्ता य। गब्भवतिया वि पज्जत्ता य अपज्जत्ता य॥
१६. मणूसपंचेंदियओरालियसरीरे णं भंते ! कतिविहे पण्णते? गोयमा ! दुविहे पण्णत्ते, तं जहा-सम्मुच्छिममणूसपंचेंदियओरालियसरीरे य गम्भवक्कंतियमणूसपंचेंदिय
Jain Education International
For Private & Personal Use Only
www.jainelibrary.org
| SR No. | 003571 |
| Book Title | Agam 15 Upang 04 Pragnapana Sutra Pannavanna Terapanth |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 745 |
| Language | Prakrit |
| Classification | Book_Devnagari, Agam, Canon, & agam_pragyapana |
| File Size | 14 MB |