________________
२५८
पण्णवणासुत्तं कप्पे। किब्विसियाणं जहणणं सोहम्मे कप्पे, उक्कोसेणं लंतए करपे। तेरिच्छियाणं जहण्णणं भवणवासीसु, उवकोसेणं सहस्सारे कप्पे । आजीवियाणं जहण्णेणं भवणवासीसु, उक्कोसेणं अच्चुए कप्पे । एवं आभिओगाण वि। सलिंगीणं दंसणवावण्णगाणं जहण्णेणं भवणवासीसु, उक्कोसेणं उवरिमगेवेज्जएसु ।। असण्णिआउय-पदं
६१. कतिविहे णं भंते ! असण्णिआउए पण्णत्ते ? गोयमा ! चउविहे असण्णिआउए पण्णत्ते, तं जहा–णेरइयअसण्णिआउए जाव देवअसण्णिआउए ।
६३. असण्णी णं भंते ! जीवे कि रइयाउयं पक रेति जाव देवाउयं पकरेति ? गोयमा ! णेरइयाउयं पकरेति जाव देवाउयं पकरेति । रइयाउयं पकरेमाणे जहणेणं दस वाससहस्साइं उक्कोसेणं पलिओवमस्स असंखेज्जइभाग पकरेति । तिरिक्खजोणियाउयं पकरेमाणे जहण्णेणं अंतोमुहत्तं, उक्कोसेणं पलिओवमस्स असंखेज्जइभागं पकरेति । एवं मणुयाउयं पि । देवाउयं जहा रइयाउयं ॥
६४. एयस्स णं भंते ! णेरइयअसण्णिआउयस्स जाव देवअसण्णिआउयस्स य कतरे कतरेहितो अप्पा वा वहुया वा तुल्ला वा विसेसाहिया वा ? गोयमा ! सव्वत्थोवे देवअसण्णिआउए, मणुयअसण्णिआउए असंखेज्जगुणे, तिरिक्खजोणियअसण्णिआउए असंखेज्जगुणे, नेरइयअसण्णिआउए असंखज्जगुणे ॥
Jain Education International
For Private & Personal Use Only
www.jainelibrary.org
