Page Text
________________
वीसइमं अंतकिरियापयं
२५७ वासुदेव-पदं
५६. एवं वासुदेवत्तं दोहितो पुढवीहितो वेमाणिएहितो य अणुत्तरोववातियवज्जेहितो, सेसेसु णो इणठे समठे ॥ मंडलिय-पदं ___ ५७. मंडलियत्तं अहेसत्तमा-तेउ-वाउवज्जेहितो ।। रयण-पदं
५८. सेणावइरयणत्तं गाहावइरयणत्तं वड्डइरयणत्तं पुरोहियरयणत्तं इत्थिरयणत्तं च एवं चेव, णवरं-- अणुत्तरोववाइयवज्जेहितो।।
५६. आसरयणत्तं हत्थिरयणत्तं च रयणप्पभाओ णिरंतरं जाव सहस्सारो अत्येगइए लभेज्जा, अत्थेगइए णो लभेज्जा ॥
६०. चक्करयणत्तं 'छत्तरयणत्तं चम्मरयणत्तं" दंडरयणत्तं असिरयणत्तं मणिरयणतं कागिणिरयणत्तं एतेसि णं असुरकुमारेहितो आरद्धं निरंतरं जाव ईसाणेहितो उववातो, सेसेहितो णो इणळे देवउववाय-पदं
६१. अह भंते ! असंजयभवियदव्वदेवाणं अविराहियसंजमाणं विराहियसंजमाणं अविराहियसंजमासंजमाणं विराहियसंजमासंजमाणं असण्णीणं तावसाणं कंदप्पियाणं चरगपरिव्वायगाणं किब्बिसियाणं तेरिच्छियाणं' आजीवियाणं आभिओगियाणं सलिंगीणं दसणवावण्णगाणं' देवलोगेसु उववज्जमाणाणं कस्स कहि उववाओ पण्णत्तो? गोयमा ! अस्संजयभवियदव्वदेवाणं जहण्णेणं भवणवासीसु उक्कोसेणं उवरिमगेवेज्जगेसु । अविराहियसंजमाणं जहण्णेणं सोहम्मे कप्पे, उक्कोसेणं सव्वट्ठसिद्धे। विराहियसंजमाणं जहणणं भवणवासीसु, उक्कोसेणं सोहम्मे कप्पे । अविराहियसंजमासंजमाणं जहण्णेणं सोहम्मे कप्पे, उक्कोसेणं अच्चुए कप्पे । विराहियसंजमासंजमाणं जहण्णेणं भवणवासीसु, उक्कोसेणं जोइसिएसु । असण्णीणं जहणेणं भवणवासीसु, उक्कोसेणं वाणमंतरेसु। तावसाणं जहण्णेणं भवणवासीसु, उक्कोसेणं जोइसिएसु । कंदप्पियाणं जहण्णणं भवणवासीसू, उक्कोसेणं सोहम्मे कप्पे । चरग-परिव्वायगाणं जहण्णेणं भवणवासीसु, उक्कोसेणं बंभलोए
१. चम्मरयणत्तं छत्तरयणतं (क)। २. तेरच्छियाणं (ख)। ३. सणवावण्णाणं (ख); दसणवावगाणं
एतेसि गं (भ० १०११३) । ४. सव्वट्ठसिद्धे विमाणे (भ० १२११३)। ५. अतोने भगवत्या (११११३) रचनाभेदो दृश्यते अवसेसा सव्वे जहण्णणं भवणवासीसु उक्कोसेणं वोच्छामि--तावसाणं जोतिसिएसु, कंदप्पियाणं सोहम्मे कप्पे, चरग-परिव्वातगाणं बंभलोए कप्पे, किब्बिसियाणं लंतगे कप्पे,
तेरिच्छियाणं सहस्सारे कप्पे, आजीवियाणं अच्चुए कप्पे, अभिओगियाणं अच्चुए कप्पे, सलिंगीणं दंसणवावन्नगाणं उवरिमगेविज्जएस। 'अवसेसा सव्वे जहण्जेणं भवणवासीसु' इति नियमानुसारेण किल्विषिकाणामपि जघन्येन भवनवासिषु उपपातो भवति, किन्तु प्रस्तुतसूत्रे 'किब्बिसियाणं जहणणं सोहम्मे कप्पे' इति पाठोस्ति तेनास्य कथं संगतिः स्यादिति चिन्त्यमस्ति । अथवा स्याद् वाचनाभेदः ।
For Private & Personal Use Only
Jain Education International
www.jainelibrary.org
| SR No. | 003571 |
| Book Title | Agam 15 Upang 04 Pragnapana Sutra Pannavanna Terapanth |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 745 |
| Language | Prakrit |
| Classification | Book_Devnagari, Agam, Canon, & agam_pragyapana |
| File Size | 14 MB |