Page Text
________________
૨૪૪
पण्णवणासुतं ६१. पुरिसवेदे णं भंते ! पुरिसवेदे त्ति कालओ केवचिरं होइ ? गोयमा ! जहण्णेणं अंतोमुहत्तं, उक्कोसेणं सागरोवमसतपुहत्तं सातिरेगं ॥
६२. नपुंसगवेदे णं भंते ! पसगवेदे त्ति "कालओ केवचिरं होइ ?° गोयमा ! जहण्णणं एक्कं समयं, उक्कोसेणं वणस्सइकालो ।।
६३. अवेदए णं भंते ! अवेदए त्ति "कालओ केवचिरं होइ ?° गोयमा ! अवेदए दुविहे पण्णत्ते, तं जहा-सादीए वा अपज्जवसिए, सादीए वा सपज्जवसिए। तत्थ णं जेसे सादीए सपज्जवसिए से जहण्णेणं एक्कं समयं, उक्कोसेणं अंतोमुहुत्तं ॥ कसाय-पदं
६४. सकसाई णं भंते ! 'सकसाई ति" कालओ केवचिरं होइ ? गोयमा ! सकसाई तिविहे पण्णत्ते, तं जहा-अणादीए वा अपज्जवसिए, अणादीए वा सपज्जवसिए, सादीए वा सपज्जवसिएं। तत्थ गंजेसे सादीए सपज्जवसिए से जहणणं अंतोमहत्तं, उक्कोसेणं अणंतं कालं-अणंताओ उस्सप्पिणी-ओसप्पिणीओ कालओ, खेत्तओ अवड्ढं पोग्गलपरियट्टू देसूणं ।।
६५. कोहकसाई णं भंते ! "कोहकसाई ति कालओ केबचिरं होइ ?° गोयमा ! जहण्णेण वि उक्कोसेण वि अंतोमुहत्तं । एवं जाव मायकसाई॥
६६. लोभकसाई णं भंते ! लोभ "कसाई ति कालओ केवचिरं होइ ?° गोयमा ! जहण्णणं एक्कं समयं, उक्कोसेणं अंतोमुहत्तं ।।
६७. अकसाई गं भंते ! अकसाई ति कालओ केवचिरं होइ ? गोयमा ! अकसाई दुविहे पण्णत्ते, तं जहा-सादीए वा अपज्जवसिए, सादीए वा सपज्जवसिए। तत्थ णं जेसे सादीए सपज्जवसिए से जहण्णणं एक्कं समयं उक्कोसेणं अंतोमुहुत्तं ।। लेस्सा -पदं
६८. सलेसे णं भंते ! सलेसे त्ति कालओ केवचिरं होइ ? गोयमा ! सलेसे दुविहे पण्णत्ते, तं जहा-अणादीए वा अपज्जवसिए, अणादीए वा सपज्जवसिए॥
६६. कण्हलेसे" णं भंते ! कण्हलेसे त्ति कालओ केवचिरं होइ ? गोयमा ! जहण्णेणं अंतोमुत्तं, उक्कोसेणं तेत्तीसं सागरोवमाइं अंतोमुत्तमब्भहियाई॥
७०. णीललेसे णं भंते ! णीललेसे ति कालओ केवचिरं होइ ?° गोयमा ! जहण्णणं अंतोमुहत्तं, उक्कोसेणं दस सागरोवमाइं पलिओवमासंखेज्जइभागमभहियाई ।।
७१. काउलेस्से णं भंते ! काउलेस्सेत्ति कालओ केवचिरं होइ ?° गोयमा ! जहण्णणं अंतोमुहुत्तं, उक्कोसेणं तिणि सागरोवमाई पलिओवमासंखेज्जइभागमब्भहियाई ।। १,२. सं० पा०-पुच्छा।
८,९. सं० पा०-पुच्छा। ३. सकसादित्ति (क,ख)।
१०. कण्हलेस्सा (ग)। ४. सकसादी (क); सकसाती (घ)। ११. सं० पा०-पुच्छा । ५. सं० पा०-सपज्जवसिए जाव अवड्ढे । १२. पलिओवमाई असंखे (क)। ६. सं० पा०-पुच्छा।
१३. सं० पा० --पुच्छा! ७. माणमाय° (क,ग)।
Jain Education International
For Private & Personal Use Only
www.jainelibrary.org
| SR No. | 003571 |
| Book Title | Agam 15 Upang 04 Pragnapana Sutra Pannavanna Terapanth |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 745 |
| Language | Prakrit |
| Classification | Book_Devnagari, Agam, Canon, & agam_pragyapana |
| File Size | 14 MB |