Page Text
________________
अट्ठारसमं कायट्ठिइपयं
२४३
५०. बादरपुढविक्काइयपज्जत्तए णं भंते ! वादर "पुढविक्काइयपज्जत्तए त्ति कालओ केवचिरं होइ ?° गोयमा ! जहण्णेणं अंतोमुहुत्तं, उक्कोसेणं संखेज्जाई वाससहस्साइं । एवं आउक्काइए वि॥
५१. ते उक्काइयपज्जत्तए णं भंते ! तेउक्काइयपज्जत्तए "त्ति कालओ केवचिरं होइ ?° गोयमा ! जहण्णेणं अंतोमुहत्तं, उक्कोसेणं संखेज्जाइं राइंदियाई ।। ___ ५२. वाउक्काइए वणस्सइकाइए पत्तेयसरीरबायरवणस्सइकाइए य पुच्छा । गोयमा ! जहणणं अंतोमुहुत्तं, उक्कोसेणं संखेज्जाई वाससहस्साइं॥
५३. णिगोयपज्जत्तए बादरणिगोयपज्जत्तए य पुच्छा ! गोयमा ! दोण्णि वि जहण्णेण वि उक्कोसेण वि अंतोमुहत्तं ।।
५४. बादरतसकाइयपज्जत्तए णं भंते ! बादरतसकाइयपज्जत्तए त्ति कालओ केवचिरं होइ ? गोयमा ! जहण्णणं अंतोमुहत्तं, उक्कोसेणं सागरोवमसतपुहत्तं सातिरेगं ।। जोग-पदं
५५. सजोगी णं भंते ! सजोगि त्ति कालओ केवचिरं होइ ? गोयमा ! सजोगी दुविहे पण्णत्ते, तं जहा--अणादीए वा अपज्जवसिए, अणादीए वा सपज्जवसिए ।।
५६. मणजोगी णं भंते ! मणजोगि त्ति कालओ केवचिरं होइ ? गोयमा ! जहणणं एक्कं समयं, उक्कोसेणं अंतोमुहुत्तं । एवं वइजोगी' वि ॥
५७. कायजोगी णं भंते ! "कायजोगी त्ति कालओ केवचिरं होई ?° गोयमा! जहण्णणं अंतोमुहत्तं, उक्कोसेणं वणस्सइकालो।
५८. अजोगी णं भंते ! अजोगी ति कालओ केवचिरं होइ ? गोयमा ! सादीए अपज्जवसिए । वेद-पवं
५६. सवेदए णं भंते सवेदए त्ति कालओ केवचिरं होइ ? गोयमा ! सवेदए तिविहे पण्णत्ते, तं जहा-अणादीए वा अपज्जवसिए, अणादीए वा सपज्जवसिए, सादीए वा सपज्जवसिए । तत्थ णं जेसे सादीए सपज्जवसिए से जहण्णेणं अंतोमुहुत्तं, उक्कोसेणं अणंतं कालं अणंताओ उस्सप्पिणि-ओसप्पिणीओ कालओ, खेत्तओ अवड्ढे पोग्गलपरियढें देसूणं ॥
६०. इत्थिवेदे णं भंते ! इत्थवेदे त्ति कालतो केवचिरं होति ? गोयमा ! एगेणं आदेसेणं जहण्णेणं एक्कं समयं, उक्कोसेणं दसुत्तरं पलिओबमसतं पुन्वकोडिपुहत्तमब्भहियं १ एगेणं आदेसेणं जहण्णणं एग समयं, उक्कोसेणं अट्ठारस पलिओवमाइं पुवकोडिपुहत्तमब्भहियाइं २ एगेणं आदेसेणं जहणेणं एग समयं, उक्कोसेणं चोद्दस पलिओवमाइं पुवकोडिपुहत्तमब्भहियाइं ३ एगेणं आदेसेणं जहण्णणं एग समयं, उक्कोसेणं पलिओवमसयं पुन्वकोडिपुहत्तमभहियं ४ एगेणं आदेसेणं जहण्णणं एगं समयं, उक्कोसेणं पलिओवमपुहत्तं पुव्वकोडिपुहत्तमब्भहियं ५॥
४. सं० पा०-पुच्छा।
१,२. संपा०-पुच्छा। ३. वयजोगी (ख,घ,पु)।
Jain Education International
For Private & Personal Use Only
www.jainelibrary.org
| SR No. | 003571 |
| Book Title | Agam 15 Upang 04 Pragnapana Sutra Pannavanna Terapanth |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 745 |
| Language | Prakrit |
| Classification | Book_Devnagari, Agam, Canon, & agam_pragyapana |
| File Size | 14 MB |