Page Text
________________
पण्णवणासुत्तं
गाणं दव्वट्ठयाए पएसट्टयाए दव्वट्ट-पएसट्टयाए कतरे कतरेहितो अप्पा वा वहुया वा तुल्ला वा विसेसाहिया वा ? गोयमा ! सव्वत्थोवा जहण्णगा काउलेस्सट्ठाणा दवट्ठयाए, जहण्णया णीललेस्सट्ठाणा दवट्ठयाए असंखेज्जगुणा, एवं कण्हलेस्सटाणा तेउलेस्सट्टाणा पम्हलेस्सट्ठाणा, जहण्णगा सुक्कलेसटाणा दव्वट्ठयाए असंखेज्जगुणा, जहण्णएहितो सुक्कलेस्सटाणेहितो दव्वट्ठयाए उक्कोसा काउलेस्सट्ठाणा दव्वट्ठयाए असंखेज्जगुणा, उक्कोसा गोललेसट्ठाणा दव्वट्ठयाए असंखेज्जगुणा, एवं कण्हलेसट्टाणा तेउलेसट्ठाणा, पम्हलेसटाणा, उक्कोसा सुक्कलेस्सट्ठाणा दग्वट्ठयाए असंखज्जगुणा ; पदेसट्टयाए -- सव्वत्थोवा जहण्णगा काउलेस्सट्टाणा पएसद्वाए, जहण्णगा णीललेसटाणा पएसट्टयाए असंखेज्जगुणा, एवं जहेव दव्वद्रयाए तहेव पएसट्टयाए वि भाणियव्वं, णवरं-पएसट्टयाए ति अभिलावविसेसो; दवट्ठपएसट्ठयाए-सव्वत्थोवा जहण्णगा काउलेस्सट्ठाणा दव्वट्टयाए, जहण्णगा णीललेसटाणा दव्वट्ठयाए असंखेज्जगुणा, एवं कण्हलेसट्टाणा ते उले सट्टाणा पम्हलेसट्ठाणा, जपणया सुक्कलेसटाणा दव्वट्टयाए असंखेज्जगुणा, जहण्णएहितो सुक्कलेसट्ठाणेहितो दव्वट्ठयाए उक्कोसा काउलेसटाणा दव्वट्ठयाए असंखेज्जगुणा, उक्कोसा णीललेसट्ठाणा दव्वट्ठयाए असंखेज्जगुणा, एवं कण्हलेसटाणा तेउलेसट्टाणा पम्हलेसट्टाणा, उक्कोसगा सुक्कलेसट्ठाणा दव्वट्ठयाए असंखेज्जगुणा, उक्कोसएहितो सुक्कलेसट्टाणेहितो दब्वट्ठयाए जहण्णगा काउलेसट्ठाणा पदेसट्टयाए अणंतगुणा, जहण्णगा णीललेसट्ठाणा पएसट्टाए असंखेज्जगुणा, एवं कण्हलेसट्टाणा तेउलेसदाणा पम्हलेसटाणा, जहण्णगा सुक्कलेसटाणा असंखेज्जगूणा, जहण्णएहितो सक्कलेसट्ठाणेहितो पदेसट्टयाए उक्कोसा काउलेसट्ठाणा पदेसट्टयाए असंखेज्जगुणा, उक्कोसया णीललेसट्ठाणा पदेसट्टयाए असंखेज्जगुणा, एवं कण्हलेसट्ठाणा तेउलेसट्ठाणा पम्हलेसटाणा, उक्कोसया सुक्कलेसटाणा पएसट्ठयाए असंखेज्जगुणा ।।
पंचमो उद्देसओ लेस्सा -पदं
१४७. कति णं भंते ! लेस्साओ पण्णत्ताओ ? गोयमा ! छल्लेसाओ पण्णत्ताओ, तं जहा-कण्हलेस्सा जाव सुक्कलेस्सा ।। परिणमणभाव-पदं
१४८. से गूणं भंते ! कण्हलेस्सा णीललेस्सं पप्प तारूवत्ताए तावण्णत्ताए तागंधत्ताए तारसत्ताए ताफासत्ताए भज्जो-भज्जो परिणमति ? इतो आढत्तं जहा' चउत्थद्देसए तहा भाणियव्वं जाव वेरुलियमणिदिळंतो त्ति ॥
१४६. से गुणं भंते ! कण्हलेस्सा णीललेस्सं पप्प णो तारूवत्ताए णो तावण्णताए णो तागंधत्ताए णो तारसत्ताए णो ताफासत्ताए भुज्जो-भुज्जो परिणमति ? हंता गोयमा ! कण्हलेस्सा णोललेस्सं पप्प णो तारूवत्ताए णो तावण्णत्ताए णो तागंधत्ताए णो तारसत्ताए णो ताफासत्ताए भुज्जो-भुज्जो परिणमति ।।
१५०. से केणठेणं भंते ! एवं वुच्चति-कण्हलेस्सा नीललेस्सं पप्प णो तारूवत्ताए
१.५० १७१११५.११६।
Jain Education International
For Private & Personal Use Only
www.jainelibrary.org
| SR No. | 003571 |
| Book Title | Agam 15 Upang 04 Pragnapana Sutra Pannavanna Terapanth |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 745 |
| Language | Prakrit |
| Classification | Book_Devnagari, Agam, Canon, & agam_pragyapana |
| File Size | 14 MB |