Page Text
________________
सत्सरसम लेस्सापयं
२३५
वा परिणामं परिणमति । एवं जाव सुक्कलेसा ॥ पदेस-पदं
१४०. कण्हलेस्सा णं भंते ! कतिपदेसिया पण्णत्ता ? गोयमा ! अणंतपदेसिया पण्णत्ता । एवं जाव सुक्कलेस्सा ।। अवगाह-पदं
१४१. कण्हलेस्सा णं भंते ! कइपएसोगाढा पण्णत्ता ? गोयमा असंखेज्जपएसोगाढा पण्णत्ता । एवं जाव सुक्कलेस्सा। वग्गण-पदं
१४२. कण्हलेस्साए णं भंते ! केवतियाओ वग्गणाओ पण्णत्ताओ ? गोयमा ! अणंताओ वग्गणाओ पण्णत्ताओ । एवं जाव सक्कलेस्साए ।।। ठाण-पदं
१४३. केवतिया णं भंते ! कण्हलेस्साठाणा पण्णत्ता ? गोयमा ! असंखेज्जा कण्हलेस्साठाणा पण्णत्ता । एवं जाव सुक्कलेस्साए । अप्पबहु-पदं
१४४. एतेसि णं भंते ! कण्हलेस्साठाणाणं जाव सुक्कलेस्साठाणाण य जहण्णगाणं दव्वट्ठयाए पएसट्टयाए दवट्ठ-पएसट्ठयाए कयरे कयरेहितो अप्पा वा वहुया वा तुल्ला वा विसेसा हिया वा ? गोयमा ! सव्वत्थोवा जहण्णगा काउलेस्साठाणा दब्वट्ठयाए, जहण्णगा णीललेस्साठाणा दव्वट्ठयाए असंखेज्जगुणा, जहण्णगा कण्हलेस्साठाणा दवट्ठयाए असंखेज्जगुणा, जहण्णगा तेउलेस्साठाणा दवट्ठयाए असंखेज्जगुणा, जहण्णगा पम्हलेस्साठाणा दन्वट्ठयाए असंखेज्जगुणा, जहण्णगा सुक्क्लेस्साठाणा दवट्ठयाए. असंखेज्जगुणा ; पदेसट्ठयाए-सव्वत्थोवा जहण्णगा काउलेस्साठाणा पएसट्टयाए, जहण्णगा णीललेस्सट्ठाणा पएसट्टयाए असंखेज्जगुणा, जहण्णगा कण्हलेस्साठाणा पएसट्टयाए असंखेज्जगुणा, जहण्णगा तेउलेस्सट्ठाणा पदेसट्टयाए असंखेज्जगुणा, जहण्णगा पम्हलेस्सट्ठाणा पएसट्टयाए असंखेज्जगुणा, जहण्णगा सुक्कलेस्साठाणा पदेसट्ठयाए असंखेज्जगुणा; दव्वट्ठ-पदेसट्ठयाए- सव्वत्थोवा जहण्णगा काउलेस्सट्ठाणा दवट्ठयाए, जहण्णगाणीललेस्सट्ठाणा दवट्टयाए असंखेज्जगुणा, एवं कण्हलेस्सट्टाणा तेउलेस्सट्ठाणा पम्हलेस्सटाणा, जहण्णगा सुक्कलेस्सट्ठाणा दव्वट्ठयाए असंखेज्जगुणा, जहण्णएहितो सुक्कलेस्सट्ठाणेहितो दव्वट्ठयाए जहण्णमा काउलेस्सट्ठाणा पदेसट्टयाए अणंतगुणा, जहण्णगा गोललेस्सट्ठाणा पएसट्ठयाए असंखेज्जगुणा। एवं जाव सुक्कलेस्सट्ठाणा ॥
१४५. एतेसि णं भंते ! कण्हलेस्सटाणाणं जाव सुक्कलेस्सट्ठाणाण य उक्कोसगाणं दवट्ठयाए पएसटुयाए दव्वट्ठ-पएसट्ठयाए कतरे कतरेहितो अप्पा वा वहुया वा तुल्ला वा विसेसाहिया वा ? गोयमा ! सव्वत्थोवा उक्कोसगा काउलेस्सट्ठाणा दव्वट्ठयाए, उक्कोसगा णीललेस्सट्ठाणा दवट्टयाए असंखेज्जगुणा। एवं जहेव जहण्णगा तहेव उक्कोसगा वि, णवरं -उक्कोस त्ति अभिलावो ।
१४६. एतेसि णं भंते ! कण्हलेस्सट्ठाणाणं जाव सुक्कलेस्सट्ठाणाण य जहण्णुक्कोस
Jain Education International
For Private & Personal Use Only
www.jainelibrary.org
| SR No. | 003571 |
| Book Title | Agam 15 Upang 04 Pragnapana Sutra Pannavanna Terapanth |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 745 |
| Language | Prakrit |
| Classification | Book_Devnagari, Agam, Canon, & agam_pragyapana |
| File Size | 14 MB |