________________
१६६
पण्णवणासुत्तं
तसकाएणं फुडे ? अद्धासमएणं फुडे ? गोयमा ! धम्मत्थिकाएणं फुडे, णो धम्मस्थिकायस्स देसेणं फुडे, धम्मत्थिकायस्स पदेसे हिं फुडे । एवं अधम्मस्थिकाएण वि। णो आगासत्थिकाएणं फुडे, आगासथिकायस्स देसेणं फुडे, आगासत्थिकायस्स पदेसेहिं फुडे जाव वणप्फइकाइएणं फुडे । तसकाएणं सिय फुडे, सिय णो फुडे । अद्धासमएणं देसे फुडे, देसे णो फुडे ।। दीवोदहिदारे फुड-पदं
५४. जंबुद्दीवे णं भंते ! दीवे किणा फुडे ? कतिहिं वा काएहिं फुडे-कि धम्मत्थिकारणं जाव आगासत्थिकाएणं फुडे ? गोयमा ! णो धम्मस्थिकाएणं फुडे, धम्मत्थिकायस्स देसेणं फूडे, धम्मत्थिकायस्स पएसेहिं फूडे । एवं अधम्मत्थिकायस्स वि आगासस्थिकायस्स वि। पुढविकाइएणं फुडे जाव वणप्फइकाइएणं फुडे ! तसकारणं सिय फुडे सिय णो फुडे । अद्धासमएणं फुडे ॥
५५. एवं लवणसमुद्दे धायइसंडे दीवे कालोए समुद्दे अभितरपुक्खरद्धे । बाहिरपुक्खरद्धे एवं चेव, णवरं--अद्धासमएणं णो फुडे । एवं जाव सयंभुरमणे समुद्दे । एसा परिवाडी इमाहि गाहा हिं अणुगंतव्वा, तं जहा
जंबुद्दीवे लवणे, धायइ कालोय पुक्खरे वरुणे । खीर घत खोत नंदि य, अरुणवरे कुंडले स्यए॥१॥ आभरण-वत्थ-गंधे, उप्पल-तिलए' य पुढवि-णिहि-रयणे । वासहर-दह-नदीओ, विजया वक्खार-कप्पिदा ॥२॥ कुरु-मंदर-आवासा, कूडा णक्खत्त-चंद-सूरा य ।
देवे णागे जक्खे, भूए य सयंभुरमणे य ॥३॥ एवं जहा बाहिरपुक्खरद्धे भणितं तहा जाव सयंभुरमणे समुद्दे जाव अद्धासमएणं णोफुडे । लोगदारे फुड-पदं
५६. लोगे णं भंते ! किणा फुडे ? कतिहिं वा काएहिं ? जहा आगासथिग्गले ॥ अलोगदारे फुड-पदं
५७. अलोए णं भंते ! किणा फुडे ? कतिहिं वा काएहिं पुच्छा। गोयमा ! णो धम्मत्थिकाएणं फूडे जाव णो आगासत्थिकाएणं फूडे, आगासत्थिकायस्स देसेणं फडे, आगासत्थिकायस्स पदेसे हि फुडे । णो पुढविक्काइएणं फुडे जाव णो अद्धासमएणं फुडे। एगे अजीवदव्वदेसे अगरुलहुए अणंतेहिं अगरुलहुयगुणेहि संजुत्ते सव्वागासे अणंतभागूणे॥
१. पउम (मवृ); अनुयोगद्वारे (१८५) सूत्रे 'तिलए' पदस्यस्थाने 'पउमे' इति पाठान्तरं लभ्यते ।
२. अगुरु° (ग) ।
Jain Education International
For Private & Personal Use Only
www.jainelibrary.org
