Page Text
________________
पन रसमं इंदियपयं
१६५
उववण्णगा य अमाइ सम्म द्दिट्ठिउववरण मा य । तत्थ णं जेते माइमिच्छद्दिट्ठिउववन्नगा ते णं न याणंति न पासंति आहारैति । तत्थ णं जेते अमाइसम्मद्दिटिउववन्नगा ते दुविहा पण्णत्ता, तं जहा-अणंतरोववण्णगा य परंपरोववण्णगा य । तत्थ णं जेते अणंतरोववण्णगा ते णं ण याणात ण पासात आहारात । तत्थ ण जेते परपरविवण्णगा ते विहा पण्णत्ता, त जहा-- पज्जत्तगा य अपज्जत्तगा य । तत्थ णं जेते अपज्जत्तगा ते णं ण याणंति ण पासंति आहारेति। तत्थ णं जेते पज्जत्तगा ते दुविहा पण्णत्ता, तं जहा -- उव उत्ता य अणुवउत्ता य। तत्थ णं जेते अणुव उत्ता ते णं ण याणंति पा पासंति आहारेति । तत्थ णं जेते उवउत्ता ते णं जाणंति पासंति आहारेति । से एणटेणं गोयमा ! एवं वुच्चति-अत्थेगइया जाणंति' 'पासंति आहारेति, अत्थेगइया ण जाणंति ण पासंति आहारेति ।। अहायाइदारसत्तगे पडिबिबपेहा-पदं
५०. अहाए णं भंते ! पेहमाणे मणसे कि अहायं पेहति' ? अत्ताण पेहति ? पलिभागं पेहति ? गोयमा ! नो अद्दायं पेहति णो अत्ताण पेहति, पलिभागं पेहति । एवं एतेणं अभिलावेणं असि मणि उडुपाणं तेल्लं फाणियं वसं ।। कंबल फुसणा-पदं
__५१. कंवलसाडए णं भंते ! आवेढिय-परिवेढिए समाणे जावतिय ओवासंतरं फुसित्ता चिट्टति, विरल्लिए वि य गं समाणे तावतियं चेव ओवासंतरं फुसित्ता गं चिदति ? हंता! गोयमा! कंबलसाडए णं आवेढिय-परिवेढिए समाणे जावतियं' •ओवासंतरं फुसित्ता णं चिट्ठति, विरल्लिए वि य णं समाणे तावतियं चेव ओवासंतरं फुसित्ता णं चिट्ठति ॥ थणादारे भोगाहणा-पदं
५२. थूणा णं भंते ! उड्ढं ऊसिया" समाणी जावतियं खेत्तं ओगाहित्ता णं चिट्ठति, तिरियं पि य णं आयता समाणी तावतियं चेव खेत्तं ओगाहित्ता णं चिट्ठति ? हंता गोयमा ! थूणा णं उड्व ऊसिया१ ११.समाणी जावतियं खेत्तं ओगाहित्ता णं चिट्ठति, तिरियं पि य णं आयता समाणी तावति यं चेव खेत्तं ओगाहित्ता णं चिटुति ! थिग्गलवारे फुड-पदं
५३. आगासथिग्गले" णं भंते ! किणा" फुडे ? कइहिं वा काएहिं फुडे-किं धम्मत्थिकारणं फुडे ? किं धम्मत्थिकायस्स देसेणं फुडे ? धम्मस्थिकायस्स पदेसे हिं फुडे ? एवं अधम्मत्थिकाएणं आगासत्थिकाएणं ? एएणं भेदेणं जाव किं पुढविकाइएणं फुडे जाव
१. सं० पा०—जाणंति जाव अत्थेगइया । २. x (ख,घ)। ३. पेहेमाणे (ग)। ४. पेहेति (ग)। ५. अद्दाणं (ख) ६. अप्पाणं (ख,ग,घ)। ७. दुद्धं गाणं (क,ख,घ); दुद्धं फाणि (ग)।
८. °साडे (क,ख)। ६. सं० पा०-जावतियं तं चेव । १०. उसासिया (ख)। ११. ऊसासिया (ख); ऊसइया (घ)। १२. संपा०—तं चेव जाव चिट्ठति । १३. थिग्गिले (ख)। १४. किणे (ख)।
Jain Education International
For Private & Personal Use Only
www.jainelibrary.org
| SR No. | 003571 |
| Book Title | Agam 15 Upang 04 Pragnapana Sutra Pannavanna Terapanth |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 745 |
| Language | Prakrit |
| Classification | Book_Devnagari, Agam, Canon, & agam_pragyapana |
| File Size | 14 MB |