Page Text
________________
१९२
पण्णवणासुत्तं २४. पुढविकाइयाणं भंते ! फासिदिए कतिपएसिए पण्णत्ते ? गोयमा ! अणंतपएसिए पण्णत्ते ।।
२५. पुढविकाइयाणं भंते ! फासिदिए कतिपएसोगाढे पण्णत्ते ? गोयमा! असंखेज्जपएसोगाढे पण्णत्ते ॥
२६. एतेसि णं भंते ! पुढविकाइयाणं फासिं दियस्स ओगाहण-पएसट्टयाए कतरे कतरेहितो अप्पा वा बहुया वा तुल्ला वा विसेसाहिया वा ? गोयमा ! सम्वत्थोवे पुढविकाइयाणं फासिदिए ओगाहणट्टयाए, से चेव पएसट्ठयाए अणंतगुणे ॥
२७. पुढविकाइयाणं भंते ! फासिदियस्स केवतिया कक्खडगरुयगुणा पण्णत्ता ? गोयमा ! अणंता । एवं मउयलहुयगुणा वि॥
२८. एतेसि णं भंते ! पुढविकाइयाण फासें दियस्स कक्खडगरुयगुण-मउयल हुयगुणाणं कतरे कतरेहिलो अप्पा वा वहुया वा तुल्ला वा विसेसाहिया वा ? गोयमा ! सव्वत्थोवा पुढविकाइयाणं फासें दियस्स कवखडगरुयगुणा, तस्स चेव मयउलहुयगुणा अणंतगुणा ॥
२६. एवं आउक्काइयाणं वि जाव वणस्सइकाइयाणं, णवरं–संठाणे इमो विसेसो दट्ठन्वो-- आउक्काइयाणं थिबुगविंदुसंठाणसंठिए पण्णत्ते, तेउक्काइयाणं सूईकलावसंठाणसंठिए पण्णत्ते, वाउक्काइयाणं पडागासंठाणसंठिए पग्णत्ते, वणप्फइकाइयाणं गाणासंठाणसंठिए पण्णत्ते ॥
३०. बेइंदियाणं भंते ! कति इंदिया पण्णत्ता ? गोयमा ! दो इंदिया पण्णत्ता, तं जहा---जिभिदिए य फासिदिए य । दोण्हं पि इदियाणं संठाणं बाहल्लं पोहत्तं पदेसा ओगाहणा य जहा' ओहियाणं भणिया तहा भाणियव्वा, णवरं--फासें दिए हुंडसंठाणसंठिए पण्णत्ते त्ति इमो विसेसो ॥
३१. एतेसि णं भंते ! बेइंदियाणं जिभिदिय-फासें दियाणं ओगाहणट्टयाए पएसट्टयाए ओगाहण-पएसट्टयाए कतरे कतरेहितो अप्पा वा वहुया वा तुल्ला वा विसेसाहिया वा ? गोयमा! सव्वत्थोवे बेइंदियाणं जिभिदिए ओगाहणट्ठयाए, फासेंदिए ओगाहणद्वयाए संखेज्जगुणे । पएसट्टयाए-सव्वत्थोवे बेइंदियाणं जिभिदिए पएसट्टयाए, फासेंदिए पएसद्रुयाए संखेज्जगुणे । ओगाहण-पएसट्टयाए-सव्वत्थोवे बेइंदियस्स जिभिदिए ओगाहणद्वयाए, फासिदिए ओगाहणट्ठयाए संखेज्जगुणे', फासें दियस्स ओगाहणट्ठयाए हितो जिभिदिए पएसट्टयाए अणंतगुणे, फासिदिए पएसट्ठयाए संखेज्जगणे ॥
३२. बेइंदियाणं भंते ! जिभिदियस्स केवइया कक्खडगरुयगुणा पण्णत्ता ? गोयमा ! अणंता । एवं फासें दियस्स वि । एवं मउयलहुयगुणा वि।
३३. एतेसि णं भंते ! बेइंदियाणं जिभिदिय-फासें दियाणं कक्खडगरुयगुणाणं मउयलहुयगुणाणं कक्खडगरुयगुण-मउयल हुयगुणाण य कतरे कतरेहितो अप्पा वा बहुया वा तुल्ला वा विसेसाहिया वा ? गोयमा! सव्वत्थोवा बेइंदियाणं जिभिदियस्स कक्खड
१. प० १५१५-१२ २. असंखेज्ज° (क,ख,घ)। ३. असंखेज्ज° (क,ख,ग.५)।
४. असंखेज्ज° (क,ख,ग,घ) । ५. असंखेज्ज° (क,ख,ग,घ)।
Jain Education International
For Private & Personal Use Only
www.jainelibrary.org
| SR No. | 003571 |
| Book Title | Agam 15 Upang 04 Pragnapana Sutra Pannavanna Terapanth |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 745 |
| Language | Prakrit |
| Classification | Book_Devnagari, Agam, Canon, & agam_pragyapana |
| File Size | 14 MB |