Page Text
________________
पनरसमं इंदियपयं
१६१
कक्खडगरुयगुणाणं मउयलहुयगुणाणं कक्खडगरुयगुणमउयलहुयगुणाण य कतरे कतरेहितो अप्पा वा बहुया वा तुल्ला वा विसेसाहिया वा ? गोयमा ! सव्वस्थोवा चक्खिदियस्स कक्खडगरुयगुणा, सोइंदियस्स कक्खडगरुयगुणा अणंतगुणा, घाणिदियस्स कक्खडगरुयगुणा अणंतगुणा, जिभिदियस्स कक्खडगरुयगुणा अणंतगुणा, फासिदियस्स कक्खडगरुयगुणा अणंत गुणा; मउयलहुयगुणाणं-सव्वत्थोवा फासि दियस्स मउयलहुयगुणा, जिभिदियस्स मउयल हुयगुणा अणंतगुणा, घाणिदियस्स मउयलय गुणा अणंतगुणा, सोइंदियस्स मउयलहुयगुणा अणतगुणा, चक्खिदियस्स म उयलहुयगुणा अणंतगुणा; कक्खडगरुयगुणाणं मउयलहुयगुणाण य--सव्वत्थोवा चक्खिदियस्स कक्खडगरुयगुणा, सोइंदियस्स कक्खडगरुयगुणा अणतगणा, घाणि दियस्स कक्खड़गरुयगुणा अणंतगुणा, जिभिदियस्स कक्खडगरुयगुणा अणंतगुणा, फासिदियस्स कक्खडगरुयगुणा अणंतगुणा, फासिदियस्स कक्खडगरुयगुणेहिंतो तस्स चेव मउयलहुयगुणा अणंतगुणा, जिभिदियस्स मउयलहुयगुणा अणंतगुणा, घाणिदियस्स मउयलहुयगुणा अणंतगुणा, सोइंदियस्स मउयलहुयगुणा अणंतगुणा, चक्खिदियस्स भउयलहुयगुणा अणंतगुणा ॥ चउवीसदंडएसु संठाणाइ-पदं
१७. रइयाणं भंते ! कति इंदिया पण्णत्ता ? गोयमा ! पंचेंदिया पण्णत्ता, तं जहा-- सोइंदिए जाव फासिदिए ।
१८. रइयाणं भंते ! सोइंदिए किसंठिए पण्णत्ते? गोयमा ! कलंबुयासंगणसंठिए पण्णत्ते । एवं जहा ओहियाणं वत्तव्वया भणिया तहेव णेरइयाणं पि जाव' अप्पाबहुयाणि दोणि वि, पवर--णेरइयाणं भंते ! फासिदिए किसंठिए पण्णत्ते ? गोयमा ! दुविहे पण्णत्ते, तं जहा---भवधारणिज्जे य उत्तरवेउन्विए य। तत्थ णं जेसे भवधारणिज्जे से णं हुंडसंठाणसंठिए पण ते । तत्थ णं जेसे उत्तरवेउन्विए से वि तहेव । सेसं तं चेव ॥
१६. असुरकुमाराणं भंते ! कति इंदिया पण्णत्ता ? गोयमा! पंचेंदिया पण्णत्ता। एवं जहा ओहियाणं जाव अप्पाबहुयाणि दोण्णि वि, णवरं--फासेंदिए दुविहे पण्णत्ते, तं जहा-भवधारणिज्जे य उत्तरवेउव्विए य । तत्थ णं जेसे भवधारणिज्जे से णं समचउरंससंठाणसंठिए पण्णत्ते । तत्थ णं जेसे उत्तरवेउविए से णं णाणासंठाणसं ठिए पणत्ते । सेसं तं चेव । एवं जाव थपियकुमाराणं ।।
२०. पुढविकाइयाणं भंते ! कति इंदिया पण्णत्ता ? गोयमा ! एगे फासिदिए पण्णत्ते ।।
२१. पुढविकाइयाणं भंते । फासिदिए किसंठिए' पण्णत्ते ? गोयमा ! मसूरचंदसंठाणसंठिए पण्णत्ते ॥
२२. पुढविकाइयाणं भंते ! फासिदिए केवतियं बाहल्लेणं पण्णत्ते ? गोयमा ! अंगुलस्स असंखेज्जइभागं वाहल्लेणं पण्णत्ते ।।
२३. पुढविकाइयाणं भंते ! फासिदिए केवतियं पोहत्तेणं पण्णत्ते गोयमा ! सरीरपमाणमेत्ते पोहत्तेणं पण्णत्ते ।।
१. प० १५॥२-१६ ।
२. किं संठाणसंठिए (क)।
Jain Education International
For Private & Personal Use Only
www.jainelibrary.org
| SR No. | 003571 |
| Book Title | Agam 15 Upang 04 Pragnapana Sutra Pannavanna Terapanth |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 745 |
| Language | Prakrit |
| Classification | Book_Devnagari, Agam, Canon, & agam_pragyapana |
| File Size | 14 MB |