Page Text
________________
१७६
पण्णवणासुत्तं
फुसंति । जाइं अभिण्णाइं णिसिरति ताई असंखेज्जाओ ओगाहणवग्गणाओ गंता भेयमावज्जति, संखेज्जाइं जोयणाई गंता विद्धंसमागच्छंति ।।
७३. तेसि' णं भंते ! दव्वाणं कतिविहे भेए पण्णत्ते ? गोयमा ! पंचविहे भेए पण्णत्ते, तं जडा-खंडाभेए पयराभेए' चुणियाभेए अणुतडियाभेए उक्करियाभेए ।।
___७४. से कि तं खंडाभेए ? खंडाभेए-जण्णं अयखंडाण वा तउखंडाण वा तंवखंडाण वा सोसाखंडाण वा रययखंडाण' वा जायरूवखंडाण वा खंडएण भेदे भवति । से तं खंडाभेदे ।।
७५. से किं तं पयराभेदे ? पयराभेए-जण्णं वंसाण वा वेत्ताण वा णलाण वा कदलीथंभाण' वा अब्भपडलाण वा पयरएणं भेए भवति । से तं पयराभेदे।।
७६. से किं तं चुण्णियाभेए ? चुग्णियाभेए-जण्णं तिलचण्णाण वा मुग्गचुण्णाण वा मासचण्णाण वा पिप्पलि चुण्णाण वा मिरियचुण्णाण' वा सिंगबेरचुण्णाण वा चुणियाए भेदे भवति । से तं चुणियाभेदे ।।
७७. से किं तं अणुतडियाभेदे ? अणु तडियाभेदे - जगणं अगडाण वा तलागाण वा दहाण वा णदीण वा वावीण वा पुक्खरिणीण वा दीहियाण वा गंजालियाण वा सराण वा सरपंतियाण वा सरसरपंतियाण वा अणतडियाए भेदे भवति । सेतं अणतडियाभेदे ।।
___७८. से किं तं उक्करियाभेदे ? उक्करियाभेदे-जण्णं मूसगाण' वा मगूसाण" वा तिलसिंगाण वा मुग्गसिंगाण वा माससिंगाण वा एरंडबीयाण वा फुडित्ता" उक्करियाए भेदे भवति । से त्तं उक्करियाभेदे ।।
७६. एएसि णं भंते ! दवाणं खंडाभेदेणं पयराभेदणं चुष्णियाभेदेणं अणुतडियाभेदेणं उक्करियाभेदेणर य भिज्जमाणाणं कतरे कतरेहितो अप्पा वा बहुया वा तुल्ला वा विसेसाहिया वा? गोयमा ! सव्वत्थोवाइं दव्वाइं उक्करियाभेदेणं" भिज्जमाणाई, अणुतडियाभेदेणं भिज्जमाणाई अणंतगुणाई चुणियाभेदेणं भिज्जमाणाई अणंतगुणाई, पयराभेदेणं भिज्जमाणाई अणंतगुणाई, खंडाभेदेणं भिज्जमाणाई अणंत गुणाई॥
८०. रइएणं" भंते ! जाई दवाई भासत्ताए गेण्हति ताई कि ठियाइं गेण्हति ? अट्ठियाइं गेण्हति ? गोयमा ! एवं चेव जहा" जीवे वत्तव्वया भणिया तहा णेरइयस्सवि जाव अप्पाबहुयं । एवं एगिदियवज्जो दंडओ जाव वेमाणिया ॥
८१. जीवा णं भंते ! जाई दव्वाइं भासत्ताए गेहंति ताई किं ठियाई गेण्हंति ? १. ओगाहणावगहणाओ (ग); ओगाहणाओ६. मूसाण (ग)।
१०. मंडूसाण (क,ख,ग,घ)। २. एएसि (ग)।
११. फुडिया (क), फढेता (ख,ध); फुट्टिया ३. पयर (क,ख,ग,घ)। ४. सीस (ग); सीसग (पु)।
१२. उक्कारिया (घ)! ५. रयण° (क,ग,घ)।
१३. उक्कारिया (ख,ग,घ)। ६. खंभाण (ग)।
१४. णेरइयाणं (क)। ७. पयरेणं (ख,ग)।
१५. १० १११४७-७६ । ८. मरिय° (क,ग); मिरी (ख,ध)।
Jain Education International
For Private & Personal Use Only
www.jainelibrary.org
| SR No. | 003571 |
| Book Title | Agam 15 Upang 04 Pragnapana Sutra Pannavanna Terapanth |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 745 |
| Language | Prakrit |
| Classification | Book_Devnagari, Agam, Canon, & agam_pragyapana |
| File Size | 14 MB |