Page Text
________________
पण्णवणासुत्तं
५४. जाई वण्णओ कालाई गेण्हति ताई कि एगगुणकालाई गेण्हति जाव अणंतगुणकालाई गेहति ? गोयमा ! एगगुणकालाई पि गेण्हति जाव अणंतगुणकालाई पि गेण्हति । एवं जाव सुक्किलाई पि ॥
५५. जाइं भावओ गंधमंताई गेण्हति ताई कि एगगंधाइं गेहति दुगंधाई गेण्हति ? गोयमा ! गहणदव्वाई पडुच्च एगगंधाई पि गेहति दुगंधाई पि गेहति, सन्दग्गहणं पडुच्च नियमा दुगंधाइं गेण्हति ।।
५६. जाइं गंधओ सुब्भिगंधाई गेण्हति ताई कि एगगुणसुब्भिगंधाइं गेण्हति जाव अणंतगुणसुभिगंधाइं गेण्हति ? गोयमा ! एगगुणसुबिभगंधाई पि गेण्हति जाव अणंतगुणसुब्भिगंधाई पि गेण्हति । एवं दुभिगंधाई पि गेण्हति ।।
५७: जाइं भावतो रसमंताई गेण्हति ताई कि एगरसाइं गेण्हति जाव' पंचरसाई गेण्हति ? गोयमा ! गहणदब्वाइं पड़च्च एगरसाई पि गेण्हति जाव पंचरसाई पि गेहति, सव्वगहणं पड्डच्च णियमा पंचरसाइं गेहति ॥
५८. जाइं रसतो तित्तसाई गेण्हति ताई कि एगगुणतित्तरसाइं गेहति जाव अणंतगुणतित्तरसाइं गेहति ? गोयमा ! एगगुणतित्तरसाई पि गेण्हति जाव अणंतगुणतित्तरसाई पि गेहति । एवं जाव महुरो रसो।।।
५६. जाइं भावतो फासमंताई गेण्हति ताई कि एगफासाइं गेहति जाव अट्टफासाइं गेण्हति ? गोयमा ! गहणदव्वाइं पडुच्च णो एगफासाइं गेण्हति, दुफासाइं गेण्हति जाव चउफासाइं पि गेण्हति, णो पंचफासाइं गेहति जाव णो अट्ठफासाई पि गेण्हति । सव्वग्गहणं पडुच्च णियमा च उफासाई गेण्ह ति, तं जहा-- सीयफासाई गेण्हति, उसिणफासाई गेण्हति, णिद्धफासाइं गेहति, लुक्खफासाइं गेण्हति ॥
६०. जाई फासओ सीयाइं गेहति ताइं किं एगगुणसीयाई गेण्हति जाव अणंतगणसीयाइं गेहति ? गोयमा ! एग गुणसीयाई पि गेण्हति जाव अणंतगुणसीयाई पि गेहति । एवं उसिण-णिद्ध-लुक्खाई जाव अणंतगणाई पि गेण्हति ।।
६१. जाई भंते ! जाव अणंतगुणलुक्खाइं गेहति ताई कि पुढाई गेण्हति ? अपुवाई गेण्हति ? गोयमा ! पुढाई गेहति, णो अपुट्ठाई गेण्हति ।।
६२. जाई भंते ! पुढाई गेण्हति ताई कि ओगाढाइं गेण्हति ? अणोगाढाइं गेण्हति ? गोयमा ! ओगाढाइं गेण्हति, णो अणोगाढाइं गेहति ॥
६३. जाई भंते ! ओगाढाइं गेहति ताई कि अणंतरोगाढाइं गेण्हति ? परंपरोगाढाई गेहति ? गोयमा ! अणंतरोगाढाइं गेहति, णो परंपरोगाढाई गेण्हति ।।
६४. जाइं भंते ! अणंतरोगाढाइं गेण्हति ताई कि अणूइं गेहति ? बादराई गेण्हति ? गोयमा ! अणइं पि गेण्हति. बादराई पि गेण्हति ।।
६५. जाई भंते ! अणुइं पि गेहति बायराइं पि गेण्हति ताई कि उड्ढे गेण्हति ? अहे गेण्हति ? तिरियं गेहति ? गोयमा ! उड्दपि गेहति, अहे वि गेण्हति, तिरियं पि गेहति ।।
६६. जाई भंते ! उड्ड पि गेण्हति अहे वि गेहति तिरियं पि गेहति ताई कि आदि १. जाव किं (क,ख,ग,घ)
Jain Education International
For Private & Personal Use Only
www.jainelibrary.org
| SR No. | 003571 |
| Book Title | Agam 15 Upang 04 Pragnapana Sutra Pannavanna Terapanth |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 745 |
| Language | Prakrit |
| Classification | Book_Devnagari, Agam, Canon, & agam_pragyapana |
| File Size | 14 MB |