Page Text
________________
१२८
पण्णवणासुतं
१७३. जहण्ण द्वितीयाणं भंते ! परमाणपोग्गलाणं पुच्छा । गोयमा ! अणंता ||
१७४. से केणठेणं ? गोयमा ! जहण्णट्टितीए परमाणुपोग्गले जहण्ण द्वितीयस्स परमाणुपोग्गलस्स दवट्ठयाए तुल्ले । पदेसट्टयाए तुल्ले । ओगाहणट्टयाए तुल्ले। ठितीए तुल्ले । वण्णादि-दुफासेहि य छट्ठाणवडिते॥
१७५. एवं उक्कोसट्टितीए वि । अजहण्णमणुक्कोसट्टितीए वि एवं चेव, नवरं--ठितीए चउट्ठाणवडिते॥
१७६. जहण्ण द्वितीयाणं दुपएसियाणं पुच्छा ! गोयमा ! अणंता ।।
१७७. से केणठेणं ? गोयमा ! जहण्णट्टितोए दुपएसिए जहण्णद्वितीयस्स दुपएसियस्स दवट्ठयाए तुल्ले । पदेसट्टयाए तुल्ले । ओगाहणट्टयाए सिय होणे सिय तुल्ले सिय अब्भहिए-जदि हीणे पदेसहीणे । अह अब्भहिए पदेसमब्भहिए । ठितीए तुल्ले । वणादिचउफासेहि य छट्ठाणवडिते ।।
१७८. एवं उक्कोसट्टितीए वि । अजहण्णमणुक्कोसद्वितीए वि एवं चेव, नवरंठितीए चउट्ठाणवडिते 11
१७६. एवं जाव दसपदेसिए नवरं–पदेसपरिवुड्डी कातव्वा । ओगाहणट्टयाए तिसु वि गमएसु जाव दसपएसिए णव पएसा वढिज्जति'।
१८०. जहण्ण द्वितीयाणं भंते ! संखेज्जपदेसियाणं पुच्छा । गोयमा ! अणंता ।।
१८१. से केणठेणं ? गोयमा ! जहण्णद्वितीए संखेज्जपदेसिए खंधे जहणद्वितीयस्स संखेज्जपएसियस्स खंधस्स दवट्टयाए तुल्ले । पदेसट्टयाए दुट्ठाणवडिते। ओगाहणट्टयाए दुवाणवडिते । ठितोए तुल्ले । वण्णादि-उवरिल्लचउफासेहि य छट्ठाणवडिते ॥
१८२. एवं उक्कोसट्ठितीए वि । अजहण्णमणुक्कोसद्वितीए वि एवं चेव, नवरं-ठितीए चउट्ठाणवडिते॥
१८३. जहण्णद्वितीयाणं असंखेज्जपएसियाणं पुच्छा । गोयमा ! अणंता॥
१८४. से केणठेणं ? गोयमा ! जह्मणद्वितोए असंखेज्जपए सिए जहण्णद्वितीयस्स असंखेज्जपदेसियस्स दव्वट्टयाए तुल्ले। पदेसट्टयाए च उट्ठाणवडिते । ओगाहणट्ठयाए चउट्ठाणवडिते । ठितीए तुल्ले । वण्णादि-उवरिल्लच उफासेहि य छट्ठाणवडिते ।।
१८५. एवं उक्कोसट्ठिईए वि ! अजहण्णमणुक्कोसट्टितीए वि एवं चेव, नवरं-ठितीए चउट्टाणवडिते॥
१८६. जहष्ण द्वितीयाणं अणंतपदेसियाणं पुच्छा । गोयमा ! अणता ।।
१८७. से केणठेणं ? गोयमा! जहण्ण द्वितीए अणंतपएसिए जहण्ण द्वितीयस्स अणंतपएसियस्स दव्वट्ठयाए तुल्ले । पदेसट्टयाए छट्ठाणवडिते । ओगाहणट्ठयाए चउट्ठाणवडिते । ठितीए तुल्ले । वण्णादि-अट्ठफासेहि य छट्ठाणवडिते ॥
१८८. एवं उक्कोसट्टितीए वि । अजहण्णमणुक्कोस द्वितीए वि एवं चेव, नवरं-ठितीए च उट्ठाणवडिते॥
१८९. जहण्ण गुणकालयाणं परमाणुपोग्गलाणं पुच्छा । गोयमा ! अणंता ।।
१. बुढिज्जति (क,ग,घ) ।
Jain Education International
For Private & Personal Use Only
www.jainelibrary.org
| SR No. | 003571 |
| Book Title | Agam 15 Upang 04 Pragnapana Sutra Pannavanna Terapanth |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 745 |
| Language | Prakrit |
| Classification | Book_Devnagari, Agam, Canon, & agam_pragyapana |
| File Size | 14 MB |