Page Text
________________
पंचमं विसेसपयं
१२७
गाहणए॥
१५८. उक्कोसोगाहणए वि एवं चेव । एवं अजहण्णमणुक्कोसोगाहणए वि ॥
१५६. जहण्णोगाहणयाणं भंते ! चउपएसियाणं पुच्छा। गोयमा ! जहा जहण्णोगाहणए दुपएसिए तहा जहण्णोगाहणए चउपएसिए ।
१६०. एवं जहा उक्कोसोगाहणए दुपएसिए तहा उक्कोसोगाहणए चउप्पएसिए वि । एवं अजहण्णमणुक्कोसोगाहणए वि चउप्पएसिए, णवरं - ओगाहणट्टयाए सिय हीणे सिय तल्ले सिय अब्भहिए-जदि हीणे पएसहीणे। अह अब्भहिए पएसमब्भहिए।
१६१. एवं जाव दसपएसिए णेयव्वं, गवरं--अजहण्णुक्कोसोगाहणए पदेसपरिवुड्डी कातव्वा जाव दसपएसियस्स सत्त पएसा परिवटिज्जति ।।
१६२. जहण्णोगाहणगाणं भंते ! संखेज्जपएसियाणं पुच्छा । गोयमा ! अणंता ।।
१६३. से केणठेणं भंते ! एवं वुच्चति ? गोयमा ! जहण्णोगाहणए संखेज्जपएसिए जहण्णोगाहणगस्स संखेज्जपएसियस्स दव्वट्ठयाए तुल्ले। पएसट्टयाए दुटाणवडिते। ओगाहणट्ठयाए तुल्ले। ठितीए चउट्ठाणवडिए। वण्णादि-चउफासपज्जवेहि य छटाणवडिते ।।
१६४. एवं उक्कोसोगाहणए वि । अजहण्णमणुक्कोसोगाहणए वि एवं चेव, णवरंसट्टाणे दुट्ठाणवडिते ॥
१६५. जहण्णोगाहणगाणं भंते ! असंखेज्जपएसियाणं पुच्छा । गोयमा ! अणंता ।। ... १६६. से केणठेणं भंते ! एवं वुच्चति ? गोयमा ! जहष्णोगाहणए असंखेज्जपएसिए खंधे जहण्णोगाहणगस्स असंखेज्जपएसियरस खंधस्स दव्वट्ठयाए तुल्ले। पएसट्टयाए चउट्ठाणवडिते। ओगाहणट्ठयाए तुल्ले। ठितीए चउट्ठाणवडिते। वण्णादि-उवरिल्लचउफासेहि य छट्ठाणवडिते॥
१६७. एवं उक्कोसोगाहणए वि । अजहण्णमणुक्कोसोगाहणए वि एवं चेव, नवरंसट्टाणे चउट्ठाणवडिते॥
१६८. जहण्णोगाहणगाणं भंते ! अणंतपएसियाण पुच्छा । गोयमा ! अणंता ।।
१६६. से केणठेणं भंते ! एवं वुच्चइ ? गोयमा ! जहण्णोगाहणए अणंतपएसिए खंधे जहण्णोगाहणगस्स अणंतपएसियस खंधस्स दव्वट्ठयाए तुल्ले । पदेसट्टयाए छट्ठाणवडिते। ओगाहणट्ठयाए तुल्ले । ठितीए चउट्ठाणवडिते। वण्णादि-उवरिल्लचउफासेहि छट्ठाणवडिए॥
१७०. उक्कोसोगाहणए वि एवं चेव, नवरं-ठितीए' तुल्ले ॥
१७१. अजहण्णमणुक्कोसोगाहणगाणं भंते ! अणंतपएसियाणं पुच्छा। गोयमा ! अणंता ॥
१७२. से केणठेणं? गोयमा ! अजहण्णमणुक्कोसोगाहणए अणंतपएसिए खंधे अजहण्णमणक्कोसोगाहणगस्स अणंतपदेसियस्स खंधस्स दवट्ठयाए तुल्ले। पदेसट्टयाए छट्ठाणवडिते । ओगाहणट्ठयाए चउट्ठाणवडिते। ठितीए चउट्ठाणवडिते । वण्णादि-अट्ठफासेहि छट्ठाणवडिते॥
१. पएसअन्भहिए (क)।
२. ठितीए वि (क,ख,ग)।
Jain Education International
For Private & Personal Use Only
www.jainelibrary.org
| SR No. | 003571 |
| Book Title | Agam 15 Upang 04 Pragnapana Sutra Pannavanna Terapanth |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 745 |
| Language | Prakrit |
| Classification | Book_Devnagari, Agam, Canon, & agam_pragyapana |
| File Size | 14 MB |