Page Text
________________
पण्णवणासुत्तं
अंतोमुहुत्तूणाई॥
४३. नागकुमाराणं भंते ! देवाणं केवतियं कालं ठिती पण्णत्ता ? गोयमा ! जहण्णेण दस वाससहस्साई, उक्कोसेणं दो पलिओवभाई देसूणाई ।।
४४. अपज्जत्तयाणं भंते ! नागकुमाराणं देवाणं केवतियं कालं ठिती पण्णत्ता? गोयमा ! जहणेण वि अंतोमुहत्तं, उक्कोसेण वि अंतोमुहत्तं ।।
४५. पज्जत्तयाणं भंते ! नागकुमाराणं देवाणं केवतियं कालं ठिती पण्णत्ता ? गोयमा ! जहणणं दस वाससहस्साइं अंतोमुहुत्तूणाई, उक्कोसेणं दो पलिओवमाइं देसूणाई अंतोमुत्तूणाई॥
४६. नागकुमारीणं भंते ! देवीणं केवतियं कालं ठिती पण्णत्ता ? गोयमा ! जहण्णेणं दस वाससहस्साई, उक्कोसेणं देसूर्ण पलिओवमं ।।
४७. अपज्जत्तियाणं नागकुमारीणं भंते ! देवीणं केवतियं कालं ठिती पण्णत्ता ? गोयमा ! जहण्णण वि अंतोमुहत्तं, उक्कोसेण वि अंतोमुहत्तं ।।
४८. पज्जत्तियाणं नागकुमारीणं भंते ! देवीणं केवतियं कालं ठिती पणता ? गोयमा ! जहणणं दस वाससहस्साई अंतोमुत्तूणाई, उक्कोसेणं देसूर्ण पलिओवमं अंतोमुहुत्तूणं ।।
४६. सुवण्णकुमाराणं भंते ! देवाणं केवतियं कालं ठिती पण्णत्ता ? गोयमा ! जहणेणं दस वाससहस्साइं, उक्कोसेणं दो पलिओवमाइं देसूणाई।।
५०. अपज्जत्तयाणं पुच्छा । गोयमा! जहण्णेण वि उक्कोसेण वि अंतोमहत्तं ।।
५१. पज्जत्तयाणं पुच्छा। गोयमा ! जहणणं दस वाससहस्साई अंतोमुत्तणाई, उक्कोसेणं दो पलिओवमाइं देसूणाई अंतोमुहत्तणाई ।।
५२. सुवण्णकुमारीणं भंते ! देवीणं पुच्छा । गोयमा ! जहण्णेणं दस वाससहस्साई, उक्कोसेणं देसणं पलिओवमं ॥
५३. अपज्जत्तियाणं पुच्छा । गोयमा ! जहण्णेण वि उक्कोसेण वि अंतोमुहत्तं ।।
५४. पज्जत्तियाणं पुच्छा । गोयमा ! जहण्णेणं दस वाससहस्साइं अंतोमहत्तणाई, उक्कोसेणं देसूर्ण पलिओवमं अंतोमुहत्तूणं ।।
५५. एवं एएणं अभिलावेणं आहिय-अपज्जत्त-पज्जत्तसुत्तत्तयं देवाणं देवीण य गेयवं जाव थणिय कुमाराणं जहा' नागकुमाराणं ।। एगिदियठिइ-पदं
५६. पुढविकाइयाणं भंते ! केवतियं कालं ठिती पण्णत्ता ? गोयमा ! जहणणं अंतोमुहत्तं, उक्कोसेणं वावीसं वाससहस्साई॥
५७. अपज्जत्तयपुढविकाइयाणं भंते ! केवतियं कालं ठिती पण्णता ? गोयमा ! जहाणेण वि उक्कोसेण वि अंतोमुहत्तं ।।
५८. पज्जत्तयपुढविकाइयाणं भंते ! केवतियं कालं ठिती पण्णत्ता? गोयमा ! जहाणेणं अंतोमुहुत्तं, उक्कोसेणं बावीसं वाससहस्साई अंतोमुत्तूणाई॥
१.प० ४१४३-४८ ।
Jain Education International
For Private & Personal Use Only
www.jainelibrary.org
| SR No. | 003571 |
| Book Title | Agam 15 Upang 04 Pragnapana Sutra Pannavanna Terapanth |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 745 |
| Language | Prakrit |
| Classification | Book_Devnagari, Agam, Canon, & agam_pragyapana |
| File Size | 14 MB |