Page Text
________________
चउत्वं ठिइपयं
अंतोमुहत्तं, उक्कोसेण वि अंतोमुहत्तं ॥
२७. पज्जत्तयदेवाणं भंते ! केवतियं कालं ठिती पण्णत्ता ? गोयमा ! जहण्णेणं दस वाससहस्साइं अंतोमुहुत्तूणाई, उक्कोसेणं तेत्तीसं सागरोवमाइं अंतोमुत्तूणाई॥
२८. देवीणं भंते ! केवतियं कालं ठिती पण्णत्ता ? गोयमा ! जहण्णणं दस वाससहस्साई, उक्कोसेणं पणपण्णं पलिओवमाइं।
२६. अपज्जत्तयदेवीणं भंते ! केवतियं कालं ठिती पण्णत्ता? गोयमा! जहण्णणं अंतोमुहुत्तं, उक्कोसेण वि अंतोमुहत्तं ।।
३०. पज्जत्तयदेवीणं भंते ! केवतियं कालं ठिती पण्णता? गोयमा ! जहण्णणं दस वाससहस्साई अंतोमुहत्तणाई, उक्कोसेणं पणपण्णं पलिओवमाई अंतोमहत्तणाई॥ भवणवासिठिइ-पदं
३१. भवणवासीणं भंते ! देवाणं केवतियं कालं ठिती पण्णत्ता ? गोयमा ! जहणणं दस वाससहस्साई, उक्कोसेणं सातिरेग सागरोवमं ।।
३२. अपज्जत्तयभवणवासीणं भंते ! देवाणं केवतियं कालं ठिती पण्णत्ता ? गोयमा! जहण्णण वि अंतोमुहुत्तं, उक्कोसेण वि अंतोमुहत्तं ॥
३३. पज्जत्तयभवणवासीणं भंते ! देवाणं केवतियं कालं ठिती पण्णत्ता ? गोयमा ! जहण्णेणं दस वाससहस्साइं अंतोमुहुत्तूणाई, उक्कोसेणं सातिरेगं सागरोवमं अंतोमुत्तूणं ॥
- ३४. भवणवासिणीणं भंते ! देवीणं केवतियं कालं ठिती पण्णत्ता ? गोयमा ! जहण्णणं दस वाससहस्साई, उक्कोसेणं अद्धपंचमाई पलिओवमाइं॥
३५. अपज्जत्तियाणं भंते ! भवणवासिणीणं देवीण केवतियं कालं ठिती पण्णत्ता? गोयमा ! जहण्णण वि अंतोमुहुत्तं, उक्कोसेण वि अंतोमुहुत्तं ॥
३६. पज्जत्तियाणं भंते ! भवणवासिणीणं देवीणं केवतियं कालं ठिती पण्णता ? गोयमा ! जहण्णेणं दस वाससहस्साई अंतोमुत्तूणाई, उक्कोसेणं अद्धपंचमाई पलिओवमाई अंतोमुत्तूणाई।।
३७. असुरकुमाराणं भंते ! देवाणं केवतियं कालं ठिती पण्णत्ता? गोयमा ! जहणणं दस वाससहस्साइं, उक्कोसेणं सातिरेगं सागरोवमं ॥
३८. अपज्जत्तयअसुरकुमाराणं भंते ! देवाणं केवतियं कालं ठिती पणता ? गोयमा ! जहण्णेण वि अंतोमुहुत्तं, उक्कोसेण वि अंतोमुहत्तं ।।
३६. पज्जत्तयअसुरकुमाराणं भंते ! देवाणं केवतियं कालं ठिती पण्णत्ता ? गोयमा ! जहण्णणं दस वाससहस्साइं अंतोमुत्तूणाई, उक्कोसेणं साति रेगं सागरोवमं अंतोमुहत्तणं ।।
४०. असुरकुमारीणं भंते ! देवीणं केवतियं कालं ठिती पण्णत्ता? गोयमा ! जहण्णेणं दस वाससहस्साइं, उक्कोसेणं अद्धपंचमाइं पलिओवमाई ॥
४१. अपज्जत्तियाणं असुरकुमारीणं भंते ! देवीणं केवतियं कालं ठिती पण्णत्ता ? गोयमा ! जहाणेण वि अंतोमुहत्तं, उक्कोसेण दि अंतोमुत्तं ।।
४२. पज्जत्तियाणं असुरकुमारीणं भंते ! देवीणं केवतियं कालं ठिती पण्णता? गोयमा ! जहण्णेणं दस वाससहस्साई अंतोमुत्तूणाई, उक्कोसेणं अद्धपंचमाइं पलिओवमाई
Jain Education International
For Private & Personal Use Only
www.jainelibrary.org
| SR No. | 003571 |
| Book Title | Agam 15 Upang 04 Pragnapana Sutra Pannavanna Terapanth |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 745 |
| Language | Prakrit |
| Classification | Book_Devnagari, Agam, Canon, & agam_pragyapana |
| File Size | 14 MB |