Page Text
________________
तइयं बहुक्त्तव्वयपयं
८६
अप्पा वा वहुया वा तुल्ला वा विसेसाहिया वा ? गोयमा ! सव्वत्थोवा जीवा आउयस्स कम्मस्स बंधगा, अपज्जत्तया संखेज्जगुणा, सुत्ता संखेज्जगुणा, समोहता संखेज्जगुणा, सातावेदगा संखेज्जगुणा, इंदिओवउत्ता संखेज्जगुणा, अणागारोवउत्ता संखेज्जगणा, सागारोवउत्ता संखेज्जगुणा, नोइंदियउवउत्ता विसेसाहिया, अस्सातावेदगा' विसेसाहिया, असमोहता विसेसाहिया, जागरा विसेसाहिया, पज्जत्तया विसेसाहिया, आउयस्स कम्मस्स अबंधगा विसेसाहिया ।। पोग्गल-पदं
१७५. खेत्ताणुवाएणं सव्वत्थोवा पोग्गला तेलोक्के, उललोय-तिरियलोए अणंतगणा, अहेलोय-तिरियलोए विसेसाहिया, तिरियलोए असंखेज्जगुणा, उड्डलोए असंखेज्जगुणा, अहेलोए विसेसाहिया ।।
१७६. दिसाणवाएणं सव्वत्थोवा पोग्गला उद्बुदिसाए, अहेदिसाए विसेसाहिया, उत्तरपरत्थिमेणं दाहिणपच्चत्थिमेण य दो वि तल्ला असंखेज्जगणा, दाहिणपूरत्थिमेणं उत्तरपच्चत्थिमेण य दो वि तुल्ला विसेसाहिया, पुरथिमेणं असंखेज्जगुणा, पच्चत्थिमेणं विसेसाहिया, दाहिणणं विसेसाहिया, उत्तरेणं विसेसाहिया ।।
१७७. खेत्ताणुवाएणं सव्वत्थोवाइं दव्वाइं तेलोक्के, उड्डलोय-तिरियलोए अणंतगुणाई, अहेलोय-तिरियलोए विसेस हियाई, उड्डलोए असंखेज्जगुणाई, अहेलोए अणंतगुणाई, तिरियलोए संखेज्जगुणाई।।
१७८. दिसाणुवाएणं सव्वत्थोवाइं दव्वाइं अहेदिसाए, उडदिसाए अणंतगुणाई, उत्तरपुरत्थिमेणं दाहिणपच्चत्थिमेण य दो वि तुल्लाइं असंखेज्जगुणाई, दाहिणपुरस्थिमेणं उत्तरपच्चत्थिमेण य दो वि तुल्लाई विसेसाहियाई, पुरत्थिमेणं असंखेज्जगुणाई, पच्चत्थिमेणं विसेसाहियाई, दाहिणणं विसेसाहियाई, उत्तरेणं विसेसाहियाई ॥
१७६. एतेसि णं भंते ! परमाणुपोग्गलाणं संखेज्जपदेसियाणं असंखेज्जपदेसियाणं अणंतपदेसियाण य खंधाणं दव्वट्ठयाए पदेसट्ठयाए दबट्ठ-पदेसट्ठयाए कतरे कतरेहितो अप्पा वा बहुया वा तुल्ला वा विसेसाहिया वा ? गोयमा ! सव्वत्थोवा अणंतपदेसिया खंधा दव्वट्ठयाए, परमाणुपोग्गला दव्वट्ठयाए अणंतगुणा, संखेज्जपदेसिया खंधा दन्वट्टयाए संखेज्जगुणा, असंखेज्जपदेसिया खंधा दव्वट्ठयाए असंखेज्जगुणा; पदेसट्टयाए । सव्वत्थोवा अणंतपदेसिया खंधा पदेसट्ठयाए, परमाणुपोग्गला अपदेसट्टयाए' अणंतगुणा, संखेज्जपदेसिया खंधा पदेसट्टयाए संखेज्जगुणा, असंखेज्जपदेसिया खंधा पदेसट्टयाए असंखेज्जगुणा; दव्वट्ठपदेसट्टयाए-सव्वत्थोवा अणंतपदेसिया खंधा दव्वट्ठयाए, ते चेव पदेसट्टयाए अणंतगुणा, परमाणुपोग्गला दवट्ठ-अपदेसट्टयाए' अणंतगुणा, संखेज्जपदेसिया खंधा दव्वट्ठयाए संखेज्जगुणा, ते चेव पदेसट्ठयाए संखेज्जगुणा, असंखेज्जपदेसिया खंधा दव्वट्ठयाए असंखेज्जगुणा, ते चेव पदेसट्ठयाए असंखेज्जगुणा ।।
१८०. एतेसि णं भंते ! एगपदेसोगाढाणं संखेज्जपदेसोगाढाणं असंखेज्जपदेसोगाढाण १. असातावेदगा (ख,ग) ।
३. पदेसट्टयाए (ख,ग,घ)। २. पदेसट्टयाए (ग,घ)।
Jain Education International
For Private & Personal Use Only
www.jainelibrary.org
| SR No. | 003571 |
| Book Title | Agam 15 Upang 04 Pragnapana Sutra Pannavanna Terapanth |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 745 |
| Language | Prakrit |
| Classification | Book_Devnagari, Agam, Canon, & agam_pragyapana |
| File Size | 14 MB |