Page Text
________________
पण्णवणासुत्तं पंचेंदियाणं अणिदियाण य कतरे कतरेहितो अप्पा वा बहुया वा तुल्ला वा विसेसाहिया वा ? गोयमा ! सव्वत्थोवा पंचेंदिया, चरिदिया विसेसाहिया, तेइंदिया विसेसाहिया, बेइंदिया विसेसाहिया, अणिदिया अणंतगुणा, एगिदिया अणंतगुणा, सइंदिया विसेसाहिया ।।
४१. एतेसि णं भंते ! सइंदियाणं एगिदियाणं बेइंदियाणं तेइंदियाणं चरिंदियाणं पंचेंदियाणं अपज्जत्तगाणं' कतरे कतरेहितो अप्पा वा वहुया वा तुल्ला वा विसेसाहिया वा? गोयमा ! सव्वत्थोवा पंचेंदिया अप्पज्जत्तगा, चरिदिया अपज्जत्तगा विसेसाहिया, तेइंदिया अपज्जत्तगा विसेसाहिया, बेइंदिया अपज्जत्तगा विसेसा हिया, एगिदिया अपज्जत्तगा अणंतगुणा, सइंदिया अपज्जत्तगा विसेसाहिया ।।
४२. एतेसिणं भंते ! सइंदियाणं एगिदियाणं बेइंदियाणं तेइंदियाणं चउरिदियाण पंचेंदियाणं पज्जत्तगाणं कतरे कतरेहितो अप्पा वा बहुया वा तुल्ला वा विसेसाहिया वा ? गोयमा ! सव्वत्थोवा चउरिदिया पज्जत्तगा, पंचेंदिया पज्जत्तगा विसेसाहिया, बेंदिया पज्जत्तगा विसेसाहिया, तेंदिया पज्जत्तगा विसेसाहिया, एगिदिया पज्जत्तगा अणंतगुणा, सइंदिया पज्जत्तगा विसेसाहिया ।।
४३. एतेसि गं भंते ! सइंदियाणं पज्जत्तापज्जत्ताणं' कतरे कतरेहितो अप्पा वा बहया वा तुल्ला वा विसेसाहिया वा ? गोयमा ! सव्वत्थोवा सइंदिया अपज्जत्तगा, सइंदिया पज्जत्तगा संखेज्जगुणा ।।
४४. एतेसि णं भंते ! एगिदियाणं पज्जत्तापज्जत्ताणं कतरे कतरेहितो अप्पा वा वहया वा तुल्ला वा विसेसाहिया वा? गोयमा ! सव्वत्थोवा एगिदिया अपज्जत्तगा, एगिदिया पज्जत्तगा संखेज्जगुणा ।।
४५. एतेसि णं भंते ! बैंदियाणं पज्जत्तापज्जत्ताणं कतरे कतरेहितो अप्पा वा वहुया तुल्ला वा विसेसाहिया वा ? गोयमा ! सव्वत्थोवा बैंदिया पज्जत्तगा, बेंदिया अपज्जत्तगा असंखेज्जगुणा !!
४६. एतेसि णं भंते ! तेइंदियाणं पज्जत्तापज्जत्तगाणं कतरे कतरेहितो अप्पा वा बहुया वा तुल्ला वा विसेसाहिया वा? गोयमा ! सव्वत्थोवा तेंदिया' पज्जत्तगा, तेंदिया अपज्जत्तगा असंखेज्जगुणा ॥
४७. एतेसि भंते ! चरिदियाणं पज्जत्तापज्जत्ताणं कतरे कतरेहितो अप्पा बा वहया वा तुल्ला वा विसेसाहिया वा? गोयमा ! सव्वत्थोवा चरिदिया पज्जत्तगा, चरिदिया अपज्जत्तगा असंखेज्जगुणा ।।
४८. एतेसि णं भंते ! पंचेंदियाणं पज्जत्तापज्जत्ताणं कतरे कतरेहितो अप्पा वा बहया वा तुल्ला वा विसेसाहिया वा ? गोयमा! सव्वत्योवा पंचेंदिया पज्जत्तगा, पंचेंदिया अपज्जत्तगा असंखेज्जगुणा ॥
४६. एतेसि णं भंते ! सइंदियाणं एगिदियाणं बेंदियाणं तेंदियाणं चारिदियाणं
३. तेइंदिया (क,ख,ग,घ)।
१. अपज्जत्तगाणं (ख); अपज्जत्ताणं (घ)। २. पज्जत्ता २ (क); पज्जताणं २ (ग)।
Jain Education International
For Private & Personal Use Only
www.jainelibrary.org
| SR No. | 003571 |
| Book Title | Agam 15 Upang 04 Pragnapana Sutra Pannavanna Terapanth |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 745 |
| Language | Prakrit |
| Classification | Book_Devnagari, Agam, Canon, & agam_pragyapana |
| File Size | 14 MB |