Agam 15 Upang 04 Pragnapana Sutra Pannavanna Terapanth

SR No.: 003571
Original Sutra Author: N/A
Author: Tulsi Acharya, Mahapragna Acharya
Publisher: Jain Vishva Bharati
Publication Year: 1989
Total Pages: 745
Language: Prakrit
Classification: Book_Devnagari, Agam, Canon, & agam_pragyapana
File Size: 14 MB

Page 145

तइयं बहुवत्तन्वयपयं
२७. दिसाणुवाएणं सव्वत्थोवा वाणमंतरा देवा पुरथिमेणं, पच्चत्थिमेणं विसेसाहिया, उत्तरेणं विसेसाहिया, दाहिणणं विसेसाहिया ।।
२८. दिसाणुवाएणं सव्वत्थोवा जोइसिया देवा पुरथिम-पच्चत्थिमेणं, दाहिणणं विसेसाहिया, उत्तरेणं विसेसाहिया ।
२६. दिसाणुवाएणं सव्वत्थोवा देवा सोहम्मे कप्पे पुरत्थिम-पच्चत्थिमेणं, उत्तरेणं असंखेज्जगुणा, दाहिणणं विसेसाहिया ।
३०. दिसाणुवाएणं सव्वत्थोवा देवा ईसाणे कप्पे पुरथिम-पच्चत्थिमेणं, उत्तरेणं असंखेज्जगुणा, दाहिणणं विसेसाहिया ।।
३१. दिसाणुवाएणं सब्वत्थोवा देवा सर्णकुमारे कप्पे पुरथिम-पच्चत्थिमेणं, उत्तरेणं असंखेज्जगुणा, दाहिणणं विसेसाहिया ।।
३२. दिसाणुवाएणं सव्वत्थोवा देवा माहिदे कप्पे पुरत्थिम-पच्चत्थिमेणं, उत्तरेणं असंखेज्जगुणा, दाहिणणं विसेसाहिया ॥
३३. दिसाणुवाएणं सव्वत्थोवा 'देवा बंभलोए कप्पे" पुरत्थिम-पच्चस्थिम-उत्तरेणं, दाहिणणं असंखेज्जगुणा॥
३४. दिसाणुवाएणं सव्वत्थोवा देवा लंतए कप्पे पुरत्थिम-पच्चत्थिम-उत्तरेणं, दाहिणणं असंखेज्जगुणा । ___३५. दिसाणुवाएणं सव्वत्थोवा देवा महासुक्के कप्पे पुरथिम-पच्चत्थिम-उत्तरेणं, दाहिणणं असंखेज्जगुणा ॥
३६. दिसाणुवाएणं सव्वत्थोवा देवा सहस्सारे कप्पे पुरथिम-पच्चत्थिम-उत्तरेणं, दाहिणणं असंखेज्ज गुणा । तेण परं बहुसमोववण्णगा समणाउसो ! ॥
३७. दिसाणुवाएणं सव्वत्थोवा सिद्धा दाहिणुत्तरेणं, पुरथिमेणं संखेज्जगुणा, पच्चत्थिमेणं विसेसाहिया ॥ गति-पवं
३८. एएसि णं भंते! नेरइयाण तिरिक्खजोणियाणं मणुस्साणं देवाणं सिद्धाण य पंचगतिसमासेणं कतरे कतरेहितो अप्पा वा वहया वा तुल्ला वा विसेसाहिया वा ? गोयमा ! सम्वत्थोवा मगुस्सा, नेरइया असंखेज्जगुणा, देवा असंखेज्जगुणा, सिद्धा अणंतगुणा, तिरिक्खजोणिया अणंतगुणा ।।
३६. एतेसि णं भंते ! नेरइयाणं तिरिक्खजोणियाण तिरिक्खजोणिणीणं मणुस्साणं मणस्सीणं देवाणं देवीण सिद्धाण य अटुगतिसमासेणं कतरे कतरेहितो अप्पा वा बहुया वा तुल्ला वा विसेसाहिया वा ? गोयमा ! सव्वत्थोवाओ मणुस्सीओ, मणुस्सा असंखेज्जगुणा, नेरइया असंखेज्जगुणा, तिरिक्खजोणिगोओ असंखेज्जगुणाओ, देवा असंखेज्जगुणा, देवीओ संखेज्जगुणाओ, सिद्धा अणंतगुणा, तिरिक्खजोणिया अणंतगुणा ।। इंदिय-पदं
४०. एतेसि णं भंते ! सइंदियाणं एगिदियाणं बेइंदियाण तेइंदियाणं चउरिदियाणं
१. बंभलोए कप्पे देवा (क,ग)।