________________
पण्णवणासुतं
केवलणाणवउत्ता, जाणती सव्वभावगुण-भावे । पासंति सव्वतो खलु, केवल दिट्ठीहिणताहि ।।१३।। न वि अस्थि माणुसाणं, तं सोक्खं न वि य सव्वदेवाणं । जं सिद्धाणं सोखं, अव्वाबाहं उवगयाणं ॥१४॥ 'सुरगणसुहं समत्तं", सव्वद्वापिंडितं अणंतगुणं । 'ण वि पावे" मुत्तिसुहं, 'णंताहि वि" वग्गवग्गूहि ॥१५॥ सिद्धस्स सुहो रासी, सव्वद्धा पिंडितो जइ हवेज्जा । सोणंतवग्गभइतो, सव्वागासे ण माएज्जा ॥१६॥ जह णाम कोइ मेच्छो, णगरगुणे बहविहे वियाणतो । न चएइ परिकहेउं, उवमाए तहिं असंतीए ॥१७॥ इय सिद्धाणं सोक्खं, अणोवमं णस्थि तस्स ओवम्मं । किचि विसेसेणेत्तो, सारिक्खमिण' सुणह वोच्छं ॥१८॥ जह सव्वकामगुणित, पुरिसो भोत्तूण भोयणं कोइ । तण्हा-छुहाविमुक्को, अच्छेज्ज जहा अनियतित्तो ॥१६॥ इय सव्वकालतित्ता, अतुलं णेव्याणमुवगया सिद्धा । सासयमव्वाबाह, चिट्ठति सुही सुहं पत्ता ॥२०॥ सिद्धत्ति य बुद्धत्ति य, पारगतत्ति य परंपरगतत्ति । उम्मुक्ककम्मकवया, अजरा अमरा असंगा य ॥२१॥ णिच्छिण्णसव्वदुक्खा, जाति-जरा-मरणबंधणविमुक्का । अव्वाबाहं सोक्खं, अणुहोंती' सासयं सिद्धा" ॥२२॥
१. दिट्ठीहिणताहि (क,ख,घ); दिट्ठीहणताहि
(पु) । २. जं देवाण सोक्खं (ो० सू० १६५।१४)। ३. ण य पावइ (ओ० सू० १६५।१४)। ४. शंताहिं (ग); गंताहिं वि (पु) । ५. सारक्खमिणं (4); भोवम्ममिणं (ओ० सू०
१६५।१७) । ६. अणुहंती (क,ख) : अणुहोति (ग)। ७. अतोने औपपातिके (सू० १६५) एषा गाथा
दृश्यते-- अतुलसुहसागरगया, अव्वाबाहं अणोवमं पत्ता। सव्वमणागयमद्धं, चिनॊति सुही सुहं पत्ता ॥१॥
Jain Education International
For Private & Personal Use Only
www.jainelibrary.org
