Page Text
________________
पण्णवणासुत्तं
लंतग-सुक्क-सहस्सार-आणय-पाणय-आरण-अच्चुयकप्पा तिण्णि य अट्ठारसुत्तरे गेवेज्जविमाणावाससते वीतीवतित्ता तेण परं दूरं गता णीरया निम्मला वितिमिरा विसुद्धा पंचदिसि पंच अणुत्तरा महतिमहालया विमाणा पण्णत्ता, तं जहा--विजए वेजयंते जयंते अपराजिते सन्वट्ठसिद्धे। ते णं विमाणा सब्वरयणामया अच्छा सण्हा लण्हा घट्टा मट्ठा नीरया निम्मला निप्पंका निक्कंकडच्छाया सप्पभा सस्सिरीया सउज्जोया पासाईया दरिसणिज्जा अभिरूवा पडिरूवा, एत्थ णं अणुत्तरोववाइयाणं देवाणं पज्जत्तापज्जत्ताणं ठाणा पण्णत्ता । तिसु वि लोगस्स असंखेज्जतिभागे । तत्थ णं वहवे अणुत्तरोववाइया देवा परिवसंति--सव्वे समिड्डिया सव्वे समबला सव्वे समाणुभावा 'सव्वे समसोक्खा" अणिदा अप्पेस्सा अपुरोहिता अहमिंदा णामं ते देवगणा पण्णत्ता समणाउसो ! ।। सिद्धठाण-पदं
६४. कहिणं भंते ! सिद्धाणं ठाणा पण्णत्ता ? कहि णं भंते ! सिद्धा परिवसंति ? गोयमा! सव्वट्ठसिद्धस्स' महाविमाणस्स' उवरिल्लाओ थूभियग्गाओ 'दुवालस जोयणे उड्ढं अबाहाए, एत्थ णं ईसीपब्भारा णामं पुढवी पण्णत्ता-पणतालीसं जोयणसतसहस्साणि आयाम-विक्खंभेणं, एगा जोयणकोडी बायालीसं च सतसहस्साई तीसं च सहस्साई दोण्णि य अउणापण्णे जोयणसते किंचि विसेसाहिए परिक्खेवेणं पण्णत्ता। ईसीपब्भाराए णं पुढवीए बहुमज्झदेसभाए अट्ठजोयणिए खेत्ते अट्ठजोयणाई बाहल्लेणं पण्णत्ते, ततो अणंतरं च णं माताए माताए-पएसपरिहाणीए परिहायमाणी-परिहायमाणी सव्वेसु चरिमंतेसु मच्छियपत्तातो तणुयरी अंगुलस्स असंखेज्जतिभागं बाहल्लेणं पण्णत्ता ।।
६५. ईसीपब्भाराए पं पुढवीए दुवालस नामधिज्जा पण्णत्ता, तं जहा-ईसी ति वा ईसीपब्भारा ति वा तणू ति वा तणुतणू ति वा सिद्धी ति वा सिद्धालए ति वा मुत्ती इ वा मुत्तालए ति वा लोयग्गे इ वा लोयग्गथूभिया ति वा लोयग्गपडिवुज्झणा इ वा सव्वपाणभूत-जीव-सत्तसुहावहा इ वा ॥
६६. ईसीपब्भारा णं पुढवी सेता 'संखदल-विमलसोत्थिय"-मुणाल-दगरय-तुसारगोक्खीर-हारवण्णा उत्ताणयछत्तसंठाणसंठिता सव्वज्जुणसुवण्णमती अच्छा सण्हा लण्हा घट्ठा मट्ठा नीरया निम्मला निप्पंका निक्कंकडच्छाया सापभा सस्सिरीया सउज्जोता पासादीया दरिसणिज्जा अभिरूवा पडिरूवा ।।
६७. ईसीपभाराए णं सीताए जोयणम्मि लोगंतो। तस्स णं जोयणस्स जेसे उवरिल्ले गाउए तस्स णं गाउयस्स जेसे उवरिल्ले छन्भागे, एत्थ"णं सिद्धा भगवंतो सादिया" अपज्य
१. महासोक्खा (क,ख,ग,घ,पु); द्रष्टव्यं २१६० ५. दुवालसजोयणाइं (ओ० सू० १९२)। सूत्रस्य टिप्पणम् । अत्र ६० सूत्रवतिविशेषण- ६. चरिम-पेरतेसु (ओ० सू० १६२)। द्वयं-'सब्बे समजुतीया सम्वे समजसा' ७. तणुयरी (ओ० सू० १६३)। आदर्शेषु नैव लम्यते ।
८. संखतलविमलसोल्लिय (ओ० सू० १९४)। २. सव्वट्ठस्स (क,ख,ग,घ)।
६. णं पुढवीए (ओ० सू० १६५) । ३. विमाणस्स (ग)।
१०. तत्थ (ओ० सू० १६५) । ४. सव्वुवरिल्लाओ (ओ० सू० १६२)। . ११. सादीया (क,ख, पु); सातिया (घ)।
Jain Education International
For Private & Personal Use Only
www.jainelibrary.org
| SR No. | 003571 |
| Book Title | Agam 15 Upang 04 Pragnapana Sutra Pannavanna Terapanth |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 745 |
| Language | Prakrit |
| Classification | Book_Devnagari, Agam, Canon, & agam_pragyapana |
| File Size | 14 MB |