Page Text
________________
पण्णवणासुत्तं
उत्तासणगा परमकिण्हा वण्णणं पणत्ता समणा उसो ! ते णं णिच्चं भीता णिच्चं तत्था णिच्चं तसिता णिच्चं उव्विग्गा णिच्चं परममसुहं संबद्धं णरगभयं पच्चणुभवमाणा विहरंति ।।
२६, कहिणं भंते ! तमप्पभापुढविनेरइयाणं' पज्जत्तापज्जत्ताणं ठाणा पण्णत्ता ? गोयमा ! 'तमप्पभाए पुढवीए" सोल सूत्तरजोयणसतसहस्सवाहल्लाए उरि एग जोयणसहस्सं ओगाहित्ता हिट्ठा वेगं जोयणसहस्सं वज्जेत्ता मज्झे चोद्दसुत्तरे जोयणसतसहस्से, एत्थ णं तमप्पभापुढविनेरइयाणं एगे पंचूणे णरगावाससतसहस्से हवंतीति' मक्खातं । ते णं परगा अंतो वट्टा वाहिं चउरंसा अहे खुरप्पसंठाणसंठिता निच्चंधयारतमसा ववगयगह-चंदसूर-नक्खत्तजोइसप्पहा मेद-वसा-पूय-रुहिर-मंसचिक्खिल्ल लित्ताणुलेवणतला असुई वीसा परमदुब्भिगधा कक्खडफासा दुरहियासा असुभा नरगा असुभा नरगेसु वेदशाओ, एत्थ णं तमप्पभापुढविनेरइयाणं पज्जत्तापज्जत्ताणं ठाणा पण्णत्ता । उववाएणं लोयस्स असंखेज्जइ. भागे, समुग्घाएणं लोयस्स असंखेज्जइभागे, सट्टाणेणं लोयस्स असंखेज्जइभागे । तत्थ णं बहवे तमप्पभापुढविणेरइया परिवसंति काला कालोभासा गंभीरलोमहरिसा भीमा उत्तासणगा परमकिण्हा वणणं पण्णत्ता समणाउसो! ते णं णिच्चं भीता णिच्चं तत्था णिच्चं तसिया णिच्चं उद्विग्गा णिच्चं परममसहं संवद्धं नरगभयं पच्चणभवमाणा विहरंति ॥
२७. कहि ण भंते ! तमतमापुढविनेरइयाणं पज्जत्तापज्जत्ताणं ठाणा पण्णत्ता ? गोयमा ! तमतमाए पुढवीए अट्ठोत्तरजोयणसयसहस्सबाहल्लाए उरि अद्धतेवण्णं जोयणसहस्साइं ओगाहित्ता हिट्ठा वि अद्धतेवण्णं जोयणसहस्साई वज्जेत्ता मज्झे तिसुजोयणसहस्सेसु, एत्थ णं तमतमापुढविनेरइयाणं पज्जत्तापज्जत्ताणं पंच दिसिं पंच अणुत्तरा महइमहालया महाणि रया पण्णत्ता, तं जहा-काले महाकाले रोरुए महारोरुए अपइट्ठाणे । ते णं णरमा अंतो वट्टा वाहिं चउरंसा अहे खुरप्पसंठाणसंठिता निच्चंधयारतमसा ववगयगहचंद-सूर-नक्खत्तजोइसपहा मेद-वसा-पूय-रुहिर-मंसचिविखल्ल लित्ताणुलेवणतला असुई वीसा परमदुब्भिगंधा' कक्खडफासा दुरहियासा असुभा नरगा असुभा नरगेसु वेयणाओ, एत्थ णं तमतमापुढविनेरइयाणं पज्जत्तापज्जत्ताणं ठाणा पण्णत्ता। उववाएणं लोयस्स असंखेज्जइभागे, समुग्धाएणं लोयस्स असंखेज्जइभागे, सट्ठाणेणं लोयस्स असंखेज्जइभागे । तत्थ णं बहवे तमतमापढविनेरइया परिवसंति काला कालोभासा गंभीरलोमहरिसा भीमा उत्तासणया परमकिण्हा वण्णेणं पण्णत्ता समणाउसो! तेणं णिच्च भीता णिच्चं तत्था णिच्चं तसिया णिच्चं उब्विग्गा णिच्चं परममसुहं संवद्ध णरगाभयं पच्चणुभवमाणा विहरंति । संगहणी-गाहा
आसीतं बत्तीसं अट्ठावीसं च होइ' वीसं च । अट्ठारस सोलसगं, अठुत्तरमेव हिट्ठिमिया ॥११॥
१. तमा° (क,ख,ग,घ)।
५. तिसुत्तर (ख)। २. तमाए पुढवीए (क,ग,घ); तमापुढवीए (ख)! ६. दुर्लिभगंधा नो काउअगणिवण्णा (ख) । ३. अत्र बहुवचनं प्रवाहपाति दृश्यते ।
७. होति (ख,ग,घ)। ४. दुब्भिगंधा नो काउअगणिवण्णाभा (ख)। ८. हिट्ठिमया (पु)।
Jain Education International
For Private & Personal Use Only
www.jainelibrary.org
| SR No. | 003571 |
| Book Title | Agam 15 Upang 04 Pragnapana Sutra Pannavanna Terapanth |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 745 |
| Language | Prakrit |
| Classification | Book_Devnagari, Agam, Canon, & agam_pragyapana |
| File Size | 14 MB |