Page Text
________________
बिइयं ठाणपर्य उडढलोए तदेवकदेसभाए। अहोलोए तदेक्कदेसभाए। तिरियलोए--अगडेसु तलाएसु नदीसु दहेसु वावीसु पुक्खरिणीसु दीहियासु गुंजालियासु सरेसु सरपंतियासु सरसरपंतियासु विलेसु विलपंतियासु उज्झरेसु निज्झरेसु चिल्ललेसु पल्ललेसु वप्पिणेसु दीवेसु समुद्देसु सव्वेसु चेव जलासएसु जलढाणेसु । एत्थ णं तेइंदियाणं पज्जत्तापज्जत्तगाणं' ठाणा पण्णत्ता। उववाएणं लोयस्स असंखेज्जइभागे, समुग्घाएणं लोयस्स असंखेज्जइभागे, सटाणेणं लोयस्स असंखेज्जइभागे ! चरिदियठाण-पदं
१८. कहि णं भंते ! चउरिदियाणं पज्जत्तापज्जत्तगाणं ठाणा पण्णत्ता? गोयमा ! उड्ढलोए तदेवकदेसभाए ! अहोलोए तदेक्कदेसभाए । तिरियलोए- अगडेसु तलाएसु नदीसु दहेसु वावीसु पुक्खरिणीसु दीहियासु गुंजालियासु सरेसु सरपंतियासु सरसरपंतियासु बिलेसु बिलपंतियासु उज्झरेसु निज्झरेसु चिल्ललेसु पल्ललेसु वप्पिणेसु दीवेसु समुद्देसु सव्वेसु चेव जलासएसु जलट्ठाणेसु । एत्थ णं च उरिदियाणं पज्जत्तापज्जत्तगाणं ठाणा पण्णत्ता। उववाएणं लोयस्स असंखेज्जइभागे समुग्धाएणं लोयस्स असंखेज्जइभागे, सट्टाणेणं लोयस्स असंखेज्जइभागे । चिदियठाण-पदं
१६. कहि णं भंते ! पंचिदियाणं पज्जत्तापज्जत्तगाणं ठाणा पण्णत्ता ? गोयमा ! उड्ढलोए' तदेक्कदेसभाए। अहोलोए तदेक्कदेसभाए। तिरियलोए-अगडेसु तलाएसु नदीसु दहेसु वावीसु पुक्खरिणीसु दीहियासु गुंजालियासु सरेसु सरपंतियासु सरसरपंतियासु बिलेसु बिलपंतियासु उज्झरेसु निज्झरेसु चिल्ललेसु पल्ललेसु वप्पिणेसु दीवेसु समुद्देसु सव्वेसु चेव जलासएसु जलट्ठाणेसु । एत्थ णं पंचिदियाणं पज्जत्तापज्जत्तगाणं ठाणा पण्णत्ता। उववाएणं लोयस्स असंखेज्जइभागे, समुग्घाएणं लोयस्स असंखेज्जइभागे, सहाणेणं लोयस्स असंखेज्जइभागे । नेरइयठाण-पदं
२०. कहि णं भंते ! नेरइयाणं पज्जत्तापज्जत्ताणं ठाणा पण्णत्ता ? कहि णं भंते ! नेरइया परिवसंति ? गोयमा ! सट्ठाणेणं सत्तसु पुढवीसु, तं जहा–रयणप्पभाए सक्करप्पभाए वालुयप्पभाए पंकप्पभाए धूमप्पभाए तमप्पभाए तमतमप्पभाए, एत्थ णं णेरइयाणं चउरासीति णिरयावाससतसहस्सा भवंतीति मक्खायं । ते ण णरगा अंतो वट्टा वाहिं चउरंसा अहे खुरप्पसंठाणसंठिता" णिच्चंधयारतमसा ववगयगह-चंद-सूर-णक्खत्त-जोइसपहा' मेद-वसा-पूर्य-रुहिर-मंसचिविखल्ललित्ताणुलेवणतला असुई वीसा' परमदुब्भिगंधा काऊअगणिवण्णाभा कक्खडफासा दुरहियासा असुभा णरगा असुभा णरगेसु वेयणाओ, एत्थ णं
१. 'पज्जत्ताणं (घ)। २. पुष्करि (क)। ३,४. लोयस्स (घ)। ५. खुरासंठाण (ख)। ६. मलयगिरिवृत्ती समुद्धते पाठे 'जोइसियपहा'
इति दृश्यते । ७. पूयपडल (क,ख,ग,घ); समवायाङ्गे (प.सू०
१४१) पडल' इति पदं नास्ति । ८.चिवखल्ल° (क,ख,घ) सर्वत्र) । ६. बीभच्छा (म); वीसा (मवपा) ।
Jain Education International
For Private & Personal Use Only
www.jainelibrary.org
| SR No. | 003571 |
| Book Title | Agam 15 Upang 04 Pragnapana Sutra Pannavanna Terapanth |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 745 |
| Language | Prakrit |
| Classification | Book_Devnagari, Agam, Canon, & agam_pragyapana |
| File Size | 14 MB |