Page Text
________________
पष्णवणासुतं
१२६. से किं तं छेदोवट्ठावणियचरित्तारिया? छेदोवट्ठावणियचरित्तारिया दुविहा पण्णत्ता. तं जहा-साइयारछेदोवट्ठावणियचरित्तारिया य णिरइयारछेदोवढावणियचरित्तारिया य । से तं छेदोबट्ठावणियचरित्तारिया ॥
१२७. से कि तं परिहारविसुद्धियचरित्तारिया ? परिहारविसुद्धियचरित्तारिया दुविहा पण्णत्ता, तं जहा-निविसमाणपरिहारविसुद्धियचरित्तारिया य निविट्ठकाइयपरिहारविसुद्धियचरित्तारिया य । से तं परिहारविसुद्धियचरित्तारिया ॥
१२८. से कि तं सुहमसंपरायचरित्तारिया? सुहमसंपरायचरित्तारिया दुविहा पण्णत्ता, तं जहा--संकिलिस्समाणसुहुमसंपरायचरित्तारिया य विसुज्झमाणसुहुमसंपरायचरित्तारिया य । से तं सुहुमसंपरायचरित्तारिया ।।
१२६ से कि तं अहक्खायचरित्तारिया ? अहक्खायचरित्तारिया दुविहा पण्णत्ता, तं जहा-छउमत्थअहक्खायचरित्तारिया य केवलिअहक्खायचरित्तारिया य। से तं अहक्खायचरित्तारिया। से तं चरित्तारिया। से तं अणिडिढपत्तारिया। से तं आरिया। से तं कम्मभूमगा । से तं गब्भवक्कंतिया । से तं मणुस्सा ।। देवजीव-पदं
१३०. से कि तं देवा ? देवा चउब्विहा पण्णत्ता, तं जहा---भवणवासी वाणमंतरा जोइसिया वेमाणिया ।।
१३१. से कि तं भवणवासी ? भवणवासी दसविहा पण्णत्ता, तं जहा--असुरकुमारा नागकुमारा सुवण्णकुमारा विज्जुकुमारा अग्गिकुमारा दीवकुमारा उदहिकुमारा दिसाकुमारा वाउकुमारा थणियकुमारा। ते समासतो दुविहा पण्णत्ता, तं जहा–पज्जत्तगा य अपज्जत्तगा य । से तं भवणवासी॥
१३२. से किं तं वाणमंतरा ? वाणमंतरा अदुविहा पण्णत्ता, तं जहा-किन्नरा किंपरिसा महोरगा गंधवा जक्खा रक्खसा भूया पिसाया । ते समासतो दुविहा पण्णत्ता, तं जहा-पज्जत्तगा य अपज्जत्तगा य । से तं वाणमंतरा ।।
१३३. से किं तं जोइसिया ? जोइसिया पंचविहा पण्णत्ता, तं जहा--चंदा सूरा गहा 'नक्खत्ता तारा" 1 ते समासतो दुविहा पण्णत्ता, तं जहा-पज्जत्तगा य अपज्जत्तगा य । से तं जोइसिया।।
१३४. से किं तं वेमाणिया? वेमाणिया दुविहा पण्णत्ता, तं जहा–कप्पोवगा य कप्पातीताय ।।
१३५. से किं तं कप्पोवगा ? कप्पोवगा वारसविहा पण्णत्ता, तं जहा--सोहम्मा ईसाणा सणंकुमारा माहिंदा बंभलोया लतया सुक्का' सहस्सारा आणता पाणता आरणा अच्चुता । ते समासतो दुविहा पण्णत्ता, तं जहा-पज्जत्तगा य अपज्जत्तगा य । से तं कप्पोवगा।
१३६. से किं तं कप्पातीया ? कप्पातीया दुविहा पण्णत्ता, तं जहा-गेवेज्जगा य अणुत्तरोववाइया य॥ १. तारा नक्खत्ता (ख)।
२. महासुक्का (ग,घ)।
Jain Education International
For Private & Personal Use Only
www.jainelibrary.org
| SR No. | 003571 |
| Book Title | Agam 15 Upang 04 Pragnapana Sutra Pannavanna Terapanth |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 745 |
| Language | Prakrit |
| Classification | Book_Devnagari, Agam, Canon, & agam_pragyapana |
| File Size | 14 MB |