Page Text
________________
५१२
जीवाजीवाभिगमे
२४८. अपढमसमयदेवस्स जहा अपढमसमयणेरइयस्स ।।
२४६. सिद्धस्स णं भंते ! अंतरं कालओ केवचिरं होति ? गोयमा ! सादीयस्स अपज्जवसियस्स णत्थि अंतरं ।।
२५०. एएसि णं भंते ! पढमसमयणेरइयाणं पढमसमयतिरिक्खजोणियाणं पढमसमयमणूसाणं पढमसमयदेवाण य कयरे कयरेहितो अप्पा वा बहुया वा तुल्ला वा विसेसाहिया वा ? गोयमा ! सव्वत्थोवा पढमसमयमणूसा, पढमसमयणरइया असंखेज्जगुणा, पढमसमयदेवा असंखेज्जगुणा, पढमसमयतिरिक्खजोणिया असंखेज्जगुणा ॥
२५१. एएसि पं भंते ! अपढमसमयणेरझ्याणं अपढमसमयतिरिक्खजोणियाणं अपढमसमयमणूसाणं अपढमसमयदेवाण य कयरे कयरेहितो अप्पा वा बहुया वा तुल्ला वा विसेसाहिया वा? गोयमा ! सव्वत्थोवा अपढमसमयमणूसा, अपढमसमयणेरइया असंखेज्जगुणा, अपढमसमयदेवा असंखेज्जगुणा, अपढमसमयतिरिक्खजोणिया अणंतगुणा ॥
२५२. एएसि णं भंते ! पढमसमयणेरइयाणं अपढमसमयणेरइयाण य कयरे कयरेहितो अप्पा वा बहुया वा तुल्ला वा विसेसाहिया वा ? गोयमा ! सव्वत्थोवा पढमसमयणेरइया, अपढमसमयणेरइया असंखेज्जगुणा ।।
२५३. एएसि णं भंते ! पढमसमयतिरिक्खजोणियाणं अपढमसमयतिरिक्खजोणियाण य कतरे कतरेहितो अप्पा वा बहुया वा तुल्ला वा विसेसाहिया वा? गोयमा ! सव्वत्थोवा पढमसमयतिरिक्खजोणिया, अपढमसमयतिरिक्खजोणिया अणंतगुणा ।।
२५४. मणयदेवाणं अप्पाबहयं जहाणेरइयाण ॥
२५५. एएसि णं भंते ! पढमसमयणेरइयाणं पढमसमयतिरिक्खजोणियाणं पढमसमयमणूसाणं पढमसमयदेवाणं अपढमसमयणे रइयाणं अपढमसमयतिरिक्खजोणियाणं अपढमसमयमणसाणं अपढमसमयदेवाणं सिद्धाण य कयरे कयरेहितो अप्पा वा बहुया वा तुल्ला वा विसेसाहिया वा? गोयमा! सव्वत्थोवा पढमसमयमणूसा, अपढमसमयमणूसा असंखेज्जगुणा, पढमसमयणेरइया असंखेज्जगुणा, पढमसमयदेवा असंखेज्जगुणा, पढमसमयतिरिक्खजोणिया असंखेज्जगुणा, अपढमसमयणेरइया असंखेज्जगुणा, अपढमसमयदेवा असंखेज्जगुणा, सिद्धा अणंतगुणा, अपढमसमयतिरिक्खजोणिया अणंतगुणा। सेत्तं नवविहा सव्वजीवा।।
२५६. तत्थ णं जेते एवमाहंसु दसविधा सव्वजीवा पण्णत्ता ते एवमासु, तं जहापुढविकाइया आउकाइया तेउकाइया वाउकाइया वणस्सतिकाइया बेंदिया तेंदिया चउरिदिया पंचेंदिया अणि दिया ।
२५७. पुढविकाइए' णं भंते ! पुढविकाइएत्ति कालओ केवचिरं होति ? गोयमा ! जहण्णेणं अंतोमुत्तं, उक्कोसेणं असंखेज्जं कालं --'असंखेज्जाओ उस्स प्पिणी-ओसप्पिणीओ कालओ, खेत्तओ असंखेज्जा लोया । एवं आउ-तेउ-वाउकाइए।
२५८. वणस्सतिकाइए णं भंते ! वणस्सतिकाइएत्ति कालओ केवचिरं होति ? गोयमा ! जहण्णेणं अंतोमुहुत्तं, उक्कोसेणं 'अणतं कालं" ॥ १. २५७.२६५ सूत्राणां स्थाने 'ता' प्रती संक्षिप्त- २. वणस्सतिकालं (क,ख,ग,ट,त्रि)! पाठोस्ति-संचिट्टणंतराइं पुवुत्ताई।
Jain Education International
For Private & Personal Use Only
www.jainelibrary.org
| SR No. | 003570 |
| Book Title | Agam 14 Upang 03 Jivabhigam Sutra Jivajivabhigame Terapanth |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 639 |
| Language | Prakrit |
| Classification | Book_Devnagari, Agam, Canon, & agam_jivajivabhigam |
| File Size | 13 MB |