________________
तच्चा चउव्विहपडिवत्ती पलिओवमाइं ठिती पण्णत्ता, मज्झिमियाए परिसाए वारस सागरोवमाइं छच्च पलिओवमाई ठिती पण्णत्ता, बाहिरियाए परिसाए वारस सागरोवमाइं पंच पलिओवमाई ठिती पण्णत्ता ॥
१०५१. महासुक्कस्सवि जाव तओ परिसाओ जाव अभितरियाए एग देवसहस्सं, मज्झिमियाए दो देवसाहस्सीओ पण्णत्ताओ, वाहिरियाए चत्तारि देवसाहस्सीओ । अभितरियाए परिसाए अद्धमोलस सागरोक्माई पंच पलिओवमाई, मज्झिमियाए अद्धसोलस सागरोवमाइं चत्तारि पलिओवमाई, बाहिरियाए अद्धसोलस सागरोवमाइं तिण्णि पलिओवमाई । अट्ठो सो चेव ।।
१०५२. सहस्सारे पुच्छा जाव अभितरियाए परिसाए पंच देवसया, मज्झिमियाए परिसाए एगा देवसाहस्सी, वाहिरियाए दो देवसाहस्सीओ पण्णत्ताओ। ठिती-अभितरियाए अद्धद्वारस सागरोवमाइं सत्त पलिओवमाइं ठिती पण्णत्ता, एवं मज्झिमियाए अद्धद्वारस छप्पलिओवमाइं वाहिरियाए अट्ठारस सागरोवमाइं पंच पलिओवमाइं । अट्ठो सो चेव ॥
१०५३. आणयपाणयस्सवि पुच्छा जाव तओ परिसाओ, णवरि-अभितरियाए अड्ढाइज्जा देवसया, भज्झिमियाए पंच देवसया, वाहिरियाए एमा देवसाहस्सी। ठितीअभितरियाए एगूणवीसं सागरोवमाइं पंच य पलिओवमाइं, एवं मज्झिमियाए एगोणवीसं सागरोवमाइं चत्तारि य पलिओवमाइं, बाहिरियाए परिसाए एगूणवीसं सागरोक्माइं तिण्णि य पलिओवमाइं ठिती। अटो सो चेव ।।
१०५४. कहि णं भंते ! आरणअच्चुयाणं देवाणं तहेव अच्चुए सपरिवारे जाव विहरति ।।
१०५५. अच्चुयस्स णं देविंदस्स तओ परिसाओ पण्णत्ताओ। अभितरपरिसाए देवाणं पणवीस सयं, मज्झिमपरिसाए अड्ढाइज्जा सया, वाहिरपरिसाए पंचसया, अभितरियाए एक्कवीसं सागरोवमाइं सत्त य पलिओवमाइं, मज्झिमियाए एक्कवीसं सागरोवमाइं छप्पलिओवमाइं, वाहिरपरिसाए एकवीसं सागरोवमाइं पंच य पलिओवमाइं ठिती पण्णत्ता॥
१०५६. कहिं णं भंते ! हेद्विमगेवेज्जगाणं देवाणं विमाणा पण्णत्ता? कहि णं भंते ! हेटिमगेवेज्जगा देवा परिवसंति ? जहेव' ठाणपए तहेव । एवं मज्झिमगेवेज्जा उवरिमगेवेज्जगा अणुत्तरा य जाव अहमिदा नामं ते देवा पण्णत्ता समणाउसो ! ॥
वेमाणियउद्देसओ बीओ १०५७. सोहम्मीसाणेसु कप्पेसु विमाणपुढवी किंपइट्ठिया पण्णत्ता ? गोयमा ! घणोदहिपइट्ठिया पण्णत्ता ॥
१०५८. सणकुमार-माहिदेसु कप्पेसु विमाणपुढवी किंपइट्ठिया पण्णता ? गोयमा ! घणवायपइट्ठिया पण्णत्ता ।।
१. पण्ण०२१६०1
२. पण्ण० २।६१.६३ ।
Jain Education International
For Private & Personal Use Only
www.jainelibrary.org
