Agam 14 Upang 03 Jivabhigam Sutra Jivajivabhigame Terapanth

SR No.: 003570
Original Sutra Author: N/A
Author: Tulsi Acharya, Mahapragna Acharya
Publisher: Jain Vishva Bharati
Publication Year: 1989
Total Pages: 639
Language: Prakrit
Classification: Book_Devnagari, Agam, Canon, & agam_jivajivabhigam
File Size: 13 MB

Page 324

४६२
जीवाजीवाभिगमे १०४४. ईसाणस्स णं भंते ! देविंदस्स देवरण्णो कति परिसाओ पण्णत्ताओ? गोयमा! तओ परिसाओ पण्णताओ. तं जहा-समिता चंडा जाता, तहेव सव्वं, णवरंअभितरियाए परिसाए दस देवसाहस्सीओ पण्णत्ताओ, मज्झिमियाए परिसाए वारस देवसाहस्सीओ, वाहिरियाए चोइस देवसाहस्सीओ। देवीणं पुच्छा । अभितरियाए णव देवीसता पण्णत्ता, मज्झिमियाए परिसाए अट्ठ देवीसता पणत्ता, वाहिरियाए परिसाए सत्त देविसता पण्णत्ता, देवाणं ठिती पुच्छा। अभितरियाए परिसाए देवाणं सत्त पलिओवमाई ठिती पण्णता, मज्झिभियाए छ पलिओवमाई, वाहिरियाए पंच पलिओवमाई ठिती पण्णत्ता। देवीणं पूच्छा। अभितरियाए पंच' पलिओवमाइं, मज्झिमियाए परिसाए चत्तारि पलिओवमाइं ठिती पण्णत्ता, बाहिरियाए परिसाए तिणि पलिओवमाइं ठिती पण्णत्ता । अट्टो तहेव भाणियध्वो ॥
१०४५. सणकुमाराणं पुच्छा । तहेव' ठाणपदगमेणं जाव
१०४६. सणकुमारस्स तओ परिसाओ समिताई तहेव, णरि-अभितरियाए परिसाए अट्ठ देवसाहस्सीओ पण्णताओ, मज्झिमियाए परिसाए दस देवसाहस्सीओ पण्णत्ताओ, बाहिरियाए परिसाए वारस देवसाहस्सीओ पण्णत्ताओ ! अभितरियाए परिसाए देवाण ठिती--अद्धपंचमाइसागरोवमाइपच पलिओवमाई ठिती पणता, मज्झिमियाए परिसाए अद्धपंचमाई सागरोवमाइं चत्तारि पलिओवमाइं ठिती पण्णता, वाहिरियाए परिसाए अद्धपंचमाई सागरोवमाई तिण्णि पलिओवमाई ठिती पण्णता । अट्ठो सो चेव ।।
१०४७. एवं माहिदस्सवि तहेव' तओ परिसाओ, णवरि-अभितरियाए परिसाए छद्देवसाहस्सीओ पण्णताओ, मज्झिमियाए परिसाए अट्ठ देवसाहस्सीओ पण्णत्ताओ, वाहिरियाए दस देवसाहस्सीओ पण्णत्ताओ। ठिती देवाण-अभितरियाए परिसाए अद्धपंचमाइं सागरोवमाइं सत्त य पलिओवमाइं ठिती पण्णत्ता, मज्झिमियाए परिसाए अद्धपंचमाइं सावरोवमाइं छच्च पलिओवभाई, वाहिरियाए परिसाए अद्धपंचमाइं सागरोवमाइं पंच य पलिओवमाई ठिती पण्णत्ता ।।
१०४८. तहेव सव्वेसि इंदाण ठाणपयगमेणं विमाणा तव्वा । ततो पच्छा परिसाओ पत्तेयं-पत्तेयं वुच्चति
१०४६. बंभस्सवि तओ परिसाओ पण्णताओ-अभितरियाए चत्तारि देवसाहस्सीओ, मज्झिमियाए छ देवसाहस्सीओ, वाहिरियाए अट्ठ देवसाहस्सीओ। देवाणं ठितीअभितरियाए परिसाए अद्धणवमाइं सागरोवमाइं पंच य पलिओवमाई मज्झिमियाए परिसाए अद्धनवमाइं सागरोवमाइं चत्तारि य पलिओवमाई, वाहिरियाए अद्धनवमाई सागरोवमाइं तिणि य पलिओवमाई। अट्रो सो चेव ।।
१०५०. लंतगस्सवि जाय तओ परिसाओ जाव अभितरियाए परिसाए दो देवसाहस्सीओ, मज्झिमियाए चत्तारि देवसाहस्सीओ पण्णत्ताओ, वाहिरियाए छद्देवसाहस्सीओ पण्णत्ताओ। ठिती भाणियव्वा-अभितरियाए परिसाए वारस सागरोवमाई सत्त १. साइरेगाई पंच (त्रि)।
३. पण्ण० २१५३ । २. पण्ण० २१५२ ।
४. पण्ण० २१५४-५६ ।