Agam 14 Upang 03 Jivabhigam Sutra Jivajivabhigame Terapanth

SR No.: 003570
Original Sutra Author: N/A
Author: Tulsi Acharya, Mahapragna Acharya
Publisher: Jain Vishva Bharati
Publication Year: 1989
Total Pages: 639
Language: Prakrit
Classification: Book_Devnagari, Agam, Canon, & agam_jivajivabhigam
File Size: 13 MB

Page 278

४१६
तिणि य कोसा" दारस्स य दारस्स य आवाहाए अंतरे पण्णत्ते ॥
८१६. कालोदस्स णं भंते ! समुहस्स पएसा पुक्खरवरदीवं पुट्ठा ? तहेव' ।। ८१७. एवं पुक्खरवरदीवस्सवि' ।।
१८. कालोदे णं भंते ! समुद्दे जीवा उद्दाइत्ता- उद्दाइत्ता तहेव भाणियव्वं ॥ ८१६ सेकेणट्ठे भंते! एवं बुच्चति कालोए समुद्दे ? कालोए समुद्दे ? गोमा ! कालोयस्स णं समुदस्स उदके आसले' मासले पेसले 'कालए मासरासिवण्णाभे" पगतीए उदगरसे पण्णत्ते । काल-महाकाला य दो' देवा महिढीया जाव पलिओवमद्वितीया परिवसति । से तेणट्ठेणं गोयमा ! जाव' णिच्चे ||
८२. कालोए णं भंते ! समुद्दे कति चंदा पभासिसु वा पुच्छा । गोयमा ! कालोए णं समुद्दे वायालीसं चंदा पभासिसु वा 'पभासेति वा पद्मासिस्संति वा, बायालीसं सूरिया विसु वा तवंति वा विस्संति वा, एवं णक्खत्तसहस्सं छावतरं णक्खत्तसतं जोगं जोइंसु वा जयंति वा जोइस्संति वा, तिष्णि महग्गहा सहस्सा छन्च सता छण्णउया चारं चरिंसु वा चरंति वा चरिस्सति वा, अट्ठावीस सयसहस्सा वारस य सहस्सा नव य सया पन्नासा तारागण कोड कोडी " सोभ सोभिसु वा सोभंति वा सोभिस्संति वा ।
पुखरवर दीवाधिगारो
८२१. कालोयं णं समुद्दं पुक्खरवरे णामं दीवे वट्टे वलयागारसंठाणसंठिते सव्वतो समता संपरिक्खित्ताणं चिट्ठति ॥
८२२. 'पुक्खरवरे णं दीवे किं समचक्कवालसंठिते ? विसमचक्कवालसंठिते ? गोयमा "" ! समचक्कवालसंठिते", नो विसमचक्कवालसंठिते ||
१. 'क, ख, ग, ट, त्रि' आदर्शेषु चिन्हाङ्कितपाठस्य स्थाने एका गाथा उपलभ्यते—
बावीस सय सहस्सा बाणउति खलु भवे सहस्साई छच्च सया छायाला दारंतर तिष्णि कोसा य ॥ १॥ २. जी० ३।७१५, ७१६
३. जी० ३।७१७, ७१८
४. जी० ३।७१६, ७२०
५. आयले (ता) ।
६. धोकारालए मसिरासिवण्णाभे (ता) | ७. उदगरसे णं (क, ख, ग, ट, त्रि) । ८. दुवे (क, ख, ग, ट, त्रि) । ६. जी० ३।३५० ।
१०. 'क, ख, ग, ट, त्रि' आदर्शषु गाथात्रयमुपलभ्यते । वृत्तिकृता एता गाथा 'अन्यत्राप्युक्तम्' इत्युलेखपूर्वकं वृत्तौ उद्धृता सन्ति । अनेन सम्भाव्यते एतासां गाथानां अर्वाचीनादशेषु
जीवाजीवाभिगमे
वृत्ति रचनादुत्तरकाले प्रक्षेपो जातः । ताश्च एवं विद्यन्ते-
वायालीसं चंदा, बायालीसं च दिणयरा दित्ता । कालोदधिम्मि एते चरंति संबद्धलेसागा ॥ १ ॥
क्खत्ताण सहस्सं एगं छावत्तरं च सतमण्णं । छच्च सता छण्णउया महागहा तिष्णि य सहस्सा ||२||
अट्ठावीस कालोदहिम्मि बारस य सयसहस्साई । नव य सया पन्नासा तारागणकोडिकोडीणं ॥ ३॥
मूलपाठे 'अट्ठावीस सयसहस्सा' 'बारस य सहस्सा' इत्युपलभ्यते, किन्तु प्रस्तुतगाथाया 'बारस य सबसहस्साई' मूलपाठपद्धत्या नास्ति समीचीनं अथवा छन्दोदृष्ट्या एवं संक्षेपीकरणं स्यात् ।
११. तहेव जाव (क, ख, ग, ट, त्रि) । १२. संठाणसंठिते ( क, ख, ग, ट, त्रि) अग्रेपि ।