Agam 14 Upang 03 Jivabhigam Sutra Jivajivabhigame Terapanth

SR No.: 003570
Original Sutra Author: N/A
Author: Tulsi Acharya, Mahapragna Acharya
Publisher: Jain Vishva Bharati
Publication Year: 1989
Total Pages: 639
Language: Prakrit
Classification: Book_Devnagari, Agam, Canon, & agam_jivajivabhigam
File Size: 13 MB

Page 227

तवा चउव्हिडिवत्ती
३६५
सपरिवाराणं तिन्हं परिमाणं सत्तण्हं अणियाणं सत्तण्हं अणियाहिवईणं सोलसण्हं आयरक्खदेवसाहस्सीणं विजयस्स गं दारस्स विजयाए रायहाणीए, अण्णेसिं च बहूणं विजयाए रायहाणीए वत्थव्वगाणं' देवाणं देवीण य आहेवच्चं पोरेवच्चं सामित्तं भट्टित्तं महत्तरगतं आणा-ईसर-सेणावच्चं कारेमाणे पालेमाणे महह्यायनदृ-गीय-वाइय-तंती- तल-ताल-तुडियघ- मुइंग पडुप्पवाइयरवेणं दिव्वाई भोगभोगाई भुजमाणे विहरइ ॥
५६४. विजयस्स णं भंते ! देवस्स केवतियं कालं ठिती पण्णत्ता ? गोयमा ! एवं पलिओवमं ठिती पण्णत्ता ॥
५६५. विजयस्स णं भंते ! देवस्स सामाणियाणं देवाणं केवतियं कालं ठिती पण्णत्ता ? गोमा ! एगं पलिओवमं ठिती पण्णत्ता | एमहिड्ढीए एमहज्जुतीए एमहब्बले एमहायसे महासोक्खे एमहाणुभागे विजए देवे विजए देवे !
वैजयंतादि-अधिगारो
५६६. कहि णं भंते ! जंबुद्दीवस्स दीवस्स वेजयंते णामं दारे पण्णत्ते ? गोयमा ! बुद्दी दी मंदरम्स व्वयस्स दक्खिणेणं पणयालीसं जोयणसहस्साई अवाधाए जंबुद्दीवे दीवे दाहिणपेरते लवणसमुद्ददाहिणद्धस्स उत्तरेण, एत्थ णं जंबुद्दीवस्स दीवस्स वेजयं णामं दारे पण्णत्ते - अट्ठ जोयणाई उड्ढं उच्चत्तेणं, सच्चेव सव्वा वत्तव्वता जाव' दारे ॥
५६७. कहि णं भंते! रायहाणी दाहिणे णं जाव' वैजयंते देवे वेजयंते देवे ||
५६८. कहि णं भंते ! जंबुद्दीवस्स दीवस्स जयंते णामं दारे पण्णत्ते ? गोयमा ! जंबुद्दीवे दीवे मंदरस्स पन्चयस्स पच्चत्थिमेणं पणयालीसं जोयणसहस्साई जंबुद्दीवे दीवे पच्चत्थिमपेरते लवणसमुद्दपच्चत्थिमद्धस्स पुरत्थिमेणं सीओदाए महानदीए उप्पि, एत्थ जंबुद्दीवस्स दीवस्स जयंते णामं दारे पण्णत्ते । तं चैव से पमाणं जयंते देवे पच्चत्थिमे से रायहाणी जान एमहिड्ढीए ||
५६६. कहि णं भंते ! जंबुद्दीवस्स दीवस्स अपराइए णामं दारे पण्णत्ते ? गोयमा ! मंदरस्स उत्तरेण पणयालीसं जोयणसहस्साइं अबाहाए जंबुद्दीवे दीवे उत्तरपेरते लवणसमुद्दस्त उत्तरद्धस्स दाहिणेणं, एत्थ णं जंबुद्दीवे दीवे अपराइए णामं दारे पण्णत्ते तं चेव पाणं । रायहाणी उत्तरेणं जाव अपराइए देवे । चउहवि अण्णमि जंबुद्दीवे ॥
५७०. जंबुद्दीवस्स णं भंते ! दीवस्स दारस्स य दारस्स य एस णं केवतियं अबाधाए अंतरे पण्णत्ते ? गोयमा ! अउणासीति जोयणसहस्साई बावण्णं च जोयणाई देसूणं च अजोय दारस य दारस्स य अवाधाए अंतरे पण्णत्ते ॥
जंबुद्दीवाधिगारो
५७१. जंबुद्दीवस्स णं भंते ! दीवस्स पएसा लवणं समुद्दे पुट्ठा ? हंता पुट्ठा ॥ ५७२. ते णं भंते! किं जंबुद्दीचे दीवे ? 'लवणे समुद्दे" ? गोयमा ! ते जंबुद्दीवे दीवे,
१. अतः परं 'वाणमंतराणं' इति पदं अध्याहार्यम् । २. जी० ३।२६६-३५० ।
३. णिच्चे (क, ख, ग, ट, त्रि) ।
४. जी० ४।३५१-५६५ ।
५. लवणसमुद्दे (क, ख, ग, ट, त्रि) ।