Page Text
________________
३०४
जीवाजीवाभिगमे
बाहिरियाए परिसाए देवाणं केवतियं कालं ठिती पण्णत्ता? अभितरियाए परिसाए देवीणं केवतियं कालं ठिती पण्णत्ता ? मज्झिमियाए परिसाए देवीणं केवतियं कालं ठिती पण्णता ? बाहिरियाए परिसाए देवीणं केवतियं कालं ठिती पण्णत्ता ? गोयमा ! धरणस्स णं नागकुमारिंदस्स नागकुमाररण्णो अभितरियाए परिसाए देवाणं सातिरेगं अद्धपलिओवमं ठिती पण्णत्ता, मज्झिमियाए परिसाए देवाणं अद्धपलिओवमं ठिती पण्णत्ता, बाहिरियाए परिसाए देवाणं देसूणं अद्धपलिओवमं ठिती पण्णत्ता, अभितरियाए परिसाए देवीणं देसूणं अद्धपलिओवमं ठिती पण्णत्ता, मज्झि मियाए परिसाए देवीणं सातिरेगं च उन्भागपलिओवमं ठिती पण्णत्ता, वाहिरियाए परिसाए देवीणं चउभागपलिओवमं ठिती पण्णत्ता । अट्ठो जहा चमरस्स ॥
२४८. कहि णं भंते ! उत्तरिल्लाणं नागकुमाराण भवणा पण्णत्ता? जहा ठाणपदे जाव' विहरति ॥
२४६ भूयाणंदस्स णं भंते ! नागकुमारिंदस्स नागकुमाररणो अभितरियाए परिसाए कति देवसाहस्सीओ पण्णत्ताओ? मज्झिमियाए परिसाए कति देवसाहस्सीओ पण्णताओ ? वाहिरियाए परिसाए कति देवसाहस्सीओ पण्णत्ताओ? अभितरियाए परिसाए कति देविसया पण्णत्ता ? मज्झिमियाए परिसाए कति देविसया पण्णत्ता ? बाहिरियाए परिसाए कति देविसया पण्णत्ता ? गोयमा ! भूयाणंदस्स णं नागकुमारिंदस्स नागकुमाररणो अभितरियाए परिसाए पन्नासं देवसाहस्सीओ पण्णत्ताओ, मज्झिमियाए परिसाए सटि देवसाहस्सीओ पण्णत्ताओ, वाहिरियाए परिसाए सत्तरि देवसाहस्सीओ पण्णत्ताओ, अभितरियाए परिसाए 'दो पणवीसं देविसया" पण्णत्ता, मज्झिमियाए परिसाए दो देवीसया पण्णत्ता, वाहिरियाए परिसाए पण्णत्तरं देविसयं पण्णत्तं ॥
२५०. भूयाणंदस्स णं भंते ! नागकुमारिदस्स नागकुमाररण्णो अभितरियाए परिसाए देवाणं केवतियं कालं ठिती पण्णत्ता जाव वाहिरियाए परिसाए देवीणं केवतियं कालं ठिती पण्णत्ता ? गोयमा ! भूताणंदस्स णं नागकुमारिंदस्स नागकुमाररण्णो अभितरियाए परिसाए देवाणं देसूणं पलिओवमं ठिती पण्णत्ता, मज्झिमियाए परिसाए देवाणं साइरेगं अद्धपलिओवमं ठिती पण्णत्ता, बाहिरियाए परिसाए देवाणं अद्धपलिओवमं ठिती पणत्ता. अभितरियाए परिसाए देवीणं अद्धपलिओवमं ठिती पण्णत्ता, मज्झिमियाए परिसाए देवीणं देसणं अद्धपलिओवमं ठिती पण्णत्ता, वाहिरियाए परिसाए देवीणं साइरेगं चउब्भागपलिओवमं ठिती पण्णत्ता। अत्थो जहा चमरस्स ! अवसेसाणं वेणुदेवादीणं महाघोसपज्जवसाणाणं ठाणपदवत्तव्वया णिरवयवा' भाणियव्वा, परिसाओ जहा धरण-aian दाहिणिल्लाणं जहा धरणस्स उत्तरिल्लाणं जहा भूताणंदस्स । परिमाणंपि ठितीवि ॥
२५१. कहि णं भंते ! वाणमंतराणं देवाणं 'भोमेज्जा णगरा" पण्णत्ता ? जहा ठाण१. पण्ण० २।३६ ।
५. जी० ३।२४६,२४७ ॥ २. पणुवीसा दो देविसता (ता)।
६. जी० ३।२४८,२४६ । ३. x (मवृ) ।
७. भवणा (क, ख, ग, ट, त्रि)। ४, पण्ण० २।३७-४०।
Jain Education International
For Private & Personal Use Only
www.jainelibrary.org
| SR No. | 003570 |
| Book Title | Agam 14 Upang 03 Jivabhigam Sutra Jivajivabhigame Terapanth |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 639 |
| Language | Prakrit |
| Classification | Book_Devnagari, Agam, Canon, & agam_jivajivabhigam |
| File Size | 13 MB |