Agam 14 Upang 03 Jivabhigam Sutra Jivajivabhigame Terapanth

SR No.: 003570
Original Sutra Author: N/A
Author: Tulsi Acharya, Mahapragna Acharya
Publisher: Jain Vishva Bharati
Publication Year: 1989
Total Pages: 639
Language: Prakrit
Classification: Book_Devnagari, Agam, Canon, & agam_jivajivabhigam
File Size: 13 MB

Page 165

तच्चा चउन्विहपडिवत्ती
असुरकुमाररण्णो तओ परिसाओ पण्णत्ताओ---समिया चंडा जाया । अभितरिया समिया, मज्झिमिया चंडा, बाहिरिया जाया ।।
२४०. कहि णं भंते ! उत्तरिल्लाणं असुरकुमाराणं भवणा पण्णता? जहा ठाणपदे जाव बली, एत्थ वइरोणिदे वइरोयण राया परिवसति जाव' विहरति ।।
२४१. बलिस्स णं भंते ! वइरोणिदस्स वइरोयणरण्णो कति परिसाओ पण्णताओ? गोयमा ! तिण्णि परिसाओ पण्णत्ताओ, तं जहा--समिया चंडा जाया । अभितरिया समिया, मज्झिमिया चंडा, वाहिरिया जाया ।
२४२. वलिस्स णं भंते ! वइरोणिदस्स वइरोयणरण्णो अभितरियाए परिसाए कति देवसहस्सा पण्णत्ता ? मज्झिमियाए परिसाए कति देवसहस्सा पणत्ता जाव बाहिरियाए परिसाए कति देविसया पणत्ता ? गोयमा ! वलिस्सणं वइरोयणि दस्स वइरोयणरणो अभितरियाए परिसाए वीसं देवसहस्सा पण्णत्ता, मज्झिमियाए परिसाए चउवीसं देवसहस्सा पण्णत्ता, बाहिरियाए परिसाए अट्ठावीसं देवसहस्सा पण्णत्ता, अभितरियाए परिसाए अद्धपंचमा देविसया पण्णत्ता, मज्झिमियाए परिसाए चत्तारि देविसया पण्णत्ता, बाहिरियाए परिसाए अद्भुट्ठा देविसया पण्णत्ता ।।
२४३. वलिस्स ठितीए पुच्छा जाव वाहिरियाए परिसाए देवीणं केवतियं कालं ठिती पण्णत्ता ? गोयमा! बलिस्स णं वइरोर्याणदस्स वइरोयण रण्णो अभितरियाए परिसाए देवाणं अद्धट्ट पलिओवमा ठिती पण्णत्ता, मज्झिमियाए परिसाए तिण्णि पलिओवमाई.ठिती पण्णत्ता, बाहिरियाए परिसाए देवाणं अड्ढाइज्जाइं पलिओवमाइं ठिती पण्णत्ता, अभितरियाए परिसाए देवीणं अड्ढाइज्जाइं पलिओवमाई ठिती पण्णता, मज्झिमियाए परिसाए देवीणं दो पलिओवमाइं ठिती पण्णत्ता, बाहिरियाए परिसाए देवीणं दिवढं पलिओवम ठिती पण्णत्ता । सेसं जहा चमरस्स असुरिंदस्स असुरकुमाररणो॥
२४४. कहि णं भंते ! नागकुमाराणं देवाणं भवणा पण्णत्ता? जहा ठाणपदे जाव दाहिणिल्लावि पुच्छियव्वा जाव धरणे, इत्थ नागकुमारिदे नागकुमारराया परिवसति जाव' विहरति ।।
२४५. धरणस्स णं भंते ! नागकुमारिदस्स नागकुमाररण्णो कति परिसाओ पण्णताओ? गोयमा ! तिणि परिसाओ, ताओ चेव जहा चमरस्स ।।
२४६. धरणस्स णं भंते ! नागकुमारिदस्स नागकुमाररण्णो अभितरियाए परिसाए कति देवसहस्सा पण्णत्ता जाव बाहिरियाए परिसाए कति देवीसया पण्णत्ता? गोयमा ! धरणस्स गं नागकुमारिदस्स नागकुमाररणो अभितरियाए परिसाए सट्टि देवसहस्साई, मज्झिमियाए परिसाए सत्तरि देवसहस्साई, वाहिरिया ए असीतिदेवसहस्साई, अभितरियाए परिसाए पण्णत्तरं देविसतं पण्णत्तं, मझिभियाए परिसाए पण्णासं देविसतं पण्णत्तं, बाहिरियाए परिसाए पणवीसं देविसतं पण्णत्तं ।।
२४७. धरणस्स णं नागकुमारिदस्स नागकुमार रण्णो अभितरियाए परिसाए देवाणं केवतियं कालं ठिती पण्णत्ता? मझिमियाए परिसाए देवाणं केवतियं कालं ठिती पण्णत्ता?
१. पण्ण० २१३३ ।
२. पण्ण० २१३४,३५।