Page Text
________________
रायपसेणइयं
गयलक्खणं ३५. गोणलक्खणं ३६. कुक्कुडलक्खणं ३७. छत्तलक्खणं ३८. चक्कलक्खणं' ३६. दंडलक्खणं ४०. असिलक्खणं ४१. मणिलक्खणं ४२. कागणिलक्खणं' ४३. वत्युविज्जं ४४. णगरमाणं ४५. खंधावारमाणं ४६. चारं ४७. पडिचारं ४८. वूहं ४६. पडिवहं ५०. चक्कवूहं ५१. गरुलवूहं ५२. सगडवूहं ५३. जुद्धं ५४. निजुद्धं ५५. जुद्धजुद्ध" ५६. अट्टिजुद्धं ५७. मुट्ठिजुद्धं ५८. वाहुजुद्धं ५६. लयाजुद्धं ६० ईसत्थं ६१. छरुप्पवायं ६२. धणुवेयं ६३. हिरण्णपागं ६४. सुवण्णपागं* ६५. सुत्तखेड्ड" ६६. वट्टखेड्ड ६७. गालियाखेडं ६८. पत्तच्छेज्जं ६६. कडगच्छेज्जं ७०. सज्जीवं ७१. निज्जीवं ७२. सउणरुयं इति ।
८०७. तए णं से कलायरिए तं दढपइण्णं दारगं लेहाइयाओ गणियप्पहाणाओ सउणरुयपज्जवसाणाओ बावर्त्तारि कलाओ सुत्तओ य अत्थओ य गंथओ य करणओ य सिक्खावेत्ता सेहावेत्ता अम्मापिऊणं उवणेहिइ ॥
८०८. तए णं तस्स दढपइण्णस्स दारगस्स अम्मापियरो तं कलायरियं विउलेणं असण- पाणखाइम साइमेणं वत्थ-गंध-मल्लालंकारेणं सक्कारिस्संति सम्माणिस्संति, विउलं जीवियारिहं पीइदाणं दल इस्संति, दलइत्ता पडिविसज्जेहिति ।।
८०६. तए णं से दढपइण्णे दारए उम्मुक्कबालभावे विण्णयपरिणयमित्ते जोव्वणगमणुपत्ते वावत्तरिकलापंडिए णवंगसुत्तपडिबोहिए अट्ठारसविहदेसिप्पगारभासाविसारए' गीयरई गंधव्वणट्टकुसले सिंगारागारचारुरूवे संगय-गय-हसिय- भणिय-चिट्ठिय-विलासणिउण- जुत्तोवयारकुसले हयजोही गयजोही रहजोही बाहुजोही बाहुप्पमद्दी अलंभोगसमत्थे साहसिए वियालचारी यावि भविस्सइ ||
२१०
८१०. तए णं तं दढपइण्णं दारगं अम्मापियरो उम्मुक्कबालभावं' •विष्णयपरिणयमित्तं जोव्वणगमणुपत्तं वावत्तरिकलापंडियं णवंगसुत्तपडिबोहियं अट्ठारसविहदे - सिप्पगार भासाविसारयं गीयरई गंधव्वणट्टकुसलं सिंगारागारचारुरूवं संगय-गय- हसियभणिय-चिट्ठिय-विलास पिउण-जुत्तोवयारकुसलं हयजोहि गयजोहि रहजोहिं बाहुजोहिं वाहुप्पम अलंभोग समत्थं साहसियं विद्यालचारि च वियाणित्ता विउलेहि अण्णभोगेहिय पाणभोगेहि य ले भोगेहि य वत्थभोगेहि य सयणभोगेहि य उवनिसंतेहिति ॥
८११. तए णं दढपइण्णे दारए तेहि विउलेहि अण्णभोगेहि पाणभोगेहि लेणभोगेहि वत्यभोगेहिं सयणभोगेहि णो सज्जिहिति णो गिज्झिहिति णो मुज्झिहिति णो अज्झोववज्जिहति । से जहाणामए पउमुप्पलेइ" वा पउमेइ वा" कुमुएइ वा नलिइ वा सुभगेइ वा सुगंधिएइ वा पोंडरीएइ वा महापोंडरीएइ वा सयपत्तेइ वा सहस्तपत्ते वा
१. x (क, ख, ग ) ।
२. कागिणि° (क) ।
३. जुद्धाइजुद्धं (क, ख, ग ) 1
४. पागं मणिपागं धाउपागं ( क, ख, ग, घ, च, छ ) ।
५. खेडं (क, ख, ग, च, छ ।
६. विदेसप्प (क, घ) 1 ७. भिंगारा ( क ) ।
Jain Education International
८. सं० पा०—उम्मुक्कबालभावं जाव वियाल - चारि ।
६. सं० पा० - अण्णभोगेहि जाव सयणभोगेहि ।
१०. ' उप्पलेइ' ओ० सू० १५०; अत्रापि 'उप्पले ' इति पाठो युक्तोस्ति ।
११. सं० पा०-- पउमेर वा जाव सयसहस्पतेइ वा ।
For Private & Personal Use Only
www.jainelibrary.org
| SR No. | 003569 |
| Book Title | Agam 13 Upang 02 Rajprashniya Sutra Raipaseniyam Terapanth |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 470 |
| Language | Prakrit |
| Classification | Book_Devnagari, Agam, Canon, & agam_rajprashniya |
| File Size | 9 MB |